Bywša briketownja powabliwy muzej

pjatk, 09. oktobera 2020
artikl hódnoćić
(0 )
Muzej Hórnikečanskeje Energijoweje fabriki, něhdyšeje briketownje, ma wjele potajnych kućikow. Z wulkim wjeselom móža je wopytowarjo wuslědźić. Wosebje dźěći a młodostni budu so dźiwać, kak su tam něhdy tež jich přiwuzni prjedownicy ze serbskich wjeskow wokoło Wojerec kaž tež z delanskich kónčin pod ćežkimi wuměnjenjemi dźěłali a brikety prasowali. Maćij Bulank Muzej Hórnikečanskeje Energijoweje fabriki, něhdyšeje briketownje, ma wjele potajnych kućikow. Z wulkim wjeselom móža je wopytowarjo wuslědźić. Wosebje dźěći a młodostni budu so dźiwać, kak su tam něhdy tež jich přiwuzni prjedownicy ze serbskich wjeskow wokoło Wojerec kaž tež z delanskich kónčin pod ćežkimi wuměnjenjemi dźěłali a brikety prasowali. Maćij Bulank

Za 14 milionow eurow přetwarjenu Energijowu fabriku w Hórnikecach zjawnosći zaso spřistupnja

Sakski industrijowy muzej Energijowa fabrika Hórnikecy chce so wot 16. oktobra w cyle nowym swětle prezentować. Zjawnosći přistupne budu w něhdyšej briketowni najmoderniše wustajenske swěty ze swěcy, kowa a škleńcy, zwjazane z čerwjenocyhelowej industrijowej kulturu.

„Industrijowy ansambl briketoweje fabriki ze zawodnym sydlišćom Hórnikecy je so wot lěta 1990 na jónkrótnu pomnikowu městnosć we Wojerecach a Łužicy wuwił“, wuswětla Birgit Weber, přirjadnica Budyskeho krajneho rady. „Z projektom ,energijowe dwory‘ chcemy wuspěšny proces nětko rozšěrić, tworjo tak wosebitu městnosć žiweje industrijoweje kultury.“ Za 25 hektarow wulki areal a k tomu słušacy zjawnosći njepřistupny ­Čaplacy jězor je Budyski wokrjes jako wobsedźer z pomocu spěchowanskich srědkow wot lěta 2017 něhdźe 14 milionow eurow nałožił.

wozjewjene w: Předźenak

Galerija

dalši wobraz (1) Z platformy něhdyšeje Hórnikečanskeje briketownje změja wopytowarjo krasny wuhlad na Wojerowsku kónčinu.
dalši wobraz (2) W prasowarni briketow Energijoweje fabriki Hórnikecy su tež stare mašiny zaměstnjene, zjawnosći pak je njepokazaja.
dalši wobraz (3) Z tychle wuhenjow je so něhdy wodnjo a w nocy kuriło. Wšako dźěłaćerjo w halach ze suroweho wuhla brikety prasowachu.
Prošu přizjewće so, chceće-li komentar podać

Serbska debata

nowostki LND