Z rjadownje won a do lěsa

pjatk, 11. měrca 2022
artikl hódnoćić
(0 )
Čłonojo Přećelskeho kruha lěsny muzej Załom su nanuzowanu přestawku korony dla wužiwali a muzej znowa wuhotowali. Zarjadowali su tak  specielnu rumnosć za lěsnopedagogisku wučbu – mjez druhim móža tam wóń štomow čuchać abo na zakładźe štomowych puzzlowych kuskow wuhódać, wo kotry štom so jedna –, kaž Frank Feigel tule pokazuje. Carmen Schumann Čłonojo Přećelskeho kruha lěsny muzej Załom su nanuzowanu přestawku korony dla wužiwali a muzej znowa wuhotowali. Zarjadowali su tak specielnu rumnosć za lěsnopedagogisku wučbu – mjez druhim móža tam wóń štomow čuchać abo na zakładźe štomowych puzzlowych kuskow wuhódać, wo kotry štom so jedna –, kaž Frank Feigel tule pokazuje. Carmen Schumann

Šulske dźěći sej minjene měsacy lochko njemějachu. Jónu domjaca wučba, jónu prezencna wučba – to wšak je so mjeztym na dobro wuknjenja w šuli změniło –, k tomu hišće škitny nahubnik we wučbje wužiwać a so testować. Što móhło tuž rjeńšo być, hač za čas wučby wonka w lěsu přebywać? Čerstweho powětra so nasrěbać, so wucychnować, k tomu sej hišće wědu přiswojić a małe praktiske dźěła přewjesć. Wšo to skića lěsnopedagogiske oferty Załomskeho (Sohland/Spree) lěsneho muzeja, kotryž je zaměstnjeny w bywšej Lessingowej šuli. Wězo tajke poskitki hakle pomału přibywaja, po tym zo su pandemije dla nimale dospołnje wupadnyli. Hižo ­loni w juniju chcychu projek­towe dny z wuknjacymi tehdomnišeho 5. lětnika Załomskeje Gerharta Hauptmannoweje wyšeje šule přewjesć. Te pak su najprjedy na september přestorčili a skónčnje hakle w nowembrje přewjedli.

wozjewjene w: Předźenak

Galerija

dalši wobraz (1) Bernd Trampel (naprawo) njezbliža šulerkam a šulerjam jenož domjacu lěsnu zwěrinu, ale jim tež rozkładuje, kotre škody skórnik w lěsach načinja.
dalši wobraz (2) W Załomskim muzeju móža so dźěći tež same pospytać. Tule dźěłaja sej šindźele ze zdónkow štomow. Trěbny nawod dawa jim ranger Gisbert Hiller.
dalši wobraz (3) Po zbytkach skały krosnować je mnohim wulke wjeselo.
Prošu přizjewće so, chceće-li komentar podać

Serbska debata

nowostki LND