Młodźina C Sokoła Ralbicy/Hórki je we wokrjesnej lize koparski ...
Widźał,słyšał, napisał (04.05.26)
Kolesowanski sport lubuje njewšědnych kolesowarjow – tuchwilu rěka jeho najlubše dźěćo Paul Seixas. Hakle 19 lět stary Francoza jědźe, jako njeby zakonje sćerpnosće znał. Dobyća na wubědźowanju Flèche Wallonne, cyłkowny wuspěch w Baskiskej, k tomu druhe městno za Tadejom Pogačarom pola Strade Bianche a Lüttich-Bastogne-Lüttich – to njeje hižo jeničce pokazka jeho talentow, ale cyle jasna připowědź. A tola steji nade wšěm prašenje: Tour de France – haj abo ně? Debata skutkuje nimale zastarska. Na jednej stronje napominaja nazhonite hłosy ke kedźbliwosći, pokazujo na ćělnu a mentalnu brutalitu třitydźenskeje kołojězby. Na tamnym boku je Seixas hižo nětko dopokazał, zo z najlěpšimi jenož sobu njedźerži, ale jich wužaduje. Samo podijowe městno w Parisu jemu mjeztym přicpěwaja. Jeho wobdźělenje by wjace było hač jenož sportowa kročel – wone by symbolisku generacisku změnu woznamjenjało. Francoska, kotraž hižo lěta za nowym rjekom kołojězby pyta, swoju žadosć hižo nětko, dołho do ewenta, na njeho wusměrja.
Krótko do kónca přěhrali
ST Zeleno-běli Sepicy – ST 1922 Radwor 3:2 (0:0)
Zestawa hosći: Šěrak – B. Grubert, M. Grubert, Schäfer, Wjesela (73. Mička), Paška, Wencl (66. J. Pěčak), Adam, Hetaš, Glücklich, Dźisławk (86. Dej)
W Sepicach mějachu Radworčenjo a Sepičenjo dobre wonkowne wuměnjenja. Při rjanym wjedrje a na wulkotnym hrajnišću bě lědma wurěčow. Třělwa běžeše čisće a wobě mustwje móžeštej swoju hru hrać. Radworčenjo startowachu sylnje do partije a přewzachu zahe kontrolu nad hru. Často woni bul wobsedźachu a dachu jón wěsće přez swójske rynki běžeć. Z tym postajowachu hrajne podawki. Hižo w prěnich mjeńšinach skićeše so prěnja wulka šansa. Marvin Paška přińdźe swobodnje k wotzamknjenju, wrota pak jenož snadnje misny. Po tym wuhrachu sej hosćo dalšej wulkotnej móžnosći, njezamóchu pak jej wužić. Hosćićeljo łakachu mjeztym na kontery a buchu při tym přeco zaso strašni. Přiwšěm Radworska defensiwa kedźbowaše a móžeše mnoho situacijow sčasom wujasnić. We wrotach přeswědči Christoph Šěrak z porjadnym wukonom a dźeržeše swój team derje w hrě. Najebać jasne pólne lěpšiny pak dźěše bjez wrotow do přestawki.
Wuslědki (04.05.26)
Wokrjesna liga, stafla 2
Rakečanske ST II – ST Lubuš 1:2 (1:0)
Traktor Malešecy – Chrósćicy II 4:0 (1:0)
Minakał – Zeleno-běli Sepicy 1:0 (1:0)
ST Radwor – FSV Łuty 0:3 (0:2)
1. Traktor Malešecy 20 59 : 1949
2. ST Lubuš 20 62 : 22 47
3. Módro-běli Minakał 19 57 : 31 45
4. ST 1896 Wulka Dubrawa 20 51 : 35 35
5. HZ Łaz/Běły Chołmc 19 57 : 32 34
6. ST Kinspork/Łužnica 20 44 : 32 31
7. FSV Łuty 20 34 : 42 28
8. Wojerowski FC II 20 36 : 41 22
9. Zeleno-běli Sepicy 19 25 : 41 22
10. ST Radwor 20 33 : 46 18
11. FC Łužica 20 34 : 55 18
12. HZ Wulke Ždźary 19 33 : 61 18
13. Rakečanske ST II 20 24 : 57 18
14. SJ Chrósćicy II 20 14 : 49 5
Sport (30.04.26)
Kćenjowe běhi a kolesowanje
W Kamjencu wotměja so njedźelu, 3. meje, zaso Łužiske kćenjowe běhi. Tam změja sćěhowace kategorije: Běhanje 1 km, 2 km, 6 km, 10 km, 15 km, walking 10 km a inkluziski běh. Kolesowanje: hórski duatlon, 50 km, 80 km a 25 km. Wurisanja započnu so w 9 hodź., kónc budźe wokoło 16 hodź. Přizjewjenja su hišće hač do 2. meje w 12 hodź. na abo móžne. Na dnju zarjadowanja wobsteji na městnje w Kamjencu tež hišće móžnosć so přizjewić.
09:00 start hórskeho duatlona
10:30 start kolesowarskich
wubědźowanjow
11:00 start dźěćaceju běhow přez 1 km a 2 km
12:40 start inkluziskeho běha přez
2 km
14:10 start běhow přez 15 km, 10 km
a 6 km
Chróšćenjo dźensa w měsće
Mjeztym zo hraja wšitke koparske cyłki we wokrjesnej wyšej lize sobotu abo njedźelu, steji hra Póst Germanije Budyšin přećiwo SJ Chrósćicam hižo za dźensa na hrajnym planje. Budyšenjo su naposledk we Wulkich Rědorjecach 0:1 přěhrali, Chróšćenjo pak doma 4:1 přećiwo SZ Großnaundorfej dobyli. Po dwěmaj poražkomaj a dwěmaj remisomaj chcedźa Radworčenjo njedźelu doma skónčnje zaso połnje dypkować, a to přećiwo hosćom z Łutow.
30.04. 18:00 Póst Germania Budyšin
– SJ Chrósćicy
02.05. 15:00 Módro-běli Kulow –
Sokoljo z najsłabšim wukonom sezony
Sokoł Ralbicy/Hórki –
Hlinowski SK 0:2 (0:0)
Zestawa domjacych: Schöne – Šewc, P. Šołta, B. Heidorn, D. Šołta, Mikławšk (53. P. Woko), N. Šnajder, Hicka, R. Šnajder, A. Woko, L. Heidorn (67. Čórlich)
Přećiwo koparjam z Hlinowca bě jasne, zo maja tři dypki doma w Delanach wostać. To pak so nimokuli, dokelž pokazachu Sokoljo najsłabši wukon sezony.
W prěnjej poł hodźinje wotmě so hra jeničce mjez šěsnatkomaj. Bul bu wot jedneje do druheje połojcy podawany. Jasna struktura a ideje njeběchu spóznajomne. Prěni porjadny nadběh so Sokołam hakle w 27. min. poradźi. Richard Šnajder posłuži swojeho bratra Niklasa, ale jeho pospyt škitar k róžkej blokowaše. Po flance hosći z praweje strony zhłójčkowa wulki nadběhowar Döring bul z něhdźe pjeć metrow wyše wrotow (31.). Tak dźěše bjez wrotow do kabiny. Trenar Krystof Gloxyn běše přewšo njespokojny a namołwi swojich chowancow, skónčnje wjace do hry inwestować.
Wuslědki (29.04.26)
Wokrjesna wyša liga
TSV Wachau – Módro-běli Kulow 3:3 (3:3)
SC 1911 Wulke Rědorjecy –
Póst Germania Budyšin 1:0 (1:0)
ST Horni kraj-Sprjewja –
TSV Połčnica 0:0 (0:0)
Bukecy – Rakečanske ST 4:2 (2:2)
FV Ottendorf-Okrilla –
Drohotka Ramnow4:2 (1:2)
LSV Hory – ST Hnašecy-Dobruša 2:6 (1:3)
SJ Chrósćicy – SG Großnaundorf 4:1 (3:0)
Sokoł Ralbicy/Hórki –
Hlinowski SK 0:2 (0:0)
1. ST Hnašecy-Dobruša 23 56 : 29 54
2. Póst Germania Budyšin 23 57 : 24 51
3. SC Wulke Rědorjecy 23 60 : 33 43
4. Rakečanske ST 23 52 : 39 40
5. Sokoł Ralbicy/Hórki 23 39 : 41 40
6. SG Großnaundorf 23 51 : 39 38
7. Zeleno-běli Bukecy 23 57 : 49 34
8. LSV Hory 23 62 : 60 34
9. Módro-běli Kulow 23 48 : 44 32
10. SJ Chrósćicy 23 45 : 40 25
11. Hlinowski SK 1931 23 49 : 60 25
12. Drohotka Ramnow 22 30 : 53 22
13. FV Ottendorf-Okrilla 23 34 : 55 21
14. TSV Połčnica 22 26 : 47 20
15. ST Horni kraj-Sprjewja 23 27 : 50 17
16. TSV Wachau 23 30 : 60 14
Worklečenjo do 1. wokrjesneje klasy postupili
Třeće blidotenisowe mustwo Sportoweho towarstwa Viktorije je z fulminantnym sezonowym finalom zasłuženy postup z druheje do prěnjeje wokrjesneje klasy docpěło.
Hižo na jězbje do Kamjenca k poslednjemu přećiwnikej sezony, Sportowemu zjednoćenstwu Brěznja II, knježeše w połnje wobsadźenymaj awtomaj dobra nalada.
12 hrow, 12 dobyćow, perfektna sezona
Spočatk nalěća steješe we wolejbulowej wokrjesnej klasy sewjer posledni hrajny dźeń na programje. Worklečanscy Viktorianojo běchu sej hižo na předposlednim hrajnym dnju prěnje městno zawěsćili, tuž njebě prašenje za mištrom hižo tak napjate. Wjeselo steješe na prěnim městnje, bjez toho zo by so bój wo zaměstnjenje dospołnje zanjechał. Mužojo ST Viktorije běchu sej łatu wysoko połožili: Chcychu sezonu bjez poražki zakónčić.
Za Worklecy zasadźeni: Ludwig Eckert, Daniel Gall, Stefan Gedik, Marija Grundajec, Vincent Kuring, Marko Njek, Marcel Rjelka a Syman Žur; poradźowar: Mato Eckert
ST Viktoria Worklecy III –
Módro-běli Wojerecy V 2:0
(25:15, 25:15)
Přećiwnik w prěnjej hrě dnja njeměł Worklečanam při tym na puću stać. Pjate mustwo Módro-běłych bě w hrajnej dobje dotal hakle jednu sadźbu dobyło. Hosćo z Worklec nawjedowachu spěšnje 7:0. Hrajerka a wšitcy hrajerjo Viktorije dóstachu swój hrajny čas a přinošowachu k jasnemu dobyću sadźby z 25:15.
Młode mjetarki wuzwolili
Kołowokoło Radworskeje sportownje „Slavia“ steješe minjenu njedźelu hižo rano po wosmich mnoho awtow. Sakske towarstwo za mjetańcu z. t. bě 48 młodych sportowčow na wubědźowanje přeprosyło, w běhu kotrehož chcychu dwaceći holcow lětnika 2013 za saksku dorostowu wubranku w mjetańcy namakać.
Mustwa z Lipska a Drježdźan, z juhozapada kaž tež wuchoda Sakskeje běchu sej do Radworja dojěli. Z „Witajće k nam“ jich Radworska wjesnjanostka Madelaine Rynčowa na spočatku zarjadowanja postrowi. Kerstin Herzer, wiceprezidentka za dorost w Sakskim zwjazku mjetańcy z. t. na to nawjaza prajo, zo wotměwa so wurisanje w dwurěčnej kónčinje našeho kraja. Jakob Dietrich, krajny trenar za mjetańcu w Sakskej, so zamołwitym dźakowaše, zo běchu Radwor jako městnosć wubědźowanja wuzwolili. Wšitcy běchu sej přezjedni, zo ma tamniša gmejna ze swojej sportownju woprawdźitu parličku, kotraž zarjadowanja na tajkim niwowje zmóžnja.
