Twori torty ze swójskim rukopisom

pjatk, 22. nowembera 2019

3300

E-Paper: Serbske Nowiny 225

artikl hódnoćić

(0 )

wulkosć pisma Schriftgröße verkleinern Schrift vergrößern

Torty přihotować je wuměłstwo, kotrež Ingrid Tschipke z Njechornja wobknježi. W swójskej konditarni – kuzłarni tortow – spyta wona kupcam són nastupajo cyle wosebite pječwo spjelnić. Nimo klasiskich eksemplarow wumysla sej zas a zaso indiwiduelne torty z wosebitym słodom. SN/Hanka Šěnec

W Njechorńskej kuzłarni tortow nastawaja tykancy k najwšelakorišim přiležnosćam

Z wulkej zahoritosću kuzła Ingrid Tschipke najrjeńše torty a dźiwa na to, měć so po indiwidualnych přećach kupcow. W lěće 2006 bě wona w Njechornju swójsku konditarnju wotewrěła. Štyristronski statok běštaj sej z mandźelskim kupiłoj a přetwariłoj. Nětko błyšći so hłowny dom w módrej barbje, a w tam zaměstnjenej dźěłarni skići Ingrid Tschipke ludźom zajimawy dohlad do swojeho wuměłstwa. Předawarnja je mjenujcy tak koncipowana, zo móžeš konditarce přihladować, kak kreatiwne wudźěłki twori.

wozjewjene w: Předźenak

Galerija

Módry statok na kromje Njechornja kupcow hižo zdaloka wita. Ingrid Tschipke, pochadźaca z bayerskeho Traunsteina, je sej tam kuzłarnju tortow zarjadowała. Nimo tortow, pječe wězo tež tykancy a poprjančki.

Na tortach njesmědźa wězo figury abo formy pobrachować. Masu, kaž na přikład marcipan a barby, sej Ingrid Tschipke sama měša. A dźiwa na to, zo tak mało kaž móžno cokora wužiwa.

Z měrnej ruku Ingrid Tschipke torty popisuje abo motiwy na nje moluje. Tak dóstawaja wudźěłki swójski rukopis.

wjace z tohole wobłuka: « Tež šulerjo Worklečanskeje zakładneje šule wjeselachu so ... « Fitnes je wjace hač jenožpo wodźe štapać

Prošu přizjewće so, chceće-li komentar podać

k spočatkej