Łysa nětko wo wosom metrow wyša

pjatk, 11. septembera 2020
artikl hódnoćić
(0 )
Krasny je wuhlad z wjerška hory Łysa na łužiski hórski kraj a na susodnu Čěsku. Ze swojimi 793 metrami je Łysa najwyša hora Němskeje wuchodnje Łobja. Carmen Schumann Krasny je wuhlad z wjerška hory Łysa na łužiski hórski kraj a na susodnu Čěsku. Ze swojimi 793 metrami je Łysa najwyša hora Němskeje wuchodnje Łobja. Carmen Schumann

Nowe wuhladnišćo na wjeršku łužiskeje hory pućowacym a hosćom přepodate

Na wjeršk hory Łysa (Lausche), kotraž je ze swojimi 793 metrami najwyša hora Němskeje wuchodnje Łobja, pućować je wobćežne. Puć hač k nowemu wuhladnišću na Łysy, kotrež su hakle kónc minjeneho měsaca zjawnosći přepodali, je runje tak napinacy.

Wšitke pospyty zwrěšćili

Po tym zo bě so 1946 stara bawda na Łysy wotpaliła, běchu zas a zaso prócowanja, wjeršk znowa wobtwarić. Wšitke pospyty, tole zwoprawdźić, pak zwrěšćichu. Gmejna Wulki Šunow (Großschönau) – jej wšak wočerstwjenišćo Waltersdorf wot 2003 přisłuša –, pak je lěta 2007 zjawny diskusijny proces wo znowawuhotowanju wjerška Łysy nastorčiła. Na to přewjedźechu idejowe wubědźowanje, za kotrež zapodachu hač do 2009 cyłkownje 33 namjetow z Němskeje a Čěskeje. Tři lěta pozdźišo nabywaše wšitko jasniše a konkretniše kontury a formy. We wob­łuku diplomoweho dźěła su tuž přepytowanja za wuhladnišćo na wjeršku hory přewjedli. Móžnosće nóclěha na nim a zastaranje pućowacych z jědźu a napojemi pak su wot wšeho spočatka wuzamknyli.

wozjewjene w: Předźenak

Galerija

dalši wobraz (1) Na wjeršk Łysy wjedźe tež přirodowědna šćežka. Tuž so postup na horu w kóždym padźe wudani.
dalši wobraz (2) Hišće tydźeń do přepodaća bě nowe wuhladnišćo zaróštowane.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND