Sport (08.05.20)
Poskićeja zaso kursy
Hoy-Reha, dnjowa klinika za rehabilitaciju a prewenciju we Wojerecach, poskića zaso sportowe kursy. Wšitke tak mjenowane suche kursy su we wulkich rumnosćach planowane, tak zo móža tam wotstawk dweju metrow dodźeržeć. Sport we wodźe pak budu jeno z maksimalnje šěsć wosobami přewjesć móc.
Akwafitnesowy kurs: Hdyž so we wodźe derje čujeće a chceće-li někotre punty wotbyć, swój krejny wobtok fit dźeržeć a swoje ćěło formować, wobdźělće so na akwafitnesowym kursu: póndźelu, 11. meje (16.45, 17.30, 18.15 a 19.00 hodź.); wutoru, 12. meje (17.15 a 18.00 hodź.); štwórtk, 14. meje (17.00, 17.45, 18.30 a 19.15 hodź.).
„Bjezćežiće trenować“: Chceće swoje ćěło zaso na prawidłowne poćežowanje zwučić? Žedźiće so za pohibami, kotrež waše zhibadła njepoćežuja? Potom dowěrće zběhej (Auftrieb) ćopłeje wody a wuspytajće kurs akwagymnastiki: póndźelu, 11. meje (7.30, 8.15, 9.00, 9.45, 10.30 a 15.45 hodź.), wutoru, 12. meje (8.15 a 9.00 hodź.) a srjedu, 13. meje (9.30 hodź.).
Gymnastika za pónoj: Wěsće wy, zo a kak móžeće swoju pónoj (Becken) hibać a kak wona tež bjedro (Hüfte) wobwliwuje? Jeli nic, da pospytajće so wutoru, 12. meje (18.00 do 19.00 hodź.).
Dwanaćelětny ze Šunowa do Drježdźan
Kopar Serbskeje koparskeje wubranki (SKW) Patrik Woko ze Šunowa poda so hižo jako dwanaćelětny na Drježdźansku sportowu wyšu šulu. Wot lěta 2013 je nětko w rjadach Jednoty Kamjenc. Wo aktualnej hrajnej dobje w krajnej lize, kotraž je wot wčerawšeho zakónčena, a wo jeho času w Drježdźanach je Tadej Cyž-Njebjelčanski ze Šunowčanom porěčał.
Witaj, Patriko, kak so ći wjedźe?
P. Woko: Mi so poměrnje derje dźe, dźakuju so. Spytam so tučasnje z kolesowanjom a joggingom fit dźeržeć. Tež indiwidualne zwučowanja wjacore razy wob tydźeń přewjeduju. To pak njeje z mustwowym treningom přirunajomne.
Sy sej w zymje koleno zranił, je wšitko zaso w porjadku?
P. Woko: Haj, sym so kónc decembra w zymskim dowolu zranił. Njesmědźach koleno na to šěsć tydźenjow poćežować. Po tym sym krok po kroku z wosebitymi zwučowanjemi započał. Prawje wusměrjeny treningowy plan je mi jara pomhał. Nětko docyła žane ćeže wjace nimam.
Što měniš k rozsudej, zo w krajnej lize a dalšich krajnych klasach kopańcy hižo žane dypkowe hry njebudu?
Zastork, zakop, postork
Na krajnej runinje sezona zakónčena
Sakski koparski zwjazk (SFV) je wčera zdźělił, zo so sezona 2019/2020 na krajnej runinje 30. junija oficialnje skónči. Po dalšej widejokonferency zamołwitych SFV bu rozsudźene, zo žane dalše winowatostne hry wjace njebudu. Nimo toho bu rjadowane, kak dotalnu sezonu hódnoćić a kak z postupami a zestupami wobchadźeć. Načolnicy staflow njesmědźa so oficialny mišter mjenować, mustwa w pincy tabulki njetrjebaja zestupić, a postupy klasu wyše chce SFV z tak mjenowanym kwocientom rjadować. Cyłki, kotrež chcedźa postupić, dyrbja so hač do hišće njepostajeneho termina přizjewić. Zamołwići za planowanje hrow w sezonje 2020/2021 budu na ličbu staflow, sylnosće staflow, postupy a zestupy a wšelake hrajne modusy fleksibelnje reagować.
Pokalne wubědźowanja chce SFV rady hišće přewjesć, tež po 30. juniju 2020. Kilian Hrjehor
Wjele T-shirtow hižo předał
Mustwo ze sakskeje stolicy chce do Łužicy přijěć
W dorostowej kopańcy wokomiknje hišće nichtó na dypkowe hry njemysli. Tež prawidłowny zhromadny trening njeje hišće tak prawje móžny. Kak, hdy a hač hrajna doba docyła dale póńdźe, tučasnje nichtó njewě. Móžno, zo ju bjez hódnoćenja dočasnje zakónča.
Na Serbsku koparsku wubranku młodźiny D (SKW D) pak čaka, jeli koronasituacija to dowoli, dalše napjate a zajimawe wužadanje. Po wuspěšnym wobdźělenju na Galand-cupje spočatk lěta w Kamjencu chce mustwo w juliju přećiwo šulskemu cyłkej z Drježdźan přećelsku hru přewjesć a zhromadny wječor wotměć. Mustwowy nawoda ze sakskeje stolicy je na Kamjenskim turněrje styki k trenarjam wubranki SKW D nawjazał. Jara chwalobnje wuprajili su so zamołwići z Drježdźan nastupajo serbsku rěč a wustupowanje serbskeho mustwa.
„Dyrbimy so hižo na nowuhrajnu dobu wusměrić“
Krajna klasa – poslednje koparske wuslědki ze 7./8. měrca 2020
Běła Woda – Weixdorf 2:1 (0:1)
Drježdźanski SC – Wocl Rěčicy 2:2 (2:1)
Oderwitz – Borea Drježdźany 3:4 (1:3)
Großröhrsdorf – Chrósćicy 1:1 (0:0)
Rotacija Drježdźany – Rakecy 5:1 (1:0)
Trjebin – Ćisk 0:0 (0:0)
Laubegast – Drježdźany-Strěžin 1:1 (0:1)
1. Drježdźany Laubegast 14 47 : 18 31
2. TSV Rotacija Drježdź. 14 40 : 16 29
3. SZ Drježdźany-Strěžin 14 36 : 17 29
4. SC Borea Drježdźany 14 35 : 27 25
5. SC Großröhrsdorf 14 19 : 17 22
6. ST Trjebin 14 21 : 26 21
7. VfB Běła Woda 1909 14 21 : 24 20
8. Rakečanske ST 14 29 : 31 16
9. SJ Chrósćicy 14 23 : 27 15
10. Drježdźanski SC 1898 14 20 : 25 15
11. SG Weixdorf 14 22 : 32 13
12. FC Wocl Rěčicy 14 24 : 38 13
13. FSV Oderwitz 02 14 24 : 40 9
14. ST Ćisk 14 17 : 40 5
Što činja koparjo w času bjez treninga a hrow? To chcyše tež sportowy reporter Werner Müller z Radworja wědźeć a je so Benjamina Müllera prašał. 23lětny za ST Ćisk w krajnej klasy kopački šnóruje a wot januara 2015 tam za bulom honi.
Kak so tučasnje fit dźeržiće?
B. Müller: Ja často kolesuju, jogguju a wužiwam móžnosće w našej pincy, zo bych ze wšelakimi nastrojemi muskulaturu a wutrajnosć trenował.
Zwučujeće sam?
Trening pod hołym njebjom nětko zaso móžny
Němski olympiski sportowy zwjazk (DOSB) je w minjenych tydźenjach 10 zasadow zdźěłał, na kotrež dyrbja so sportowče a sportowcy dźeržeć, chcedźa-li nětko wonka trenować. Zasady płaća za wšě sportowe družiny a wosebje towarstwa maja je wobkedźbować. Trenarki a trenarjo wšěch starobnych klasow dyrbja je znać a w přichodźe na to dźiwać, zo předpisy tež dodźerža. Doskónčny rozsud, hač smědźa koparki /koparjo, wolejbulistki/wolejbulisća a dalši zaso w mustwach na sportnišćo, pak leži w rukach politikarjow. Slědowace prawidła DOSB namjetuje:
1. Wotstawk dźeržeć
Wotstawk znajmjeńša dweju metrow mjez wosobomaj prawdźepodobnosć natyknjenja z koronawirusom chětro pomjeńša. Dokelž so sportowče a sportowcy hibaja, je tutón wotstawk wulkomyslny. Při zachodźe na sportowe areale njesmědźa žane rynki nastać.
2. Ćělne kontakty zakazane
Sport a pohibowanje dyrbitej bjez kontakta wotběžeć. Ruce sej dawać, so wjesela abo zrudoby dla wobjimać – toho dyrbja so wšitcy wzdać. Dwuboje, na přikład při kopańcy, su tohorunja zakazane. Tu hodźi so trening jenož indiwidualnje přewjesć.
Přechodne prawidła za sportowu družinu wolejbul
Po shutdownje a dočasnym kóncu sezony koronawirusa dla je Němski wolejbulowy zwjazk (DVV) zhromadnje z Němskim olympiskim sportowym zwjazkom (DOSB) přechodne prawidła za treningowy kaž tež hrajny wobchad namjetował. Te so wězo na 10 zasadach DOSB orientuja a płaća za kóždu sportowu družinu. Konkretnje za wolejbul su to slědowace:
Prjedy hač so trening, treningowe hry, abo samo dypkowe hry (hač do awgusta na žadyn pad móžne) zahaja, dóstanje kóždy wobdźělnik treninga jónkrótny naprašnik, kotryž ma podpisać, zo je wobsahi, čitał, zrozumił, akceptował a zo so po nich ma. W padźe symptomow natyknjenja z koronawirusom ma so hnydom testować dać a so najprjedy raz do karanteny podać.
Dale su tele dypki wažne:
– Kóždy podpisa, zo přechodne prawidła dodźerži, a zo je winowaty na sebje a tamnych kedźbować (Fürsorgepflicht).
– Přewažnje ma so wonka hrać, je-li w ćěłozwučowarnjach, maja wone zas a zaso derje přewětrjene być.
– w małych skupinkach hač do 5 wosobow trenować – skupinki po móžnosći krute wostajić a njezměnić
– žadyn ćělny kontakt z druhim dźeržeć
– dwaj metraj wotstawka dodźeržeć
