Marek Krawc rozprawja wo aktualnje rozjimanych temach w Čěskej
Praha. W susodnym kraju je so jědnaty měsac z krutymi zmjerzkami započał. W horinach pokazachu termometry w nocy na sobotu zwjetša temperatury wokoło minus 14 stopnjow celsiusa. Na wosom stacijach wot dohromady 169 wjedrarnjow běchu nócne temperatury samo rekord minjenych 30 lět přetrjechili, Čěski hydro-meteorologiski institut (ČHMÚ) póndźelu w socialnych medijach zdźěli. Blisko wjeski Jizerki w Jizerskich horinach naměrichu minus 14,2 stopnjej. Tež na Šumawje wokoło wjedrarnje Rokytská slať knježeše z 10,1 stopjenjom pod nulu kruta zyma.





