Berlin/Drježdźany. Ličba registrowanych chłostajomnych njeskutkow w Němskej je 2024 wo 1,7 procentow na 5,837 milionow woteběrała. Wo tym rozprawja policajska kriminalna statistika, kotruž je amtěrowaca zwjazkowa nutřkowna ministerka Nancy Faeser (SPD) dźensa předstajiła. Ličba registrowanych namócnych njeskutkow je porno tomu znowa přiběrała – wo 1,5 procentow na 217 277 padow. Wosebje razny rozrost 9,3 procenty registrowali su z 13 320 padami pola „wumocowanja, splažneho nuzowanja a splažnych namócnosćow we wosebje ćežkich padach.“

Statistiku kriminality w Sakskej je wčera krajny minister nutřkowneho Armin Schuster (CDU) předstajił. Jeho wosebje přirost deliktow namocy dźěći (plus 34,6 procentow) a młodostnych (plus 16,5 procentow) starosći. Wulke problemy je 1 524 wospjet resp. sylnje kriminelnych migrantow-požadarjow azyla předewšěm ze Syriskeje, Tuneziskeje, Libyskeje, Afghanistana a Georgiskeje zawinowało. Wot nich su hakle 55 z kraja wupokazali. Tohodla sej Schuster wot noweho zwjazkoweho knježerstwa změnu zakonjow ­žada, zo njebychu tajcy ludźo hižo prawo na pobyt w Němskej měli.

Je dźensa hišće wažne, šulerjam wědu wo přewšo ćmowym času w Němskej sposrědkować? Ja měnju, zo haj. Na to pokazuje aktualne politiske wuwiće, nic jeničce w našim kraju, ale po cyłej Europje, lěpje po cyłym swěće. Młodostni a tež hižo dźěći trjebaja a žadaja sej samo zdźěla wujasnjenje tehdyšeho časa. Woni chcedźa wědźeć, što je so před wjace hač 80 lětami po wólbach w lěće 1933 wuwiło a kotre běchu a su sćěhi nacionalsocializma. Jedna tajka móžnosć informacije sposrědkować je ekskursija do koncentraciskeho lěhwa. Na swójskej koži dožiwić, kak su ludźo ćerpjeli, je cyle hinaše dožiwjenje, hač sej jenož historiske fota we wučbnicy wobhladać. Wodźenje po lěhwje w Auschwitzu zmóžni přistup pozadkowym temam, na přikład wo tym, kak je lěhwo natwarjene a kotry bě wšědny dźeń jatych. Tuž mam za přewšo legitimne a dale přewšo trěbne, zo Sakska tajke ekskursije spěchuje. Tak móže kóždy staršiski dom swojim dźěćom wopyt tajkeho wopomnišća zaručić. Julius Paška

Štóž je sej wčera do Zejic dojěł, je tam podarmo wulku wobrazowku pytał. Ludowe nakładnistwo ju tam mjenujcy ­postajiło njeje. Redakcija SN je sej mały žorćik składnostnje 1. apryla dowoliła. Štóž chce naše wobsahi čitać, móže to na zwučene wašnje w ćišćanej a online-wersiji kaž tež na našim kanalu na Insta­gramje. SN

Serbske Nowiny wudawaja so w Domowina-Verlag GmbH Ludowym nakładnistwje Domowina 

Jednaćel: Syman Pětr Cyž

Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.

Šefredaktor a zamołwity redaktor w zmysle

nowinarskeho zakonja: Marcel Brauman 577 232/233 Wyša redaktorka: Bianka Šeferowa 577 230

tel.: 03591 577 232 faks: 03591 577 202 e-mail:  www.serbske-nowiny.de

Adresa redakcije a nakładnistwa: Sukelnska 27, 02625 Budyšin

Adresse der Redaktion und des Verlages: Tuchmacherstraße 27, 02625 Bautzen

Serwis za abonentow: 577 263

Předań nawěškow: Jadwiga Šołćic 577 266 e-mail:

Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory

Vertriebskennzeichen: 2 B 2560 B