Žoraw symbolizuje zničenje a nowonatwar

pjatk, 25. septembera 2020
artikl hódnoćić
(0 )
Před wuměłskim pomnikom „Žoraw“ z wopomnjenskimaj taflomaj na jeho podłoze a ze stołpom z rozwalinow Koslowa dźakowaše so Wórša Pašcyna wšěm sobuskutkowacym na jeho nastaću kaž tež sponsoram. Foto: Feliks Haza Před wuměłskim pomnikom „Žoraw“ z wopomnjenskimaj taflomaj na jeho podłoze a ze stołpom z rozwalinow Koslowa dźakowaše so Wórša Pašcyna wšěm sobuskutkowacym na jeho nastaću kaž tež sponsoram. Foto: Feliks Haza

Nowe wopomnišćo w Koslowje dopomina tež na padnjenych wjesnjanow a na pomoc Serbskich brigadow

Wosrjedź polow, łukow a lěsow rozpřestrěwa so při dróze z Njeswačidła do Kamjenca po štyrjoch kilometrach mała serbskokatolska wjes Koslow, 1974 do Njeswačanskeje komuny zagmejnowana. Njedaloko Koslowa su ně­hdźe 40 hektarow wulke Łučne haty‚ kotrež su wot lěta 1967 přirodoškitna kónčina. Nadeńdźeš tam rědke wódne rostliny, tójšto družin zwěrjatow, mjez nimi ptačkow. Mnohostronskosć wegetacije na wuskim rumje skići rědkim ptakam přirodny schow, tak tež žorawjej, kotryž je symbol Koslowa. Wšako porik žorawjow we wjesce hnězdźi. Wšelake družiny kačkow na wodźe abo w rohodźi wuhladaš, tohorunja čorneho milana a rapakow. Njezadźiwa tuž, zo mnohich lubowarjow přirody do krajiny wokoło Koslowa do pućowanja wabi. Wjes ze 26 rjanymi statokami na woběmaj bokomaj dróhi z Njeswačidła do Sernjan a dale do Kamjenca a z kulturnym domom „K žorawjej“ je tohorunja parlička a dopokaz pilnosće jeje něhdźe sto wobydlerjow.

wozjewjene w: Předźenak

Galerija

dalši wobraz (1) Pomnik žorawja wosrjedź Koslowa je amerisko-čěski akademiski rězbar Robert Alger z łužiskeho zornowca z Miło čan skeje skały stworił. Žoraw dopomina na nawrót, wulke lipowe łopjeno na serbsku wjes a małe lipowe łopješka na mortwych.
Prošu přizjewće so, chceće-li komentar podać

Serbska debata

nowostki LND