Njebjelčicy 1. serbski supercup dobyli
Generalka njewuspěšna
ST Haselbachtal – SJ Chrósćicy II 2:0 (1:0)
Zestawa hosći: M. Mark – T. Donat, Kola (67. Brühl), Materna, Zahrodnik, Handrik (67. J. Mark), Dyrlich, Klemens, Špitank, Dridiger-Šołta, B. Donat
K poslednjej přihotowanskej hrě do starta noweje hrajneje doby běchu sej Chróšćenjo do Haselbachtala dojěli. Tamniši cyłk hraje we wokrjesnej klasy. Za wobě mustwje skićeše hra tuž hišće raz składnosć, krótko do starta sezony wažne dopóznaća zběrać a so jako mustwo zahrać.
Wurunanje po turbulentnym kóncu
SJ Chrósćicy II –
FSV Łuty 1:1 (0:0)
Zestawa Chróšćanow: Mark – T. Donat, Kola, Materna, Rätze, Klemens, Dźisławk, Handrik, Zahrodnik, Dyrlich (61. Špitank), B. Donat (85. Sćapan)
Po poměrnje słabym přihoće bjez dobyteje testoweje hry startowaše druhe koparske mustwo SJ Chrósćicy minjeny kónc tydźenja do noweje sezony wokrjesneje ligi. K zazběhej čakaše z Łutami njepřijomny přećiwnik, kotryž bě zašłu sezonu sedme městno w stafli 2 wokrjesneje ligi docpěł.
W Miłoćicach na Bobkec jěchanskim dworje je so wčera lětuša ...
Dypk k zazběhej za Njebjelčanow
SJ Njebjelčicy –
HZ Łaz/Běły Chołmc 2:2 (1:2)
Zestawa SJ Njebjelčicy: Louis Gerlach – Johannes Wjacławk, Wjerš, F. Domš (90. Reineke), Plaettner, Korjeńk (86. Lehmann), T. Čornak (70. Fynn Zarjeńk), Hrjehor, O. Domš (86. Emilio Wetzig), Krawčik, R. Čornak
Krótkodobneje změny hrajneho městna dla smědźeše Njebjelčanski cyłk zazběh sezony 2026/207 doma swjećić. Při wulkej horcoće móžachu sej dypk wudobyć.
Wuslědki (18.08.26)
wokrjesna liga stafla II
Minakał - ST Radwor2:2 (2:1)
Němske Pazlicy II - FC Łužica 0:2 (0:0)
Marijina hwězda - TSV Połčnica 0:4 (0:2)
1. TSV Połčnica 1 4 :0 3
2. FC Łužica 1 2 :0 3
3. ST Lubuš 1 2 :1 3
4. SJ Chrósćicy II 1 1 :0 3
5. Módro-běli Minakał 1 2 :2 1
5. SJ Njebjelčicy 1 2 :2 1
5. ST Radwor 1 2 :2 1
5. HZ Łaz/Běły Chołmc 1 2 :2 1
9. FSV Łuty 1 1 :1 1
9. SJ Chrósćicy II 1 1 :1 1
11. Wulke Ždźary / Kulow II 1 1 :2 0
12. ST Kinspork/Łužnica 1 0 :1 0
13. Natwar Němske Pazlicy 1 0 :2 0
14. ST Marijina hwězda 1 0 :4 0
Sokoł serbski derby rozsudźił
SJ Chrósćicy – Sokoł Ralbicy Hórki 0:3 (0:0)
Zestawa domjacych: Škoda – Graf, L. Zahrodnik (78. Wornar), G. Zahrodnik, Matik, Bogusz, Donat (65. Wićaz), Šiman (46. Bjeńš), Hawš, Mark, Kral-Zahrodnik
zestawa hosći: Schöne – B. Heidorn, Frencel, R. Šnajder, Wałda, L. Heidorn, Woko, N. Šewc, Hicka, N. Šnajder, P. Šołta
Kónctydźenske wuslědki (17.08.26)
Pjatk zahajichu w Chrósćicach nowu hrajnu dobu wokrjesneje wyšeje ligi. A to hnydom z horcym serbskim derbyjom. Dobyće 3:0 (0:0) swjećachu Sokoljo přećiwo Chróšćanam. Wrota třělichu Niklas Šnajder, Aleksander Wałda a Richard Šnajder. W samsnym času doby cyłk Póst Germanije Budyšin přećiwo zastupnistwu z Hornjeho kraja Sprjewja 4:2 (3:1). Dalšej wuslědkaj z tuteje stafle: Rakecy – Malešecy 2:2 (1:0) a Hory – Kulow 3:5 (2:1).
Tež we wyšej a krajnej lize honjachu zaso za bulom: Jednota Rudolstadt – Budissa Budyšin 0:0 a Drježdźanski SC je přećiwo FC Grimma 2:4 podležał. Pola DSC hraje aktualnje Hórčan Damian Jurk.
Wobaj koparskej cyłkaj Radworski a tež Njebjelčanski stej we wokrjesnej lize stafla dwaj z njerozsudnym wuslědkom 2:2 startowałoj. Hosćo z Radworja mějachu w Minakale trochu zboža. Najprjedy bě Marlon Wencel 1:0 (33.) třělił, po tym pak hosćićeljo hišće do přestawki hru na 2:1 (34., 42.) zwjertnychu, doniž Minakałčan na 2:2 (69.) ze samowrotami njewuruna. Njebjelčenjo nachwatachu doma zastatk 0:2 přećiwo hosćom z Łaza. Wrota za SJN třělištaj Jonas Krawčik a Florian Domš.
Widźał,słyšał, napisał (17.08.26)
Awtor dźensa
Beno Šołta
Lěćo so ke kóncej chila, to rěka zo sportowcy zaso wjace běhaja! Wubědźowanjow w lěću tu w Hornjej Łužicy cyle tak wjele nimamy, kaž w nalěću a nazymje. Rjenje wšak je, zo je so Knappenman pola Třižonjanskeho jězora tak etablěrował. Nadregionalnje je wón dźeń a popularniši. Sym wšak hižo raz pisał, zo je wubědźowanje z organizatoriskeho wida a tež za přihladowarjow jara atraktiwne: Krótke puće, wuběrne čary za płuwanje, kolesowanje a běhanje. Dale widźa přihladowarjo sportowcow husto. Wšako woni při kolesowanju a běhanju dwě abo wjace kołow wjerća, a so tak stajnje zaso wróća.
Sport (14.08.26)
Dźensa dwaj derbyjej
Z koparskimaj derbyjomaj w Minakale a Chrósćicach so dźensa nowa hrajna doba na wokrjesnej runinje zahaji. Njebjelčanscy koparjo změja swoju zazběhowu hru we wokrjesnej lize jutře w Běłym Chołmcu.
14.08. 18:30 SJ Chrósćicy –
Sokoł Ralbicy/Hórki
14.08. 19:00 Módro-běli Minakał –
ST Radwor
15.08. 15:00 HZ Łaz/Běły Chołmc –
SJ Njebjelčicy
16.08. 10:30 LSV Hory –
Módro-běli Kulow
16.08. 12:30 SJ Chrósćicy II –
FSV Łuty
16.08. 13:30 Dynamo Drježdźany –
Darmstadt 98
16.08. 14:00 ST Marijina hwězda –
TSV Połčnica
Bičwolejbul w Róžeńće
Róžeńčanska wjesna młodźina přeprošuje na bičwolejbulowy turněr, kotryž přewjedźe wona sobotu, 29. awgusta w Róžeńće na bičwolejbulnišću při putniskej łuce. Cyłki zetkaja so w 14.30 hodź., turněr započnje so w 15 hodź. Přizjewjenja su pod 015203658949 abo na instagramje pod mk.rozant móžne.
Běhi na Běłobóh
Njedźelu, 23. awgusta, wotměja so we Wopakej 45. raz běhi na Běłobóh, a to wot 9.30 hodź. Planowane su běhanske distancy 1,5 km, 4,9 km,12 km a 20 km. Nimo toho poskića wobdźělnikam disciplinu walking na distancy 4,9 km. Přizjewjenja su pod móžne.
Strowotniske běhi
