Hodowna pycha ludźi hižo přez lětstotki wozboža

pjatk, 26. nowembera 2021
artikl hódnoćić
(0 )
Lubowarjow hwězdow zawjeseli zawěsće tež přichodna ideja. Ochranowske hwězdy abo dalše rjećazy z hwězdami njehodźa so jenož do wokna abo na štom, ale tež na přihotowanu hałuzu, kotruž móhli sej na sćěnje připrawić. Hałzu móžeće tež po tym po počasach cyłe lěto pyšić. Na hałuzu we wotstawkach hwězdy připrawiće. Dźiwajće na to, zo je tykač w bliskosći. Přidatne zelene hałžki dekoraciju hišće dale wobohaćeja. Bianka Šeferowa Lubowarjow hwězdow zawjeseli zawěsće tež přichodna ideja. Ochranowske hwězdy abo dalše rjećazy z hwězdami njehodźa so jenož do wokna abo na štom, ale tež na přihotowanu hałuzu, kotruž móhli sej na sćěnje připrawić. Hałzu móžeće tež po tym po počasach cyłe lěto pyšić. Na hałuzu we wotstawkach hwězdy připrawiće. Dźiwajće na to, zo je tykač w bliskosći. Přidatne zelene hałžki dekoraciju hišće dale wobohaćeja. Bianka Šeferowa

Štyri tydźenje do hód započina so najpokojniši čas cyłeho lěta – adwent. Słowo ­adwent pochadźa z łaćonskeho słowa „Adventus“, štož woznamjenja wočakowanje abo přichad, přihot na narod Jězusa. Kónc 5. lětstotka postajichu štyri tydźenje ­trajacy adwentny čas, nic pak swojowólnje. Wón symbolizuje wěru z časa srjedźowěka, hdźež dyrbjachu ludźo štyri tydźenje na přichad Zbóžnika čakać. Poprawom bě tónle čas jako posćenje mysleny. Přikład za to bě čas do jutrow, w kotrymž sej ­ wěriwi chwile za rozpominanje bjeru. W běhu lět pak wuwi so adwent k časej wočakowanja, při čimž ludźo wjele swjeća. Tak wopytuja hodowne wiki, pjeku po­prjančki a wobstaruja dary za swojich lubych. W tymle času sej tohorunja bydlenja rjenje wupyšimy. Někotre nałožki a tradicije kaž tež jednore ideje adwentneje a hodowneje pychi tu rady trochu rozłožuju.

Dohodowne wobswětlenje

wozjewjene w: Předźenak

Galerija

dalši wobraz (1) Indiwidualne škleńčane sudobja žadaja sej pyšne kreacije. Jako prěnje dno z mochom pjelnimy a připrawimy dlěše hałzy, kotrež ze sudobja sahaja. Na nim mó žemy swěčkowy rjećaz připrawić. Kašćik z baterijemi hodźi so pod moch sunyć. Dźiwajće na to, zo je tón stajnje přistupny. Wšako adwent kaž tež hodowny čas chwilu trajetej, a baterije dyrbiće tuž zawěsće raz wuměnić. Hałzy móžeće ze zelenymi hałžkami trochu wobwić, za čož so grót jara derje hodźi. Snano sće w lěsu z mochom pokrytu skoru našli. Tež tajku móžeće sobu do sudobja połožić. Z hodownymi figurami nastawa rjany wobraz, kotryž so w přitulnym swětle błyšći.
dalši wobraz (2) Adwentne wěncy, cyle z hałžkami powite, sej mnozy na blido stajeja, zo móhli na nim kóždu njedźelu swěčku zaswěćić. Mjeztym pak móža sej tež přihotowane wěncy z hałužkow abo drjewa we wobchodach kupić a sej wudebić. W zymje móhli tajki ze zelenymi hałužkami wobwić abo wutykać. Struktura wěnca je w tym přikładźe hišće spóznajomna. Za šěry wěnc su tule hodźace šěro-brune elementy zasadźene. Hable kaž tež banty, we wotstawkach do seklow wjazane dekoraciju wudospołnjeja. Přidatnje hodźi so samo hišće swěčkowy rjećaz, ćěrjeny z baterijemi, integrować. Tajke rjećazy su mjeztym samo z tak mjenowanym „timerom“ wuhotowane. Tak zo so we wěstym času zaswěća a zaso hasnu. Wěnc hodźi so na blido, runje tak móžeš sej jón na durje, sćěnu abo do wokna powěsnyć.
dalši wobraz (3) Přihotujće sej hałžki wšelakorych dołhosćow a składźće sej je na blido. Najkrótša hałžka leži cyle horjeka, najdlěša deleka. Z powjazom abo banćikom je hromadu zwjazajće, tak zo nastanje forma jehlinoweho štoma, kotryž móžeće sej něhdźe powěsnyć a wotpowědnje wupyšić.
Prošu přizjewće so, chceće-li komentar podać

nawěšk