Prózdniny a narodniny

pjatk, 02. oktobera 2020
artikl hódnoćić
(0 )
Toni Langer a Maks Kubańk (wotlěwa)Wito Wawrik, Elena Wawrikec a Matej Nuk (wotlěwa)We wočerstwjenišću Querxenland we Wodowych Hendri­che­cach su někotre dny pod wosebitym hesłom stali. Tak paslachu tam wšitcy maski za wječornu „dźunglowu party“.To su ći, kotřiž běchu so najspěšnišo za lětuše rěčne a prózdninske lěhwo SŠT přizjewili. Handy zaswěćić, sej prawu perspektiwu pytać a: Action! Wšitcy wobdźělnicy rěčneho lěhwa mějachu widejo nawjerćeć. Posledni dźeń potom je sej kóžda skupina wobhladała, što běchu tamne nahrawali. Do toho pak dyrbjachu wo wotpowědnej story rozmyslować, teksty napisać, hudźbu zestajeć a cyle na kóncu jednotliwe natočenja hromadźe třihać. To bě woprawdźe wužadacy nadawk!

Wodowe Hendrichecy su kult. To wědźa mjeńši a wjetši serbscy šulerjo. Na zbožo móžeše so 44 z nich krótko do kónca wulkich prózdnin wobdźělić na rěčnym lěhwje Serbskeho šulskeho towarstwa. A nimale wšitko bě w „Seife“, kaž woni mjez sobu praja, kaž hewak, byrnjež na přikład w jědźerni na wěstotny wotstawk dźiwać dyrbjeli. Nó haj, a mjena skupin běchu lětsa tež hinaše.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND