Nětko z hibanjom

srjeda, 23. decembera 2020
artikl hódnoćić
(0 )
Praha (ČŽ/K/SN). Ze zaměrom, Čěsku „změnić k lěpšemu“, bě něhdyši předsyda towarstwa Milion chvilek Mikulaš Minař loni towarstwo Pro ČR załožił. Z nim ničo njewuskutkujo přetwori wón konstrukt nětko do politiskeho hibanja z mjenom Lide PRO, nadźijejo so tak wjetšeho připóznaća mjez ludnosću a z tym wuhladnišu towaršnostnu skutkownosć. Wobydlerjo móža internetnje zwuraznić, zo přeja sej wobdźělenje Lide PRO na klětušich wólbach parlamenta. Za to chce hibanje 500 000 podpismow nazběrać. Z Milionu chwilkow njewuspěšny Minař – žana wot njeho organizowana wulka demonstracija w Praze njeje premiera Babiša powalić móhła – jako šef nastawaceho politiskeho hibanja Lide PRO wozjewja: „Naš kraj je w krizy, wón drěma a tepta na blaku. Na tym wina je staw našeje politiki. Tež ta je w krizy. Něšto nowe dyrbi přińć, čerstwy wětřik zaduć. Do politiki słušeja nowi ludźo, pócćiwi a přistojni, kiž móžeja připosłuchać“. Minař chce zdobyć nahladnych sobuwojowarjow.
wozjewjene w: Słowjanski wukraj
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND