Captainscup z dalšim turněrom

wutora, 03. awgusta 2021 spisane wot:
Minjenu sobotu přewjedźechu we Worklecach tradicionalny captainscup, – bičwolejbulowy turněr za dwójki, kotryž organizu­je Sportowe towarstwo Viktoria Worklecy. Po tym zo nastupichu sobotu mustwa z dwěmaj hrajerjomaj, wotmě so dźeń pozdźišo měšany turněr. W kóždym cyłku nastu­pichu přeco dwě žonje a dwaj mužej. Přidatne miksowe wubě­dźowanje su lětsa do žiwjenja zwołali, po tym zo běchu do toho přeco jenož dwójki hrali.

Cyłkownje wubědźowaše so njedźelu šěsnaće mustwow w štyrjoch staflach. Wjedro běše nimale přez cyłe předkoło chětro špatne, štož pak sportowče a sportowcow wulce njemyleše. Organizatorojo běchu wjacore stany nastajili, hudźba bě słyšeć a ćělne derjeměće běše tohorunja zaručene. Tak hodźeše so dešć wudźeržeć, a wšitcy běchu přiwšěm dobreje nalady.

Zahaja nowu koparsku sezonu

wutora, 03. awgusta 2021 spisane wot:

Koparske mustwa na krajnej runinje startuja pjatk, sobotu a njedźelu z dypko­wymi abo pokalnymi hrami do noweje hrajneje doby 2021/2022. Po krótkej před­chadźa­cej sezonje je so we wšitkich staflach tójšto změniło. Tak hraje Budissa Budy­šin nětko we wyšej lize zhromadnje z mustwom Biskopičanskeho koparskeho towarstwa 08, kotrež trenuje Njebjelčan Frank Ričel. Budyšenjo běchu postupili, Biskopičenjo zestupili. Tu přehlad wšitkich koparskich staflow na krajnej runinje, w kotrychž hraja mustwa z Łužicy:

krajna klasa

BSV 68 Sebnitz

Drježdźanski SC 1898

FC Wocl Rěčicy-Jězor

FSV Oderwitz II

Rakečanske ST

SC Borea Drježdźany

SJ Chrósćicy

SG Weixdorf

Drohotka Ramnow

ST Trjebin

ST Sachsenwerk Drježdźany

SV Wesenitzal

ST Ćisk

TSV Rotacija Drježdźany

VfB Běła Woda 1909

VfB Žitawa Klaus Heiduschke

Wubědźowanje dumperow

wutora, 03. awgusta 2021 spisane wot:

Hórki (jh/SN). Njedźelu, 8. awgusta, wubědźuja so w Hórkach zaso dumpery. Kóždy, kiž chce sej spektakl wobhladać, je přeprošeny. Lětsa změja tam tež zaso program z wubědźowanjom lilipu­tow a ze šminkowanjom dźěći. Wotběh je slědowacy:

09:00 – 10:30 techniske přepruwowanje dumperow přez firmu Dekra­

11:00 – 12:00 kwalifikacija

12:00 – 13:30 wobjed

13:30 – 15:30 dumperowe wubědźowanje

16:00 – 17:00 wubědźowanje liliputow

Wodoskia kupanje

wutora, 03. awgusta 2021 spisane wot:
Brězowka (jh/SN). Wodoskijowa připrawa Wake and Beach w Brězowce (Halbendorf) a přisłušacy wodowy park za ku­panje stej dźensa kaž tež přichodne dny wot 11 do 21 hodź. wotewrjenej. Na internetnej stronje je tež wuwidźeć, kotre hygienowe předpisy tam płaća. Tak mjenowany slot – dwuhodźinske wužiwanje powjaznicy – płaći w Brězowce 26,50 eurow. Wšitke dny poskićeja při wodoskijowej připrawje tež imbis. Kupanje a płuwanje stej w Brězowskim jězoru tohorunja dowolenej.

Hišće někotre treningowe jednotki trěbne

póndźela, 02. awgusta 2021 spisane wot:

SJ Chrósćicy – Wojerowski FC 2:2 (2:1)

Za domjacych zasadźeni: Králíček, Hejduška – M. Donat, Sentivan, Mark, L. Zahrod­nik, M. Zahrodnik, G. Zahrodnik, F. Zahrodnik, Matješk, Wornar, Handrik, J. Donat, Kreuz, Paška, Bogusz

W ramiku krótkeho treningoweho lěhwa na domjacym trawniku přeprosychu sej koparjo Chróšćanskeje SJ mustwo z Wojerec na testowu hru. Po prěnim treningu sobotu dopołdnja zahwizda sudnik hru na zažnym popołdnju. Hosćo su swójske mustwo z někotrymi nowopřichadami zesylnili a maja ambicije na postup do krajneje klasy w přichodnej se­zonje. Na stronje domjacych stejachu nimale 20 hrajerjow k dispoziciji, tak zo móžachu so tež młódši raz wopokazać.

Zverev złoto dobył a sportowe stawizny pisał

póndźela, 02. awgusta 2021 spisane wot:

Tokio (kh/SN). Alexander Zverev je na olympiskich hrach w Tokiju stawizny w sportowej družinje tenis pisał a jako prěni Němc finale jednotliwcow dobył. Hamburgčan je finalista Karena Chačanowa z Ruskeje z 2:0 po sadźbach suwerenje přewinył. 33 lět po triumfje Němki Steffi Graf sydaše za němski tenisowy zwjazk zaso raz złoto pola jednotliwcow.

Wolejbulisća Viktorije Worklecy su sobotu swój šesty bičwolejbulowy turněr z mjenom Captainscup přewjedli. Hrało je tam dźesać dwójkow z wólnočasneho wobłuka hač do sakskeje ligi. Pódla běštaj ze sakskeje klasy tež Stefan Gedik ze Smjer­dźaceje a Šćěpan Wjeńka z Kašec (hlej wobraz). Hrali su we Worklecach na nowymaj bičwolejbulnišćomaj. Prěnje městno­ wobsadźi dwójka Robert Michael/Matthias Borkenhagen. Duwo Gedik/Wjeńka bu štwórte. Foto: Jörg Stephan

Awtor dźensa Beno Šołta

Znowa je so horstka Serbow­ z Budyšina a wokoliny z kolesom do Južnych Alpow nastajiła, zo by tam kilometry po horje horje a zaso dele smaliła. Mjeztym je to hižo z tradiciju, zo jeno štyri abo pjeć dnjow intensiwnje kolesuja. Wčera su so z Dolomitow nawróćili, hdźež běchu sej přirodu na kole wotkryli.

Dale na serbske wsy. Kóždu póndźelu mjeztym młodźina tradiciju haji, zo so tohorunja na puć poda – a to na městnosć, hdźež je Sat­ku­la-bičtura. W času prózdnin je to stajnje póndźelu wječor tajke něšto kaž mały wjesny swjedźeń na serbskich bičwolejbulnišćach. Sta ludźi přichwataja sporta dla, ale tež na bjesadu. Dźensa, ru­nje­­, hdyž tele linki čitaće, su młodźi a starši po puću do Radworja. Tam při sportnišću su samo ekstra druhe hrajnišćo spřihotowali, dokelž jedne mjeztym wjace za póndźelniše turněry njedosaha. To rjane poprawom je, zo wo ničo njeńdźe. A tola přijědźe telko serbskich młodych sportowcow, kotřiž maja lóšt so hibać.

Wuslědki (02.08.21)

póndźela, 02. awgusta 2021 spisane wot:

Kopańca, regionalna liga muži

Kamjenica – Fürstenwalde 1:0 (1:0)

Berlinski AK – Borussia Berlin 2:0 (0:0)

Babelsberg – Lichtenberg 1:0 (0:0)

Tasmania Berlin – Hertha BSC II 1:1 (1:1)

Lok Lipsk – FC Carl Zeiss Jena 0:0 (0:0)

Halberstadt – Luckenwalde 0:5 (0:3)

Eilenburg – BFC Dynamo 0:2 (0:2)

Altglienicke – Auerbach 3:1 (0:1)

Meuselwitz – Chemija Lipsk 1:2 (1:2)

1. BFC Dynamo 3 8 : 2 9

2. Berlinski AK 3 6 : 1 9

3. FSV 63 Luckenwalde 3 7 : 1 7

4. VSG Altglienicke 3 6 : 3 7

5. Kamjeničanski FC 3 5 : 3 6

6. Germania Halberstadt 3 6 : 5 6

7. SV Babelsberg 3 3 : 3 6

8. SV Tasmania Berlin 3 4 : 2 5

9. Lok Lipsk 3 4 : 4 4

10. Hertha BSC II 3 2 : 5 4

11. ZFC Meuselwitz 2 1 : 1 3

12. Union Fürstenwalde 3 5 : 6 3

13. Tennis Borussia Berlin 3 4 : 6 3

14. FC Energija Choćebuz 2 2 : 3 1

15. BSG Chemija Lipsk 2 1 : 3 1

15. FC Carl Zeiss Jena 3 1 : 3 1

15. SV Lichtenberg 47 3 1 : 3 1

18. FC Eilenburg 3 1 : 4 1

18. Optik Rathenow 2 1 : 4 1

20. VfB Auerbach 3 4 : 10 0

Tokio (kh/SN). Dmitrij Owčarow w njewěrjomnje napjatej hrě je finale w blidotenisu a z tym sensaciju zapasł. Němc podleža swětowemu mištrej a olympiskemu dobyćerjej Rio de Janeira Ma Longej z Chiny po sadźbach z 3:4. Zo bě to woprawdźe krimi, pokaza poslednja a rozsudna sadźba z wuslědkom 11:9. Z tym je Owčarow tež w 13. hrě Ma Longej podležał. Duel běše hra ze swětowym niwowom. Z tróšku wjace zbožom móhł němski blidotenist tež triumfować. Nětko ma wón hišće šansu na bronzu.

Šesty dźeń wubědźowanjow sydachu zaso wjacore medalje za Němsku. Tak je judoka Anna-Maria Wagner bronzu w klasy hač do 78 kilogramow dobyła. 25lětna přesadźi so w małym finalu přećiwo Kaliemje Antomarchi z Kuby. Kanusportowcy so jako hromadźerjo medaljow wopokazachu. Po Siderisu Tasiadisu (bronza) a Ricardźe Funk (złoto) doby Andrea Herzog w kanuslalomje z kanadierom bronzu. Najlěpši čas a złotu medalju docpě Jessica Fox z Awstralskeje.

nawěšk