×

Powěsć

Failed loading XML...

Hlas z rezonancu

pjatk, 18. decembera 2020
artikl hódnoćić
(0 )
Bratislava (SŽ/K/SN). Peter Pellegrini bě jako słowakski premier-naslědnik kontrowersneho Roberta Fica jara woblu­bowany, po dobyću wólbow sejma přez hibanje OLaNO zastojnstwo wšak toho předsydźe Igorej Matovičej přepodać dyrbjał. Na to je Pellegrini hromadźe z někotrymi dalšimi zapósłancami Smera-Socialna demokratia Ficowej stronje božemje prajił a nowu politisku stronu Hlas-Socialna demokratia załožił. Swoju kročeli wopodstatnja wón takle: „W towaršnosći knježi napjata atmosfera. Rozsudy knježerstwa su často charakterizowane z chaosom, amaterskosću a njena­zhonitosću. Jedna z prioritow Hlasa-SD dyrbi tohodla być, skutkować profesionelnje a wěcywustojnje“. Po wšěm zdaću je „symješko“ na płódnu pódu padło. Wujewja dźě woprašowanje agentury Activ­ spočatk decembra, zo by wólby sejma­ nětko Hlas-SD z 22 procentami dobył.­ Porno tomu by OlaNO jeno hišće 14 procentow dóstało, skoro dźesać procen­tow mjenje hač při wólbnym dobyću. SaS nazběra 13,4 procenty, Smer-SD 10,3 procenty.
wozjewjene w: Słowjanski wukraj
Prošu přizjewće so, chceće-li komentar podać

nawěšk

nowostki LND