Serbja, kotřiž běchu po wójnje Domowinu wozrodźili 2

pjatk, 22. meje 2020
artikl hódnoćić
(0 )
Chróšćan ratar Michał Čunka (1898– 1946), na kotrehož statoku bu Domowina wozrodźena. Wopačneje wobskóržby dla přińdźe 1945 do Budyskeje „Žołteje bědy“ a tam zahiny.  Foto: priwatne Chróšćan ratar Michał Čunka (1898– 1946), na kotrehož statoku bu Domowina wozrodźena. Wopačneje wobskóržby dla přińdźe 1945 do Budyskeje „Žołteje bědy“ a tam zahiny. Foto: priwatne

W druhej połojcy apryla/spočatk meje 1945 bu Hornja Łužica wot Čerwjeneje armeje a 2. pólskeje armeje wuswobodźena. Někotři serbscy prócowarjo zetkachu so 24. apryla 1945 w Chrósćicach pola Natušec, zo bychu wo znowazałoženju 18. měrca 1937 zakazaneje Domowiny wuradźowali.

Třeći hłowny akter za znowakonstituowanje Domowiny bě Chróšćanski překupc Franc Natuš. 17. februara 1898 jako syn korčmarja rodźeny Kukowčan bě wyšu wobchodnu šulu wopytał, powołanje kucharja nawuknył, a hotelowu fachowu šulu w sakskej stolicy wuchodźiwši we wšelakich němskich městach w swojimaj powołanjomaj dźěłał. Po nawróće do domizny woženi so 1926 z dźowku Hórnikec překupstwa w Chrósćicach, dźěłaše tam jako překupc a přewza wobchodnistwo hač do jeho nahłeje smjerće 27. junija 1950 w Drježdźanach. Pochowany bu w Chrósćicach. Narěč při rowje měješe městožupan župy „Michał Hórnik“ Jan Meškank. Wón mjenowaše přezahe zemrěteho „praweho Serba, doprědkarja a župana a jako tajkeho kubłarja serbskeho ludu“.

wozjewjene w: Předźenak
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND