Italska po krimiju přećiwo Španiskej w finalu
London (kh/SN). Italscy serijowi rjekojo su finale europskich koparskich mišterstwow 2020 docpěli. Po 32 hrach bjez poražki je Squadra Azzurra tež Španisku přewinyła. Za to pak trjebaše po taktiskej hrě třělenje jědnatkow, kotrež doby před 60 000 přihladowarjemi w Londonskim Wembleyjowym stadionje z 5:3. W tajkim krimiju njejsu Španičenjo na kóncu trěbne čuwy měli.
Španiski trenar Luis Enrique je ze swojej prěnjej zestawu italskeho kolegu Roberto Mancinija překwapił. Zo budźe Dani Olmo w nadběhu za zranjeneho Pabla Sarabiju hrać, běše hišće wotwidźeć. Prěni raz na turněrje pak wzda so Enrique stajneho nadběhowarja Álvara Moraty a pósła za njeho Mikela Oyarzabala na hrajnišćo.
Překwapjenka by so nimale zešlachćiła. Po sylnym započatku Italskeje stabilizowachu so Španičenjo a dóstachu wulkotnu šansu k nawjedowanju. Po genialnym pasu 18lětneho stara turněra Pedrija bě Oyarzabal Giorgija Chiellinija a Leonarda Bonuccija přewinył, njezamó pak bul w najlěpšej poziciji kontrolować.
Koparjo sprjewineho města zaso we wyšej lize zastupjeni
SC Freital – FSV Budissa Budyšin 1:2 (0:2)
Zestawa hosći: Zoul – Rülicke, Patka, Vrabec, Käppler, Schröder, Henčl (89. Noack), Hentsch (81. Barnickel), Baudisch (61. Kloß), Henzl, Hagemann
Něhdyši Satkularjo přećelsku partiju dobyli
Satkula Allstars –
ATS Fullhelm Łužica 1:1
(4:3 po třělenju jědnatkow)
Zestawa Satkula Allstars: Fabian Hejduška – Clemens Handrik, Franciskus Wornar, Beno Šołta, Clemens Šmit, Stefan Šmit, Tadej Špitank, Matej Wjeńka, Fabian Šěrak, Daniel Nuk, Fabian Kola
zestawa ATS Fullhelm Łužica: Józef Matješk – Mike Janca, Rony Hanuza, Jonas Zynda, Beno Sćapan, Jonas Krawčik, Philipp Šiman, Toni Čornak, Handrij Korjeńk, Martin Sobe
Napjaty duel mjez mustwomaj Satkula Allstars a ATS Fullhelm Łužica wotmě so póndźelu tydźenja w Hórčanskim koparskim stadionje. Něhdźe 250 přihladowarjow z cyłeje Łužicy bě do Hórkow přichwatało, zo bychu sej spektakl wobhladali. Wo ćělne derjeměće fanow staraše so Hórčanski młodźinski klub z jědźu a napojemi.
Wažnaj hrajerjej přestanjetaj
Mnichow (kh/SN). Powěsć bě so dźeń po poražce Němcow přećiwo Jendźelskej šěriła: Toni Kroos zakónči swoju karjeru w narodnym koparskim mustwje Němskeje. Po bolostnej poražce přećiwo Jendźelskej je so 31lětny po 106 zasadźenjach w trikoće DFB za krok rozsudźił. Cyły koparski přiwisk pak tak jara zrudny njeje, Kroos njebě mjenujcy pola wšitkich woblubowany. Tež hdyž sej to hrajer Real Madrida jako profi wulce k wutrobje njebjerje, bu wón přez lěta přeco zaso kritizowany. Stajnje so dźiwaše, čehodla je w dwěmaj swětomaj žiwy.
W Španiskej, hdźež Kroos po swojej změnje wot FC Bayern Mnichowa wot lěta 2014 pola Real Madrid hraje, wobhladuja jeho jako jednoho z najlěpšich koparjow swěta. Tam maja jeho za mudreho strategu, kiž z inteligencu ćežke situacije zmištruje. Fakty rěča za Kroosa, kiž je w swojej karjerje štyri razy mištersku ligu dobył a njeličomne narodne titule. Zabyć njesměmy na titul koparskich swětowych mišterstwow w lěće 2014 w Brazilskej.
Kauter nětko tola za Energiju hraje
1. julij je nětko tola pozitiwny datum w protyce FC Energije Choćebuz. Tón dźeń je nutřkowny škitar Shawn Kauter swoje zrěčenje z njej nastupił. W meji bě wón mjenujcy prěni nowopřichad. Na dnju treningoweho zazběha pak zamołwitym w Choćebuzu zdźěli, zo za FC Energiju Choćebuz hrać njebudźe. Wot toho časa nastachu diferency a njejasnosće. Po wobšěrnej wuměnje mjez sportowym nawodu Maximilianom Zimmerom, šeftrenarjom Clausom-Dieterom Wollitzom a prezidijom pak Kauter nětko přilubi, zo budźe wón za FC Energiju hrać.
Wuwjedźenja k priwatnym wobstejnosćam FC Energija tak prawje znała njebě. Nětko nasta na zakładźe špatneje komunikacije ze stron hrajerja nowa situacija. Energija Shawna Kautera podpěruje. Škitar stupi so z wotewrjenymi a sprawnymi słowami před mustwo, rozkładźe wosobinske přičiny a so pola mustwa zamołwi. Njelubozna wěcka je zabyta, delnjołužiske koparske mustwo a towarstwo přihotujetej so nětko zhromadnje na nowu sezonu, kotraž započnje so 24. julija z domjacej hru přećiwo cyłkej FSV Luckenwalde. Georg Zielonkowski
Liški z dalšim nowopřichadom
Peter Quenneville budźe w sezonje 2021/2022 w trikoće módro-žołtych hrać. 27lětny rodźeny Kanadźan waži 84 kilogramow, je 1,82 metrow wulki a nadběhowaše w minjenej hrajnej dobje za Rapid City Rush w sewjeroameriskej ECHL. Wonkowny nadběhowar móžeše w 119 hrach cyłkownje 126 scorer-dypkow nazběrać.
Peter Quenneville pochadźa z lodohokejoweje swójby. Jeho bratraj John a David w norwegskej AHL za pukom honitaj. Jeho wulkokuzenk Joel Quenneville jako něhdyši lodohokejist tučasnje mustwo Florida Panthers w NHL trenuje.
Danska wubranka soni wo triumfje
Na europskich koparskich mišterstwach so faworića w kole najlěpšich wosmjoch přesadźili
Baku (kh/SN). Wospjet je čěska koparska wubranka lětsa přećiwo Danskej hrała. Hakle 31. meje, potajkim něhdźe před měsacom, běštej lodohokejowej mustwje wobeju narodow na swětowych mišterstwach přećiwo sebi nastupiłoj. Po štyrjoch mjeńšinach docpě tehdom Nickla Jensen 1:0 za Dansku, a Dominik Kubalík wuruna, při čimž wosta tež po podlěšenju. Hakle penaltyje dyrbjachu duel tehdy rozsudźić. Čěska doby z 2:1.
Sobotnu partiju w štwórćfinalu europskich mišterstwow (EM) w kopańcy mjez wosom najlěpšimi mustwami drje nichtó wočakował njebě. Danska bě hižo we wosmifinalu Wales jasnje přewinyła, poražka Nižozemskeje přećiwo sylnej Čěskej pak běše překwapjenka.
Rozsudny zmylk sudnika
Najlěpši dotalni třělcy wrotow na lětušim turněrje
Cristiano Ronaldo, Portugalska 5
Patrik Schick, Čěska 5
Karim Benzema, Francoska 4
Romelu Lukaku, Belgiska 4
Emil Forsberg, Šwedska 4
Robert Lewandowski, Pólska 3
Xherdan Shaqiri, Šwicarska 3
Raheem Sterling, Jendźelska 3
Georginio Wijnaldum, Nižozemska 3
Harry Kane, Jendźelska 3
Kasper Dolberg, Danska 3
Memphis Depay, Nižozemska 2
Denzel Dumfries, Nižozemska 2
Kai Havertz, Němska 2
Thorgan Hazard, Belgiska 2
Ciro Immobile, Italska 2
Manuel Locatelli, Italska 2
Joakim Maehle, Danska 2
Ivan Perišić, Chorwatska 2
Matteo Pessina, Italska 2
Yussuf Poulsen, Danska 2
Roman Jaremčuk, Ukraina 2
Andrij Jarmolenko, Ukraina 2
Ezgjan Alioski, Sewjerna Makedonska 1
Marko Arnautović, Awstriska 1
Christoph Baumgartner, Awstriska 1
Martin Braithwaite, Danska 1
Andreas Christensen, Danska 1
Viktor Claesson, Šwedska 1
Mikkel Damsgaard, Danska 1
Artjom Dźjuba, Ruska 1
Attila Fiola, Madźarksa 1
Leon Goretzka, Němska 1
Robin Gosens, Němska 1
Widźał, słyšał, napisał (05.07.21)
Wuwiće wolejbula na serbskich šulach w Budyskim a Kamjenskim wokrjesu w 1960tych lětach chcu wam dźensa rozłožić. W archiwje Serbskich Nowin nańdźech prěnju rozprawu wo šulerskim wolejbulu z 15. nowembra 1967 wot Mikławša Krawca. Wón pisa tam wo pokalnych hrach młodźiny Budyskeho wokrjesa. Šulerjo Serbskeje rozšěrjeneje wyšeje šule (SRWŠ) z Małeho Wjelkowa wudobychu sej 5. městno, dobyło je mustwo LIW Budyšin. Měsac pozdźišo rozprawješe Mikławš Krawc wo hrach młodźinskeje wokrjesneje klasy. Šulerjo SRWŠ, kotřiž hrajachu přećiwo zjednoćenstwam z Budyšina, wubědźichu sej kedźbyhódne 4. městno. Techniske wukubłanje zmóžni jim tehdy sportowy wučer Gerat Hrjehor. Šulerjo, kotřiž při wysokim saku hrajachu, běchu mjez druhim Pětr Brězan, Korla-Hinc Friesa, Pětr Korjeńk, Klaus Kubaš a Achim Šuster (wolejbulist Rotacije Budyšin). Srjedź junija 1968 wotmě so w Hórkach wabjenska ludowa hra wolejbul mjez wučerjemi-šulerjemi z Worklec a šulerjemi z Pančic-Kukowa.
Darida a Poulsen zaso trenujetaj
Praha (kh/SN). Kapitan čěskeho narodneho koparskeho mustwa Vladimír Darida je do štwórćfinalneje partije europskich mišterstwow přećiwo Danskej zaso ze swojim mustwom trenował. Srjedźopólny hrajer zwjazkoweho ligista Hertha BSC Berlin dyrbješe wosmifinale přećiwo Nižozemskej njeznateho zranjenja dla wuwostajić. Na treningu w měšćanskim dźělu Praha-Strahov je so nětko tež njedawno lochce zranjeny lěwy škitar Jan Bořil zaso wobdźělił.
Čěska wubranka ma swoju bazu wobmjezowanjow korony dla w Praze a podawa so wottam na hry. Njejasne přeco hišće je, kelko čěskich fanow pojědźe sobotu na štwórćfinale do Bakuwa. Cyłkownje 30 000 přihladowarjow je w stadionje dowolenych. „Je wšak tróšku njezbožowne za nas, tak daloko lećeć a potom jenož w poł połnym stadionje hrać“, praji srjedźopólny hrajer Petr Ševčík. Čěska je minjenu njedźelu před 50 000 přihladowarjemi w Budapesće ze sensacionelnym dobyćom 2:0 přećiwo Nižozemskej do štwórćfinala zaćahnyła.
