Regionalny finale w lochkoatletice za šulerki a šulerjow je so kónc meje w stadionje na Młynkec łuce w Budyšinje wotměł. Hólcy a holcy Serbskeho gymnazija Budyšin wubědźowachu so w starobnymaj klasomaj U18 a U14 w mjetanju bulika, kulostorku, sprinće, mjetanju hlebije, dalokoskoku, wysokoskoku, běhu na 800 m a w staflowym běhu.

Za hólcy Serbskeho gymnazija Budyšin startowachu Kito Budar, Cajus Wićaz, Ionel Statnik, Matej Statnik, Jurij Kochan, Karl Krječmar, Jakub van Dorp, Dionys Kral a Marek Rajzik. Woni wudobychu sej njewočakowano prěnje městno. Z tym startuja w Freibergu na sakskim finalu. Do mustwa słuša nimo toho Metod Hoza, kotryž so chorosće dla wobdźělić njemóžeše. Marek Rajzik pak jeho z dobrym wukonom na 800 metrach derje zastupowaše. Jakub van Dorp zaměstni so na tutej čarje jako dobyćer z wulkotnym časom 2:18,9 min. Na 100 metrach staj Cajus Wićaz a Kito Budar (12,1 sek. a 12,5 sek.) dypkowy konto mustwa jara derje pjelniłoj. Ionel Statnik skoči 5,35 metrow daloko a z tym najdale w tutej starobnej klasy.

Předposledni hrajny dźeń

Hišće dwójce hraje so na wokrjesnej runinje kopańca wo dypki. Při tym hladaja jutře wosebje přiwisnicy koparskeje rezerwy SJ Chrósćicy do Arnsdorfa, hdyž nastupi tam druhe mustwo SJC do boja přećiwo zestupej z wokrjesneje ligi (15 hodź.). Ralbičanscy Sokoljo su potom njedźelu z hosćom pola wokrjesneho ­mištra 2025 Natwara Němske Pazlicy (15 hodź.).

14.06.  15:00  TSV Połčnica –

  SJ Chrósćicy

14.06.  15:00  Módro-běli Kulow –

  Póst Germania Budyšin

15.06.  13:00  HZ Radwor II –

  HZ Ralbicy II/Pančicy II

15.06.  15:00  SJ Njebjelčicy –

  HZ Wóslink/Skaskow/    Kulow II

15.06.  15:00  ST Radwor –

  ST Ćisk 1993

15.06.  15:00  ST Wjelećin –

  ST Marijina hwězda

Mobil DFB přijědźe

Do Chrósćic přijědźe wutoru, 17. junija, tak mjenowany DFB-mobil. Na treningu koparkow a koparjow starobneje klasy młodźina F smědźa so tež holcy a hólcy z wokolnych sportowych towarstwow wobdźělić. Trening započina so w 17 hodź. na Chróšćanskim sportnišću. Jón nawjeduja nazhonići trenarjo Němskeho koparskeho zwjazka DFB.

Triatlon dźěći