Sport (19.02.21)
Plan Žołto-módrych steji
W 111. lěće swojeho wobstaća je so předsydstwo Žołto-módrych Kulow online zetkało, zo by swoju hłownu zhromadźiznu přewjedło. Na njej dojednachu so sportowče a sportowcy wokoło předsydy Rolanda Stiebitza na štyri terminy, za kotrež pak žanu garantiju njepřewozmu. Nimo toho chcedźa, ručež to wjedro dowoli, nowy trawnikowe wolejbulnišćo w Brěžkach přepodać.
17./18.04. nócny wolejbul
04.07. lěćny sportowy swjedźeń
27.08. hłowna zhromadźizna
02.10. nazymski wolejbulowy turněr
Wobchod wotewrjeny
Fanowy wobchod „Hokejowa liška Łužica“ w Běłej Wodźe je zaso wotewrjeny. Wot póndźele do pjatka wot 10 – 12 hodź. a wot 14 – 18 hodź. poskićeja tam poradźowanje po telefonje abo přez mejlku. Nawoda wobchoda Heiko Rauhut k wotběhej serwisa call & collect: „Po prěnim telefoniskim kontakće, poradźowanju a skazanju dojednamy so z kupcom na termin, hdyž móže sej wěcy wotewzać. Prošu z EC- abo kreditowej kartku zapłaćić.“ Kontaktowe daty: 0 35 76 / 2 15 56 00 abo info@hockeyfuchs-lausitz.shop
Hišće raz přećiwo EHC Freiburgej
Přećiwnik so rewanšował
Łužiske liški Běła Woda – Bietigheim Steelers 3:6 (1:2, 2:1, 0:3)
Loni 30. decembra běchu Běłowodźanske lodohokejowe liški přećiwo Bietigheimej po wurunanej hrě (36:34 třělwow na wrota) ze 6:0 dobyli. Tónraz bě hra znowa wurunana a statistika třělwow wrotow nimale podobna (32:28). Šěsć wrotow pak poradźi so přećiwnikej, kiž je so tak za lońšu fawcu rewanšował.
Znowa dyrbjachu Łužiske liški wot wšeho spočatka zastatk wurunać, dokelž steješe hižo po pjeć mjeńšinach 0:1 za hosći. Jenož někotre sekundy na to woni samo zwyšichu, štož bě zaso raz katastrofalny start domjacych do hry. Na zbožo so woni popadnychu a w 16. min. tež prěni raz wyskachu. Thomas Reichel wotfalšowa pospyt z distancy do wrotow hosća.
Byrnjež Liški w druhej třećinje hry furioznje započeli, poradźichu so z ničeho dalše wrota za Steelersy. Běłowodźenjo pak hrajachu dale dobry lodohokej a so z dwojimi dalšimi wrotami wobdarichu. Najprjedy skrótši Andrew Clark na 2:3 (37.) a jenož mjeńšinu po tym padny na kuriozne wašnje wurunanje. Hrajer z Bietigheima chcyše před wrotami wujasnić, třěli pak puk před kij Clarka, a tón docpě swoje druhe wrota dnja.
Snadny předskok za Spartu Prahaw čěskej ekstralize
2. HC Rodos Dvůr Králové 3 14 : 5 6
3. HC Wikov Hronov 3 15 : 12 6
4. HC Děčín 4 14 : 22 6
5. BK Nová Paka 4 7 : 10 3
6. HC Draci Bílina 3 6 : 9 3
7. HC Trutnov 4 9 : 13 3
8. Mostečtí lvi 0 0 : 0 0
tabulka 2. liga – juh – Čěska
1. SHC Klatovy 6 28 : 24 12
2. HC Stadion Cheb 6 16 : 23 9
3. BK Havlíčkův Brod 5 17 : 19 8
4. HC Tábor 3 15 : 9 7
5. HC Kobra Praha 4 17 : 11 6
6. HC Příbram 4 14 : 10 5
7. IHC Králové Písek 2 11 : 12 2
8. HC Řisuty 4 8 : 18 2
tabulka 2. liga – wuchod – Čěska
1. Aqotec Orli Znojmo 5 27 : 10 15
2. SHK Hodonín 6 21 : 18 12
3. HC ISMM Kopřivnice 6 20 : 16 10
4. SKLH Žďár nad Sázavou 5 20 : 17 9
5. HHK Velké Meziříčí 2 8 : 8 3
6. HC Slezan Opava 5 15 : 20 3
7. HC Nový Jičín 5 10 : 19 3
8. Bobři Valašské Meziříčí 4 11 : 24 2
Tabulka – ekstraliga – Čěska
1. HC Sparta Praha 45 170 : 101 96
2. HC Oceláři Třinec 44 161 : 112 94
3. BK Mladá Boleslav 44 141 : 105 82
4. Bílí Tygři Liberec 43 126 : 95 78
5. Mountfield HK 44 124 : 104 77
6. HC Škoda Plzeň 44 139 : 114 76
7. HC Dyn. Pardubice 44 119 : 120 73
8. Energie Karlovy Vary 44 124 : 147 63
9. HC Kometa Brno 44 119 : 133 57
10. HC Vítkovice Ridera 44 103 : 123 56
11. HC Verva Litvínov 44 106 : 128 54
12. HC Olomouc 44 90 : 131 49
13. PSG Berani Zlín 44 88 : 140 39
14. České Budějovice 44 114 : 171 30
tabulka 2. liga – sewjer – Čěska
1. HC Vlci Jablonec n. N. 3 9 : 3 9
Markéta Davidová swětowa mišterka w biatlonje
Sportowa redakcija Serbskich Nowin je najskerje prawy čuch měła, jako wozjewi wona wčera wobraz čěskeje profijoweje biatletki Markéty Davidoveje, kotryž nasta na swětowych mišterstwach w słowjenskej Pokljuce. Jako běchu nowiny runje z ćišća, postara so Davidová mjenujcy wo dotal najwjetši triumf w swojej hišće młodej karjerje. W Jablonecu nad Nisou rodźena sportowča bě w cilu na indiwidualnej distancy 15 km prěnja, a to bjez zmylka na třělnišću. Swětowe mišterstwa su w Pokljuce hišće hač do 21. februara. Z wčerawšim indiwidualnym wurisanjom žonow na 15 kilometrow maja atletki a atleća połojcu wubědźowanjow za sobu. Nětko slěduje hišće šěsć z cyłkownje dwanaće. Najwuspěšniši narod je Norwegska z třomi złotymi medaljemi a dwěmaj bronzowymaj.
10 km, sprint, 12.02.2021, čoło tabulki
1. Martin Ponsiluoma (SWE) 24:41,1
2. Simon Desthieux (FRA) +11,2
3. Emilien Jacquelin (FRA) +12,9
4. Johannes Dale (NOR) +22,4
5. Johannes Thingnes Bø (NOR) +22,5
6. Quentin Fillon Maillet (FRA) +23,9
7. Sturla Holm Lægreid (NOR) +25,7
8. Sebastian Samuelsson (SWE) +26,7
7,5 km, sprint, žony, 13.02.2021
1. Tiril Eckhoff (NOR) 21:18,7
2. Anais Chevalier-Bouchet (FRA) +12,0
3. Hanna Sola (BLR) +14,4
4. Denise Herrmann (GER) +22,3
Davidová swětowa mišterka
Pětr Domaška – delanska koparska ikona
Interview z nadběhowarjom Sokoła Ralbicy/Hórki
Pola profijow so to jenož hišće zrědka stawa, na amaterskej runinje ćim časćišo, cyłe žiwjenje jenož jeničkemu sportowemu towarstwu swěrny wostać. Pola Sokoła Ralbicy/Hórki maja hnydom někotrych tajkich hrajerjow. Wosebje wuspěšny a wažny akter w minjenych nimale 20 lětach pak bě a je dale Pětr Domaška. Jurij Bjeńš je so ze 36lětnym rozmołwjał.
Pětrje, wot hdy za Sokoł kopački šnóruješ?
P. Domaška: Hižo wot dźěćatstwa. Spočatk swojeje karjery pola prěnjeho mustwa w Ralbicach pak pobych lěto w Kamjencu, spěšnje pak so zaso nawróćich.
Kak wupada to w ličbach? Kak často sy za Ralbičanske prěnje koparske mustwo na hrajnišću stał, a kak husto sy do čorneho trjechił?
P. Domaška: Statistiku žanu wjedł njejsym. Je pak to mjeztym nimale 20 lět, a tak by to mjez 400 a 500 hrami być dyrbjało. Při tym je so mi zešlachćiło, wjac hač 300 wrotow docpěć.
To su woprawdźe ekstremne ličby! Njejsy ženje žane ćeše zranjenja poćerpjeł?
Papagaj we wolejbulu ze spektakularnymi akcijemi
Wolejbul je tež w Serbach dale a woblubowaniša sportowa družina. Nimo wólnočasneho wolejbula mamy někotre aktiwne serbske wolejbulowe mustwa, kotrež w dypkowych hrach pilnje wo dypki při wysokim saku a wo dobre zaměstnjenje w tabulce wojuja. Zo by so to poradźiło, specializuja a wukmanjeja so jednotliwi hrajerjo na wěste pozicije. Dźensa předstajamy tule poziciju libera.
Woni noša hinaši barbny trikot a zaběraja woprawdźe specielnu poziciju. Hrajerki a hrajerjo na poziciji libera su ryzy specialisća, štož nastupa přiwzaće bula a škita. Woni su eksperća za přiwzaće a pólny škit a hraja jenož na zadnich pozicijach 1, 6 a 5. Hrajne zjednoćenstwo Pančicy-Worklecy hraje we wobwodnej lize z dwěmaj liberomaj. Stej to Nicole Steglichowa a Tereza Wićazowa. W muskim mustwje Worklečanskeje Viktorije je to rodźeny Pěskečan Daniel Wałda.
Davidová najlěpša čěska přesćěharka
Jara słaby wukon w Bayerskej pokazali
ESV Kaufbeuren – Łužiske liški Běła Woda 5:2 (2:1, 1:1, 2:0)
Nachwatansku hru minjeny štwórtk wječor Łužiske lodohokejowe liški w Kaufbeurenje cyle zasłužbnje přěhrachu. Z móhłrjec „starym systemom – jeno słabšo“ wone přez cyłe 60 mjeńšin wustupowachu. Bilanca třělwow na wrota poprawom hižo wšitko wo hrě přeradźa: 50:19 za domjacych. Dźakowano wrotarjej Mac Carruthej podležachu Liški jenož 2:5.
Hra bě runje hakle zahwizdana, to hosćićel tež hižo nawjedowaše. Po njedorozumjenju w škiće Běłowodźanow docpě hrajer z Finskeje Sami Blomquist prěnje wrota za Kaufbeuren. Hladajo na kopicu dalšich móžnosćow w slědowacych mjeńšinach bychu domjacy nawjedowanje tež spěšnišo wutwarić móhli. W 9. min. steješe Blomquist znowa na prawym městnje a k 2:0 přetwori. Nětko skónčnje hosćo wotućichu a sej někotre šansy wuhrachu. Sekundy do prěnjeje sireny poradźichu so jim samo wrota přez Ludwiga Nirschla. To bě w tym wokomiku překwapjace.
Druha hra w běhu 24 hodźin
Tölzske lawy – Łužiske liški Běła Woda 4:5 (2:1, 2:2, 0:2)
Jenož jedyn dźeń po poražce w Kaufbeurenje podachu so Łužiske liški do Bad Tölza na dalšu hru. Na zbožo stej Kaufbeuren a Bad Tölz južnje Mnichowa jenož połdra hodźiny wot so zdalenej. Tak móžachu sej hrajerjo z Běłeje Wody jednu dołhu wonkownu jězbu zalutować. Na hrajnym stilu so w přirunowanju z poražku dźeń do toho přewjele změniło njeje. Eklatantne zmylki w škiće wjedźechu k tomu, zo ležachu Liški w běhu partije z 0:1, 1:3 a 2:4 w zastatku. Tola energiske wustupowanje w ofensiwje a wulka wola, tutón duel woprawdźe hišće dobyć chcyć, běštej garant za wuspěch wuchodnych Saksow. Nimo toho trenar Chris Straube ofensiwne kaž tež defensiwne rynki chětro přestaji a tak bě w kóždej fazy hry kwalitnje jara wurunane mustwo na lodźe.
