„Njerěču-li swójsku rěč, zhubju kulturu“

štwórtk, 23. decembera 2021
artikl hódnoćić
(0 )
58lětny Torsten Ruban-Zeh je wot lońšeho nowembra wyši měšćanosta Wojerec. Jako nawoda tamnišeje kupnicy Globus je wón w lěće 2000 prěni raz do Zusoweho města přišoł. W lětach 2007 do 2011 dźěłaše za předewzaće Globus w Moskwje. Tam zezna swoju dźensnišu mandźelsku Jewgeniju, w ruskej stolicy rodźenu dźowku letiskeju staršeju. Z njej a z dźěsćomaj Witalinu a Witalijom je so 2011 do Wojerec wróćił, hdźež skutkowaše hač k wuzwolenju do zastojnstwa wyšeho měšćanosty jako jednaćel tamnišeho wokrjesneho zwjazka Dźěłaćerskeho dobroćelstwa (AWO). Dźowka Oliwija a syn Oscar staj so we Wojerecach narodźiłoj. Z Torstenom Rubanom-Zehom na dohodownu rozmołwu zetkał je so Axel Arlt. Foto: Axel Arlt 58lětny Torsten Ruban-Zeh je wot lońšeho nowembra wyši měšćanosta Wojerec. Jako nawoda tamnišeje kupnicy Globus je wón w lěće 2000 prěni raz do Zusoweho města přišoł. W lětach 2007 do 2011 dźěłaše za předewzaće Globus w Moskwje. Tam zezna swoju dźensnišu mandźelsku Jewgeniju, w ruskej stolicy rodźenu dźowku letiskeju staršeju. Z njej a z dźěsćomaj Witalinu a Witalijom je so 2011 do Wojerec wróćił, hdźež skutkowaše hač k wuzwolenju do zastojnstwa wyšeho měšćanosty jako jednaćel tamnišeho wokrjesneho zwjazka Dźěłaćerskeho dobroćelstwa (AWO). Dźowka Oliwija a syn Oscar staj so we Wojerecach narodźiłoj. Z Torstenom Rubanom-Zehom na dohodownu rozmołwu zetkał je so Axel Arlt. Foto: Axel Arlt

Wojerowski wyši měšćanosta Torsten Ruban-Zeh (SPD) w dohodownej rozmołwje ze Serbskimi Nowinami

Knježe Rubano-Zeho, loni w času korony krótko do adwentna sće swoje zastojnstwo nastupił. Loni žane hodowne wiki, lětsa znowa nic. Kak zhladujeće lěto pozdźišo na swoje město a na połoženje?

Wobstejnosće korony dla mějach lěto 2020 za sebje za jara pozitiwne. Mějach wjace chwile a móžach so chětřišo do nowych nadawkow zadźěłać. Adwentne wiki njejsym parował.

Za ludźi bě to wězo hinak. Tohodla móžachmy tež poměrnje spěšnje zwoprawdźić, zo njebu wulka jědla z hodownym wobswětlenjom spočatk januara hnydom zaso zrumwana, ale je stejo wostała. To běchu sej tež wobydlerjo přeli. Hdyž je ćma a štom tak wobswětleny, je to wěste zarunanje.

Nad tym je so Waša mandźelska wjeseliła?

Wona měnješe, zo njemóže być, hdyž město wšo tak chětře zaso zrumuje. Wězo běše tam pozadnja mysl pódla. Wšako su ruske hody 6. januara a stary ortodoksny swjatk je 13. januara.

Kak so wobrazy po jednym lěće runuja!

wozjewjene w: Předźenak
Prošu přizjewće so, chceće-li komentar podać

nawěšk

nowostki LND