Čěski basnik a přećel Łužiskich Serbow za čas koronapandemije ...

pjatk, 11. měrca 2022
artikl hódnoćić
(0 )
Na premjerje knihi přisłowow, kotruž je Milan Hrabal spisał. Mjez wobdźělnikam běchu Vladislav Stodůlka, Libuše Hrabalová a Miroslava Kubešová (wotlěwa).  Foto: archiw/Maćij Bulank Na premjerje knihi přisłowow, kotruž je Milan Hrabal spisał. Mjez wobdźělnikam běchu Vladislav Stodůlka, Libuše Hrabalová a Miroslava Kubešová (wotlěwa). Foto: archiw/Maćij Bulank

Milan Hrabal ma čas pandemije za dwumjezwočny, předewšěm, hdyž na to mysli, w kotrej měrje je zjawnje dźěłać móhł. Na jednym boku wšak su mnohe, w minjenymaj lětomaj připowědźene čitanja wupadnyli. Na tamnym boku su digitalne formaty pisane słowo ćim bóle šěrili. Tak je čěski PEN-klub na YouTube čitanja awtorow šěrił. Dźakowano Towarstwu přećelow Serbow (SPL) čitaše sławny čěski dźiwadźelnik Jaromír Meduna z knihi Jurja Brězana „Geschichten vom Wasser“, kotruž běštaj Milan Hrabal a Ilona Martinovská přełožiłoj. Z ilustracijemi Isy Bryccyneje su „Příběhy o vodě“ w susodnym kraju dosć wulki zajim žnjeli.

SPL je w interneće swojim čłonam składnosć dało so prezentować, tak je tam tež Milan Hrabal čitał. „Wosebje wabjace pak bě čitanje na streamje Radio Zett w Žitawje“, čěski basnik a přećel Serbow powěda, „tam sym mjez pjeć serbskimi basnjerkami a basnikami swoje čěske přełožki jich basnjow čitał. Iniciatiwa to Benedikta Dyrlicha a Andreasa Hermanna.“ Załožba za serbski lud je projekt podpěrała. Wusyłanja su zajimcam w cloudowym archiwje Radija Zett přistupne.

wozjewjene w: Předźenak

Galerija

dalši wobraz (1) Milan Hrabal wužiwa rady tež słownik dr. Filipa Rězaka. Foto: Jiří Buršík jr.
Prošu přizjewće so, chceće-li komentar podać

nawěšk

  • SERBSKE NOWINY – Wědźeć, što so stawa! –

Ze swjedźenskim kóncom tydźenja su njedawno w Slepom 9. mjezynarodny festiwal dudakow a zdobom 750. róčnicu wobstaća wsy hódnje woswjećili. Jako mały přikusk k rozprawnistwu podawamy zajimowanym čitarjam SN-o

nowostki LND