Remis za Chróšćanow
SJ 1981 Chrósćicy –
Hlinowski SK 0:0 (0:0)
Zestawa domjacych: Škoda, L. Zahrodnik, Dźisławk, Zynda, Handrik, Młynk, Graf (74. Wornar), M. Kral-Zahrodnik (60. K. Zahrodnik), Wićaz, Bogusz, Hawš
Wuslědki (03.06.26)
wokrjesna wyša liga
Horni kraj-Spr. – Póst Germania 2:5 (1:4)
TSV Wachau – Rakečanske ST 2:1 (0:0)
Połčnica – ST Hnašecy-Dobruša 2:5 (1:3)
LSV Hory – Zeleno-běli Bukecy 2:3 (1:0)
Großnaundorf – Kulow 4:1 (4:1)
Sokoł – FV Ottendorf-Okrilla 3:1 (1:1)
1. ST Hnašecy-Dobruša 27 70 : 35 63
2. Póst Germania Budyšin 27 69 : 31 58
3. SC Wulke Rědorjecy 27 65 : 36 49
4. Sokoł Ralbicy/Hórki 27 47 : 47 49
5. SG Großnaundorf 27 61 : 47 44
6. Zeleno-běli Bukecy 27 66 : 54 41
7. Rakečanske ST 27 56 : 48 41
8. LSV Hory 27 71 : 67 41
9. Módro-běli Kulow 27 52 : 51 36
10. SJ Chrósćicy 27 51 : 47 32
11. Drohotka Ramnow 27 40 : 60 31
12. Hlinowski SK 1931 27 53 : 65 29
13. FV Ottendorf-Okrilla 27 41 : 61 28
14. ST Horni kraj-Sprjewja 27 33 : 57 22
15. TSV Połčnica 27 31 : 63 22
16. TSV Wachau 27 34 : 71 17
Dynamo wostanje w 2. zwjazkowej lize
20. decembra, jako Dynamo Drježdźany poslednju hru do zymskeje přestawki 1:2 přećiwo Holsteinej Kiel přěhra, rozžohnwachu so na poslednim městnje tabulki 2. zwjazkoweje ligi z lětom 2025. Kóždy wědźeše, zo dyrbi so mustwo w druhej połojcy sezony chětro stopnjować, zo njeby postupnik zaso zestupił.
Koparska tura po Łužicy
Z połnym zasadźenjom na kopanišću trenowaše zapósłanča krajneho sejma Elaine Jenčec (CDU) zašły tydźeń wutoru zhromadnje z 1. mustwom muži wokrjesneho pokalneho finalista Sokoła Ralbicy/Hórki. W srjedźišću treningoweje jednotki stejachu sprinty, wobrotniwosć a dalše intensiwne zwučowanja. Za Jenčec njewoznamjenješe to jenož sportowe wužadanje, ale zdobom zazběh do noweho formata „Kick přez wólbny wokrjes“.
Z towarstwowej turu wopytuje zapósłanča krajneho sejma Elaine Jenčec koparske towarstwa we wólbnym wokrjesu, trenuje zhromadnje z nimi a da so po tym do rozmołwy z hrajerkami, hrajerjemi a zamołwitymi. Zaměr je, towarstwa a jich dźěło direktnje zeznać a runočasnje sama sportowsce aktiwna być.
Hižo minjene tydźenje bě politikarka mjez druhim pola wšelakich mustwow, kaž na přikład w Großnaundorfje abo w Bretnig-Hauswalde, z hosćom a dósta při tym dohlad do wšědneho treningoweho dnja, dorostoweho dźěła a čestnohamtskeho angažementa.
Načolnika we Wachauwje porazyli
TSV Wachau II – SJ Njebjelčicy 0:2 (0:2)
Zestawa hosći: Weclich – Wjerš, Hanuza, Korjeńk (85. Lehmann), Čornak (66. Herrmann), Hrjehor, Rudolf (90. M. Reineke), Bjeńš, Matješk, F. Domš F. (87. Šiman), O. Domš O. (50. M. Kral)
Mało dobrych šansow na wrota a jara sylny defensiwny wukon dosahachu Njebjelčanam minjenu sobotu, zo bychu načolnu partiju wokrjesneje klasy za sebje rozsudźili. Hižo w prěnjej hrě móžachu přećiwnika z Wachauwa mjerzać a dobychu hru doma z 5:2. Nětko dyrbjachu koparjo SJN na kumštnym trawniku we Wachawje nastupić.
Kolesowanje wokoło Kulowa
Kolesowarske towarstwo Kulow Velo Club wuhotuje njedźelu, 14. junija, kolesowarske wubědźowanje. Čara powjedźe z Kulowskeho Kolpingoweho naměsta na směr do Salowa přez Koćinu, Hózk wróćo do Kulowa.
Startowe časy:
11:15 hodź. mužojo U40/Ü40
11:17 hodź. mužojo Ü50/Ü60
11:19 hodź. žony
Žony a mužojo Ü50/Ü60 pojědu šěsć kołow, štož wučinja 56 km; mužojo starobneje klasy pod 40 a nad 40 lětami pojědu dźesać kołow, cyłkownje potajkim 93 km. Płaći reglement Łužiskeho cupa 2026. Kóždy wobdźělnik pojědźe na swójske riziko! Zarjadowar kóždežkuli rukowanje, tež napřećo třećim, wotpokazuje. Wot kóždeho startera ma so w tym zwisku wupjelnjeny a podpisany formular wotedać, a to při wudawanju wubědźowanskich čisłow. Startowy pjenjez wučinja 25 eurow. Přizjewjenja su pod wming.de móžne. Maik Brězan
Kóntydźenske wuslědki (01.06.26)
Radworčanka Johanna Wjeselic je wčera z koparkami Dynama Drježdźany po dobyću 5:0 (3:0) w Spitzkunnersdorfje do krajneje ligi postupiła. Do nachwatanskeje dypkoweje hry přichodnu njedźelu w 15 hodź. přećiwo druhemu Heidnawskemu ST maja Drježdźanjanki 8 dypkow předskoka.
Prěnje koparske mustwo Biskopičanskeho KT 08 je po domjacej poražce 2:4 (0:1) přećiwo VFC Plauen z wyšeje ligi zestupiło a hraje klětu w krajnej lize. W hrajnej dobrje 2024/2025 běchu Biskopičenjo hišće mišter wyšeje ligi, nětko wobsadźi cyłk trenarja Franka Ričela předposlednje městno. VFB Auerbach – Budissa Budyšin 4:2 (0:0).
Wokrjesna wyša liga:
SJ Chrósćicy – Hlinowski SK 0:0 a Sokoł Ralbicy/Hórki – Ottendorf-Okrilla 3:1 (1:1). Za hosćićelow trjechichu Richard Šnajder (14.), Křesćan Bejmak (71.) a Niklas Šnajder (90.+4).
Wokrjesna liga stafli 1 a 2:
ST Wulke Ždźary – ST 1922 Radwor 1:1 (0:0). Wrota za hosći zapisa sej Florian Elsner (86.). SJ Chrósćicy 1981 II – Módro-běli Minakał 0:2 (0:2). Klóšterscy koparjo su we Kubšicach 6:4 (3:3) dobyli. Za ST Marijinu hwězdu trjechištaj dwójce Florian Zelnak (33., 61.) a štyri króć Jakob Pakoßnick (36., 41., 53., 57.)
W sakskej klasy wuchod je młodźina B sportoweho towarstwa FSV ...
Kulowčenjo turněr dobyli
Třeći z cyłkownje sydom lětušich wólnočasnych wolejbulowych turněrow su w Ralbičanskej sportowni Žołto-módri z Kulowa před Mustwom 1296 a ST 1922 Radworjom dobyli.
Po tradicionalnym turněrje „Witamy nalěćo“ w měrcu w Ralbicach dojědźe sej wospjet sydom cyłkow do Delan na lětuši tak mjenowany „Jutrowny turněr“. Hłowna organizatorka wječora Annett Kralowa witaše w tamnišej sportowni wšitkich akterow, mjez nimi sydom wolejbulistkow, kotrež běchu w pjeć mustwach zasadźene.
Widźał, słyšał, napisał (01.06.26)
Awtor dźensa
Michał Nuk
Je to hišće sport abo dalši wjeršk manije čłowječeho sebjeoptiměrowanja, kotryž runje w minjenym lětdźesatku dźeń a bóle po swěće přiběra? Rěču wo wubědźowanju, připowědźenym jako rewolucija abo transformacija sporta do noweho časa. Rěču wo tak mjenowanych The Enhanced Games, kotrež su so njedźelu před tydźenjom přewjedli. Posłownje přełožić hodźi so to „enhanced“ jako polěpšeny abo podpěrany. Měnjene wšak su wubědźowanja z legalnym dopingom pod mediciniskej kontrolu – potajkim „steroidne olympiske hry“, kaž su so w předpolu wot kritikarjow charakterizowali.
