Třo wažni hrajerjo FC Hornjeje Łužicy su zdobom zepěra wubranki
Z Karlom Petrickom, Dennyjom Kralom a Jonasom Krawčikom ma regionalny ligist FC Hornja Łužica Neugersdorf hnydom třoch koparjow w swojich rjadach, kotřiž su tež wažna zepěra Serbskeje koparskeje wubranki. Za jich kwalitami je so naš reporter Georg Zielonkowski pola trenarja FC Hornjeje Łužicy Vragela da Silvy prašał.
Karl Petrick
Vragel da Silva: Bjez toho zo bych přehnawał, móžu prajić, zo je Karl najwažniši hrajer mojeho mustwa. Wón drje njeje na poziciji předstopowarja wurjadny technikar, je pak wosebje tohodla wažny, dokelž cyłk hromadźe dźerži. Přeco zaso posrědkuje mustwu chutnosć našeho sporta. Hdyž hubu wočini, woprawdźe wšitcy na njeho słuchaja. Karl je za mnje jara wažna wosobina w teamje. Hladajo na wšo to njemóžu sej lěpšeho kapitana za njón předstajić.
Denny Kral
„Z biatlonoweho ćaha skočić je chětro ćežko“
W awstriskim Hochfilzenu wotměwaja so tuchwilu swětowe mišterstwa w biatlonje. Z cyłeho swěta přebywaja tam žurnalisća, zo bychu wo wubědźowanjach najwoblubowanišeje zymskeje sportoweje družiny rozprawjeli. Mjez wjacorymi stami ludźi, kotřiž wšědnje wo biatlonje rozprawjeja, je tež čěski žurnalist Petr Slavík. Za Serbske Nowiny je so z nim Jan Hrjehor rozmołwjał.
Móžeće so čitarjam Serbskich Nowin prošu skrótka předstajić? Štó sće, što dźěłaće ...?
P. Slavík: Pochadźam z Uherskeho Hradiště, města we wuchodnym dźělu Čěskeje republiki. Třeću sezonu dźěłam jako teamowy fotograf čěskeho narodneho biatlonoweho mustwa. Připódla sym specializowany za jězdźenje z hórskimi kolesami a dyrdomdeje w přirodźe.
Biatlonowa sezona BMW IBU započina so w nowembrje a kónči so w měrcu. Sće Wy cyły čas po puću, abo maće tež raz přestawku doma?
P. Slavík: Sezona je do tak mjenowaneho trisemestra rozrjadowana. To rěka, zo sym tři tydźenje za sobu na swětowych cupach, potajkim tři njedźele z mustwom w hotelach a stadionach a jednu njedźelu doma. To mam chwile so wočerstwić (směje so).
Dotal jara wuspěšnje hrali
Prěnje mustwo ST 1922 Radworja je sej z wuspěšnej a wobhladanjahódnej kopańcu nazymske mišterstwo we wokrjesnej lize-stafli II zaručiło. Jako nowačk sta so wone w swojej stafli z dominowacym cyłkom. Do hrajneje doby 2016/2017 bě ćežko posudźować, hač kwalita dosaha, zo móža Radworčenjo prědku sobu hrać. Zesylnili su so z Křesćanom Bejmakom, kiž bě wot Sokoła Ralbicy/Hórki přišoł, a z Paulom Zimmermannom, kiž wopušći za nich Budissu Budyšin.
Testowu hruw Čěskejwysoko přěhrali
Jednota Kamjenc – SJ Chrósćicy 6:0 (4:0)
Zestawa domjacych: Králíček (60. Matješk) – Schulze (46. Dórnik), Cyž, Sentivan (46. Šiman), Teichmann, Šafář (80. Kunze), Henčl, Runt, Domaška (46. Šmit), Młynk (46. Bětnar), Věchet
K swojej dotal najćešej přihotowanskej hrě nastupichu koparjo prěnjeho mustwa SJ Chrósćicy (SJC) w čěskim Jablonecu nad Nisou. Trenar Pavel Runt bě sej jako přećiwnika krajneho ligista Jednotu Kamjenc přeprosył. Wot lěta 2010 do 2014 je Runt sam w Lessingowym měsće kopački šnórował, doniž so Chróšćanam njepřizamkny. To samsne płaći za dalšeju Čechow pola SJC, Petra Šafářa a Petra Králíčeka. Chróšćenjo potajkim wědźachu, što na nich čaka.
Z wulkim tempom a krótkimi přihrawkami koparjo Jednoty hru wot prěnjeje mjeńšiny postajowachu. Jeje hrajer Feliks Hrjehor njebě pódla. Za to bu w druhim połčasu Šunowčan Patrik Woko na lěwym křidle Jednoty zasadźeny. Hač do přestawki poradźichu so Kamjenčanam štwore wrota. Wšitke běchu derje wuhrate, abo ze spěšnym konterom docpěte. Jenička šansa za SJC wuda so přez wólny kop Runta. Bul pak prasny jenož na žerdź.
Žane dypki w zestupnym boju
FC Carl Zeiss Jena – Budissa Budyšin 4:0 (1:0)
Zestawa hosći: Wohlfeld – Kolan, Klippel, Patka, Iliadis, Stehr, Hoßmang, Rosendo, Žuljević (26. Große), Šisler (59. Hausdorf), Salewski, Hänsch (59. Barnickel)
Po słabych dwanaće dypkach z prěnich 18 hrow je sej Budissa Budyšin w boju přećiwo zestupej dypkować. Před 2 474 přihladowarjemi nastupichu koparjo Budissy w Jenje přećiwo načolnikej regionalneje ligi sewjerowuchod. Tam chcychu so wo překwapjenku postarać, kaž bě so jim to njedawno přećiwo mustwu z Meuselwitza poradźiło. Z Josefom Müllerom a Tobiasom Heppnerom pak dwaj wažnej stołpaj wupadnyštaj. Prěni raz w zestawje Budissy pak běchu dorostowy hrajer Anton Stehr kaž tež nowopřichady Marko Žuljević, Theocharis Iliadis a Ezequiel Horacio Rosendo.
Widźał,słyšał, napisał (13.02.17)
„Ta ćma, ta ćma tak wulka je, hdyž my te dźěła pisamy, wo sinusu a ‚Potsdamje‘ a žadyn přehlad nimamy ...!“ Takle spěwachmy před nimale 40 lětami na kóncu našeho šulskeho časa. Što pak ma tale tehdyša ćma ze sportom a z tuchwilnymi zymskimi prózdninami činić?
Sylny wukonpola sylneho přećiwnika
Fortuna Trjebin
– Sokoł Ralbicy/Hórki 1:2 (1:1)
Zestawa hosći: K. Gloxyn – M. Matka, B. Bjeńš, T. Schultz (46. J. Bjeńš), Šewc, D. Gloxyn, B. Bejma, Korjeńk, Wałda, Kurjat, Domaška
Z mustwowym duchom k dobyću
Viktoria Worklecy – Traktor Mittelherwigsdorf 3:0 (21:25, 21:25, 22:25)
Po pjatkownym treningu stejachu volleyballisća Viktorije Worklecy před hoberskim problemom. Zranjenjow a wosobinskich přičin dla mějachu jenož pjeć hrajerjow k dispoziciji, kotřiž móžachu dźeń pozdźišo puć k ćežkemu duelej we wobwodnej lize do Mittelherwigsdorfa nastupić. Mustwo dźě wuznamjenja, zo steji na kóncu sylny cyłk na parkeće. Marka Smołu wotewzachu Worklečenjo sobotu tuž na twarskich róštach, a ćežko naraženeho Milana Budarja tež hišće zapakowachu. Wutrobny dźak wam, hólcy! Tež Jan Bětnar so najebać zranjenje do awta sydny, zo by znajmjeńša w prěnjej hrě Worklečanski kolektiw jako sudnik podpěrał.
Sport (10.02.17)
Halowe koparske turněry BFV
Biskopičanske koparske towarstwo (BFV) přewjedźe w zymskej přestawce wjacore halowe koparske turněry. Wone budu wot 17. do 19. februara a wot 24. do 26. februara w Biskopičanskej sportowej hali Wesenitz. Mustwa smědźa so hišće přizjewić, startowy pjenjez wučinja 30 eurow. Naprašowanja prošu na Tina Gottlöbera pod Tino.Gottloeber@ bfv08.de abo telefon 0152/27939516 abo faks 03594-715120
17.02. 18:00 turněr młodźiny A
18.02. 09:00 turněr młodźiny C
18.02. 15:00 turněr młodźiny B
19.02. 14:30 turněr žónskich cyłkow
Přihotowanski turněr Škitarjow
Wólnočasne volleyballowe mustwo Škit Budyšin přewjedźe pjatk, 3. měrca, w 20 hodź. w sportowni na Budyskej Kamjentnej přihotowanski turněr za 35. sokołski volleyballowy turněr wo pokal Domowiny. Nimo hosćićela chcetej so tež mustwje Sorabija Lipsk a Bratrowstwo Róžant na turněrje wobdźělić. Škit Budyšin bě loni druhe městno na sokołskim turněrje docpěł a słuša tuž k faworitam na dobyće pokala.
Termin sej zaplanować
Wot pjatka, 23., do njedźele, 25. měrca, chce towarstwo Viktoria Worklecy 1992 swoje 25lětne wobstaće swjećić. Potom ma Worklečanska sportowa hala pře- a dotwarjena być.
Prěni test w přestawce přěhrali
ST Hnašecy/Dobruša
– SJ Njebjelčicy 3:1 (2:0)
Zestawa hosći: Ričel – Zeller (46. Lejnart), Kral, Hübental, Haška, Hanuza, Hrjehor, Šołta, Šram, Korjeńk, Janca
Při najlěpšim wjedrje a jara dobrych wuměnjenjach na Kamjenskim kumštnym trawniku wotměchu koparjo Njebjelčanskeje SJ swoju prěnju testowu hru w zymskej přestawce 2016/2017. Po treningowym lěhwje, kotrež běchu we Werdauwje přewjedli, pak měještaj trenarjej wulku nuzu, hrajerjow za partiju hromdu dóstać. Zasadźištaj tuž štyrjoch z druheho zastupnistwa.
Hižo po dwaceći mjeńšinach nawjedowachu Hnašečenjo/Dobrušenjo 2:0. Do přestawki wotzamkny jeničce Jurij Haška wjele lubjacy nadběh z niskej třělwu, njeměješe pak wuspěch.
