Mějće so do spěcha – jutry so bliža!

pjatk, 10. měrca 2017
artikl hódnoćić
(0 )
Přiroda ze zymskeho spara wotuća. Mnohim to přičina, sudobja před swojimi domami a rabaty z nalětnimi kwětkami zwosadźeć. Tež zahrodnistwo Kerstin Kroll we Wudworju poskića kropački a dalše rostliny w najwšelakorišich barbach a družinach, kotrež nam w póstnym a jutrownym času najrjeńšu pychu skuzłuja. Foto: Feliks Haza Přiroda ze zymskeho spara wotuća. Mnohim to přičina, sudobja před swojimi domami a rabaty z nalětnimi kwětkami zwosadźeć. Tež zahrodnistwo Kerstin Kroll we Wudworju poskića kropački a dalše rostliny w najwšelakorišich barbach a družinach, kotrež nam w póstnym a jutrownym času najrjeńšu pychu skuzłuja. Foto: Feliks Haza
Zelene jutry wěšća smjetanki butry.
Jutrowna wodźička staru krej womłodźa.

Často so praji: Najrjeńše su jutry w Serbach. Njezadźiwa tuž, zo přijědu mnozy Serbja, kotřiž zwonka Łužicy by­dla, rady domoj, zo bychu so ze swójbnymi kaž tež z dalšimi znatymi na najwažnišim swjedźenju cyrkwinskeho lěta zetkali. Wjetšinje Serbow, ewangelskim abo katolskim, su jutry wjace hač wodychnjenje. Je to swjaty tydźeń spominanja, hdźež stej smjerć a žiwjenje wosebje wusko zwjazanej. Tuž tónle wjeršk lěta na swoje wašnje swjeća a haja jón z mnohimi sta lět starymi nałožkami. Hladajo na to je jasne, zo su mnohe přihoty za dostojny swjedźeń zrowastanjenja trěbne.

Jutrowne spěwarki na ewangelskich wsach posrědkuja wobydlerjam w jutrownej nocy poselstwo. Wone tuž pilnje za to zwučuja. W Delnjej a srjedźnej Łužicy budu zaso jutrowne wohenje po krajinje sapać, za čož ludźo hižo nětko drjewo hromadźa.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND