ST Marijina hwězda – LSV Hory 1990 5:1 (2:0)

Zestawa domjacych: Matik – Wróbl, K. Pakoßnick, T. Jurš, Hoge, Lugge (69. Čornak), Cyž, Zelnak, Schmidt (83. Weclich), Langer (46. Clausen), J. Pakoßnick (18. Wünsche)

Koparjo Marijineje hwězdy powitachu na kermušnej njedźeli prěnje mustwo z Horow. Wobaj cyłkaj stej minjenu sezonu z wo­krjesneje wyšeje ligi zestupiłoj a z rozdźělnymi rezultatami we wokrjesnej lize startowałoj. Mjeztym zo Hory do tuteje partije z 15 dypkami na třećim ­městnje stejachu, wobsadźichu Panči­čenjo z dźesać dypkami šeste městno.

Cyłkownje 20 zakładnych šulow z Budyskeho wokrjesa je so minjeny štwórtk na koparskim turněrje w Budyšinje wobdźě­liło. Při najrjeńšim nazymskim wjedrje wojowachu šulske cyłki wo swětowe mišterstwo zakładnych šulow. Zhromadnje z wokrjesnym sportowym zwjazkom a Zapadołužiskim koparskim zwjazkom (WFV) běše tydźenik Wochenkurier hłowny wuhotowar a iniciator tutoho koparskeho wubědźowanja. Mustwa přijědźechu mjez druhim z Wojerec, Wóslinka, Rakec, Radeberga a Kamjenca. Tež šulske mustwa z Radworja, Kulowa a Worklec na Młynkec łuce za bulom honjachu. W předpolu turněra bě so kóždej šuli jedyn kraj přilosował. Tak nastupi Serbska zakładna šula „dr. Marja Grólmusec“ Radwor za Japansku, Krabatowa zakładna šula Kulow wojowaše za Portugalsku a Serbska zakładna šula „Michał Hórnik“ Worklecy nastupi w skupinje A za Uruguay. W štyrjoch staflach so dypkownje w 9.30 hodź. předkoło zahwizda. Po modusu „kóždy přećiwo kóždemu“ wojowachu šulerjo w zestawje pjeć hrajerjow a jedyn wrotar na štyrjoch hrajnišćach wo dypki.

SC 1911 Großröhrsdorf – ST 1922 Radwor 3:0 (2:0)

Zestawa Radworčanow: Grenzemann – Reineke, Bauer (75. Krječmar), F. Šěrak, Schöne (65. Mička), Hančik (85. Henka), Jatzwauk, Kral, Wjeńka, Šnajder (75. Hettasch), Pěčak

Drježdźanski SC – SJ Chrósćicy 0:0

Zestawa hosći: Králíček – Janca, Sentiwan, Runt, Matješk, L. Zahrodnik, Hawš (89. Kreuz), G. Zahrodnik, Młynk, Krawc (85. Mützner), Bogusz (95. Mark)

Chróšćanscy koparjo běchu sej sobotu do sakskeje stolicy dojěli. Tamniši Drježdźanski SC (DSC) steji jedne městno za SJC w tabulce. Chróšćenjo chcychu znowa ze stabilnej defensiwu hrać a sej ­šansy přez spěšnych nadběhowarjow wutworić.

Hra so bjez wulkeje wottasanskeje ­fazy započa. DSC ju wot spočatka kontrolowaše a bul w swójskich rjadach přez mnohe stacije dźeržeše. Prěnju šansu w partiji měješe Pawl Krawc, sadźi pak bul pódla wrotow (4.). Jenož pjeć mjeńšin ­po tym bu Jan Bogusz swobodny hraty a spyta bul lesćiwje wyše wrotarja zbě­hnyć. Tola hrajny nastroj padny nimo wrotow. Tež hosćićeljo sej prěnje šansy wuhrachu. Tola třělwy nje­běchu strašne za Petra Králíčeka.