Ptački wobkedźbować a jim pomhać

pjatk, 15. meje 2020
artikl hódnoćić
(0 )
1. wowčej plišce w rěpikowym polu 2. žołtuška 3. dypornak (muski splah) 4. sykorka w napojišću 5. domjaca čerwjena wopuškaFota: Handrij Baumgärtel

W přirodźe a wosebje koło­wokoło ptačkow so Handrij Baumgärtel z Bronja jara derje wuznawa. Dźěćiznak je so pola njeho wobhonił, što móže nam tuchwilu zajima­weho rozprawjeć.

Rjane wjedro dźěći wabi so pod hołym njebjom zaběrać. Što móža wone w přirodźe tuchwilu wobkedźbować?

H. Baumgärtel:

Přiroda je wo­tu­ći­ła a wšudźe wšitko kćěje. Wosebje w lěsach abo při hatach widźiće wšelake dźiwje kwětki. Nimo toho je tam wjele ptačkow, kotrymž móžeće při­posłu­chać. We wjerškach štomow je na při­kład ćichi­mi­chał (Pirol) žiwy. Tež mjetelčki móžeće wob­kedźbować, předewšěm žołtuški (Zitronenfalter). W hatach płuwaja wšelake družiny kačkow. Zo móhli jim přihla­dować, pak maće so ćicho zadźeržeć a so cyle mjelčo pohibować. Hewak wone spěšnje wotleća. W přirodźe wobchowajće tuž stajnje měr, a tak móžeće sej wšelake potajne zwěrjata wotkryć.

Mnohe ptački su so ze swojich zymskich kwartěrow nawróćili. Maja wone tu dobre wuměnjenja přežiwić?

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND