Widźał, słyšał, napisał (04.08.25)
Awtor dźensa
André Strelow
Na zazběhowu hru do druheje zwjazkoweje koparskeje ligi Němskeje stej so pjatk wječor w Gelsenkirchenje tradiciskej towarstwje FC Schalke 04 a Hertha BSC zetkałoj. Wobě matej jasny zaměr: so po móžnosći spěšnje do zwjazkoweje ligi nawróćić a tam zaso trajnje sobu hrać. Čehodla wo tym pisam? Za tutu brizantnu zazběhowu hru bu Richard Hempel nominowany, wukubłany sudnik Zapadołužiskeho koparskeho zwjazka WFV. Hempel hwizda za SZ Großnaundorf a je w kruhach sudnikow hižo nadregionalnje znaty. Do hry mějach składnosć, z nim rěčeć, a so jeho za zasadźenjom prašeć. Rozprawješe wo intensiwnym přihoće, a to nic jenož ćělnym, ale tež mentalnym.
Wuslědki (04.08.25)
Kopańca; wyša liga mužojo
Biskopičanske KT – Rudolstadt 1:3 (0:0)
RSV Přezjednota – Budyšin 4:2 (1:1)
1. VfL Halle 96 1 5 : 0 3
2. VfB 1921 Kśišow 1 3 : 0 3
3. RSV Přezjednota 1949 1 4 : 2 3
4. FC Jednota Rudolstadt 1 3 : 1 3
5. VFC Plauen 1 2 : 0 3
6. SC Freital 1 2 : 1 3
6. SG Union Sandersdorf 1 2 : 1 3
6. Germania Halberstadt 1 2 : 1 3
9. 1. SC 1911 Heiligenstadt 1 1 : 2 0
9. FC Jednota Wernigerode 1 1 : 2 0
9. FC Grimma 1 1 : 2 0
12. Budissa Budyšin 1 2 : 4 0
13. Biskopičanske KT 08 1 1 : 3 0
14. 1. FC Lok Stendal 1 0 : 2 0
15. VfB Empor Glauchau 1 0 : 3 0
16. VfB Auerbach 06 1 0 : 5 0
Zakónčaca tabulka wolejbulowa liga, sakska klasa wuchod, mužojo
1. ST Motor Mickten 18 54 : 6 53
2. VfL Pirna-Copitz 07 18 49 : 20 43
3. SC Freital 18 44 : 23 37
4. Póst Drježdźany 18 39 : 28 34
5. Drježdźany-Košicy 18 35 : 31 29
6. ST Viktoria Worklecy 18 33 : 35 26
7. ST Coswig-Mišno 18 21 : 41 18
8. ST Łužnica 18 28 : 42 17
9. VV Žitawa 09 I 18 18 : 44 13
10. ST Kupoj Nowa Łuka 18 3 : 54 0
Sport (01.08.25)
Sportowanje w Róžeńće
Dźensa přewjedu wobornicy dobrowólneje wohnjoweje wobory w Róžeńće wot 18.30 hodź. wubědźowanje w hašenju. Hašenske cyłki zetkaja so we 18 hodź. na putnikowarskej łuce. Jutře popołdnju wot 15 hodź. přewjedźe Róžeńčanska młodźina potom bičwolejbulowy turněr.
Přihotowanske koparske hry
Do starta do noweje hrajneje doby testuja koparske cyłki dale nowych hrajerjow a nowe formacije. Tak přewjedu so dźensa hnydom dwaj koparskej derbyjej a njedźelu dalši.
01.08. 18.30 SJ Njebjelčicy –
SJ Chrósćicy II
01.08. 19.00 Sokoł Ralbicy/Hórki –
ST Marijina hwězda
02.08. 15.00 SJ Chrósćicy –
TSV Graupa
03.08. 15.00 SJ Chrósćicy –
FSV Bretnig-Hauswalde
03.08. 15.00 Sokoł Ralbicy/Hórki –
ST 1922 Radwor
Zazběh do dypkowych hrow
W třećej koparskej lize Němskeje startuje FC Energija Choćebuz do noweje hrajneje doby 2025/2026. We wyšej lize hrajetej Budissa Budyšin a Biskopičanske KT 08.
02.08. 14:00 FC Energija Choćebuz –
1. FC Saarbrücken
02.08. 14:00 Biskopičanske KT 08 –
FC Jednota Rudolstadt
02.08. 14:00 RSV Přezjednota 1949 –
Budissa Budyšin
Motocross w Rownom
Serbski derby jako přihot
SJ Chrósćicy –
ST Radwor 2:2 (0:2)
Zestawa domjacych: Ki. Mark – L. Zahrodnik, M. Dźisławk, Zynda, F. Cyž, Bogusz, Matik, Šiman, Hawš, Młynk, Kral- Zahrodnik, B. Donat, M. Donat, Wornar, C. Handrik, Wićaz
Zestawa hosći: Pěčak, Ch. Šerak – Grubert, F. Šerak, Wencel, Wjacławk, Schöne, Wjenka, Glücklich, Paška, C. Dźisławk, Wjesela, Reineke, Lauke, Dej, Elsner
Hosćo z Radworja docpěchu zažne nawjedowanje w testowej hrě. Woni špatnu přihrawku před šěsnatku wotpopadnychu a Marvin Paška suny bul z krótkeje distancy přez wrotowu liniju k 1:0 (4.). Chróšćenjo spytachu po tym hru dominować, tola w ofensiwje sej jenož mało móžnosćow wuhrachu. Radworčenjo łakachu dale na zmylki a pytachu móžnosće za kontery. Jednu wužichu za dalše wrota. Paška bě so přez lěwe křidło derje přesadźił a Mateja Wjenku posłužił, kotryž znowa kulowatu kožu jenož hišće do saka třěli 2:0 (28.). Tu a tamnu móžnosć domjace mustwo w prěnim połčasu hišće měješe. Tola zastatk njeje zamóhło skrótšić.
Tež serbske jěcharki startowali
Přihoty za nowu hrajnu dobu zahajili
Jenož tydźenjej po festiwalnym kóncu tydźenja w Chrósćicach su koparjo SJC přihot do noweje sezony zahajili. W druhim přihotowanskim tydźenju mějachu Chróšćenjo hnydom dwaj wjerškaj.
Zašłu wutoru běštaj w Chrósćicach wosebitaj hosćej. Kotrenarjej Dynama Drježdźany Heiko Scholz a Manuel Klöckner překwapištaj Chróšćan koparjow a nawjedowaštaj trening. Překwapjenka nasta w ramiku akcije Dynama Drježdźany, w kotrejž pyta bliskosć k zjednoćenstwam w regionje.
Po krótkim zazběhu zwučowachu wšelake techniki, přihrawki a hrajne formy. Po napinacych 90 mjeńšinach zakónčichu trening. Scholz a Klöckner přepodaštaj Chróšćanam wosebitej postupnej trikotaj. Po zhromadnej bjesadźe so trenarjej rozžohnowaštaj.
Na hrajnu sezonu derje nastajeni
Kónc tydźenja započnje so sezona třećeje ligi 2025/26. FC Energija staraše so wo personelne změny w kadrje. Po skepsanych dźesać přihotowanskich hrach přesadźi so pola přiwiska FCE tola hišće optimizm. Zwjeselace bě, zo je so na přikład přez młodych hrajerjow wjace dynamiki a spěšnosće přidružiło. Nimo toho chce kadrowy planowar Manyel Negrić zhromadnje ze šeftrenarjom Wollitzom z wulce zrosćenymi hrajerjemi w škiće lěpšu suwerenitu docpěć.
Dźesać testowych hrow pak njebě kmane za prawe prognozy. Rezultaty dawaja jenož zdźěla wotmołwy na prašenje za formu teama. Trenar Wollitz drje rěčeše wo spokojnosći, wón pak zdobom spóznajomne rezerwy narěča. Zakónčaca wěstota w šěsnatce přećiwnika dyrbi so hišće polěpšić.
Nowopřichady FCE, wulkotnaj indiwidualistaj Can Moustafa a Jannis Boziaris, namakataj zawěsće prawje spěšnje swoje městno w startowej formaciji.
Z wulkej wćipnosću zhladujemy na zazběhowu partiju sobotu wot 14 hodź. doma w Choćebuzu přećiwo 1. FC Saarbrücken. Georg Zielonkowski
Prěni oficialny test so njeporadźił
SJ Chrósćicy II – ST Haselbachtal 1:4 (0:3)
Za Chrósćicy zasadźeni: K. Mark – Materna, J. Mark, Lehmann, Klemenc, Handrik, M. Zahrodnik, Kř. Zahrodnik, Wowčer, Paška, Sćapan, J. Donat, Budar, M. Donat, B. Donat, T. Donat
Zašły kónc tydźenja stej muskej mustwje Chróšćan sportoweje jednotki za treningowe lěhwo wužiłoj. Při tutej składnosći witaše druhe zastupnistwo njedźelu připołdnju mustwo z Haselbachtala na testowu hru.
Druha hra – druhe dobyće
ST Porchow – Sokoł Ralbicy/Hórki 2:7 (0:4)
Za Ralbicy zasadźeni: Schöne, Žur – P. Šołta, B. Heidorn, Wałda, L. Heidorn, Gloxyn, Rachela, A. Woko, N. Šnajder, Hicka, Matka, Čórlich, Mjechela, J. Šołta
Po wuspěšnej přihotowanskej hrě přećiwo Niskej hrajachu Sokoljo dźeń pozdźišo přećiwo Porchowej. Porchowčenjo hraja klasu niže we wokrjesnej lize. Dešća dla pak njemóžeše so hra kaž předwidźane w Porchowje wotměć, ale přesuny so do Małeho Wosyka.
Na wuskim hrajnišću Sokoljo z prawym zapalom startowachu. Hižo w druhej mjeńšinje docpě Pawl Rachela prěnje wrota. W prěnim połčasu zapisachu so tež Tim Hicka, Niklas Šnajder a Leonhard Heidorn do lisćiny třělcow. Wrota padnychu dźak sylnym kombinacijam a jónu zmylka wrotarja dla. Porchowčenjo, za kotrychž běše to tohorunja druha hra kónca tydźenja, so jónu strašnje před wrotami jewjachu. Tola Willi Schöne nadběh z nohu wotwobara a tež druhi pospyt k wrotam njedowjedźe. Ze změrowacym předskokom dźěše do přestawki. Trenar Christoph Gloxyn na wjacorych pozicijach hrajerjow wuměni. Mjez druhim zaměni wrotarja Titusa Žura.
Serbski koparski dorost w campje Bayerow
Són młodych sportowcow so zwoprawdźił
W štwórtym prózdninskim tydźenju bijachu wutroby 60 zahorjenych dźěći w starobje mjez dźewjeć a 14 lětami w hinašim rytmusu. Na sportnišću Sportoweho towarstwa Lubuš wotmě so pjećdnjowski camp FC Bayern Mnichow. Mjez pjeć ducentami holcow a hólcow bě skupinka serbskich koparjow z towarstwow SJ Njebjelčicy a Sokoła Ralbicy/Hórki. Tuta wosebita šansa bě jim njezapomnite dožiwjenje. Pod profesionalnymi wuměnjenjemi smědźachu po filozofiji FC Bayern Mnichow trenować.
