Pólska chcyła miliony tonow zorna susodneho kraja přez přistawy wotbyć
Waršawa. Tunje žito a druhe ratarske wudźěłki z Ukrainy su w Pólskej dale wulki problem a nuzuja knježerstwo jednać. Na ćišć pólskich ratarjow je předsyda narodno-konserwatiwneje strony PiS Jarosław Kaczyński tele dny samo dalši import z Ukrainy zakazał. Mjeztym ma problem tež Europska unija na blidźe.