Sport (23.02.18)
Kónctydźenska kopańca
24.02. 13:00 Jednota Kamjenc
– Biskopičanske KT
24.02. 13:30 FC Energija Choćebuz
– VfB Germ. Halberstadt
24.02. 13:30 Budissa Budyšin
– Meuselwitz
24.02. 14:00 ST Budyšin
– Módro-běli Kulow
25.02. 12:00 SJ Chrósćicy II
– ST Marijina hwězda
25.02. 13:30 Rakečanske ST
– SG Großnaundorf
25.02. 14:00 ST Radwor
– Zeleno-běli Bukecy
25.02. 14:00 ST Kinspork/Łužnica
– Sokoł Ralbicy/Hórki
25.02. 14:00 SJ Njebjelčicy
– HZ Wulke Ždźary
Pytaja pomocnikow
Sportowe towarstwo Módro-běli Kulow pyta we wšitkich wobłukach čestnohamtskich pomocnikow. Zajimcy njech so pod přizjewja.
Stari knježa na parkeće
Stara garda Sokoła Ralbicy/Hórki zarjaduje dźens w Ralbicach halowy turněr za koparske mustwa starych knjezow. Přeprošene su cyłki z Hórkow, Chrósćic, Pančic a Njebjelčic. Akterojo zetkaja so we 18 hodź., mocyměrjenje započnje so poł hodźiny pozdźišo.
Plan za dumperowe běhi steji
Finalny běh wo němske dumperowe mišterstwa 2018 budźe znowa w Hórkach. Tu dalše terminy:
29.04. Adelsdorf
03.06. Bad Freienwalde
07.08. Mildenberg
08.09. Drjowk
30.09. Hórki
Wolejbulisća witaja nalěćo
Dalši triumf w bobowym sporće a sensacija w lodohokeju
Staw medaljow po 81 ze 102 rozsudow:
złoto slěbro bronza
1. Norwegska 13 11 9
2. Němska 12 7 5
3. Kanada 9 6 7
4. USA 8 7 6
5. Nižozemska 6 6 4
6. Francoska 5 4 5
7. Šwedska 5 4 0
8. Awstriska 5 2 5
9. Južna Koreja 4 3 2
Před štyrjomi lětami bě němski bobowy sport historisku plajtu dožiwił: Na Olympiskich zymskich hrach w Sočiju wosta Němska bjez medalje. To bě zdobom zakład mnohich diskusijow wokoło materiala a wulkeje bjezradnosće.
W Pyeongchangu pak naši atleća swoju rólu jako faworića spjelnjeja. Póndźelu dobyštaj Francesco Friedrich a Thorsten Margis z bobowym dwusydłakom, wčera přesadźištej so Mariama Jamanka a Lisa Marie Buckwitz přećiwo bobowymaj dwójkomaj z USA a Kanady.
Přećiwnikej tři dypki darili
HZ Łaz/Běły Chołmc
– SJ Chrósćicy II 1:0 (1:0)
Zestawa hosći: Matješk – Dórnik, Mark, Dehn, Klimant, Wowčer, Zahrodnik, C. Šmit, Pjetaš (65. Donat), Liznar, D. Šmit
K zazběhej druheje połserije jědźechu koparjo rezerwy SJ Chrósćicy na ćežku partiju do Łaza. Wjacorych wupadow hrajerjow dla dyrbjachu tróšku improwizować.
Wužiwanje šansow wulki brach
ST Marijina hwězda
– Wojerowski FC II 2:3 (2:2)
Zestawa domjacych: Matik – Czapik, Rab, Škoda, R. Hawš, Peschmann, K. Pakoßnick, O. Hawš, Schmidt (79. Čornak), Eldor, J. Pakoßnick
Po dźesać wuspěšnych winowatostnych dypkowych hrach su koparjo ST Marijineje hwězdy zaso poražku poćerpjeli, ale njetrjebawšu. Chětro słabe wotzamknjenje před wrotami a ekstremne zmylki w defensiwje wuskutkowachu wonkowne dobyće rezerwy Wojerowskeho FC, kotraž běše z někotrymi akterami prěnjeho mustwa zesylnjena. Trenar domjacych Erwin Kleinmann njeměješe wšěch swojich chowancow k dispoziciji. Wosebje srjedźopólny motor Jakobus Kuring pobrachowaše.
Triple po skakanju a sněhakowanju za němskich kombiněrarjow
Staw medaljow po 69 ze 102 rozsudow:
złoto slěbro bronza
1. Norwegska 11 11 9
2. Němska 11 7 5
3. Kanada 9 5 6
4. Nižozemska 6 5 3
5. USA 6 3 5
6. Francoska 5 4 4
Johannes Rydzek bě prěni w cilu, po nim Fabian Rießle a Eric Frenzel. Perfektny to wukon wčera w južnokorejskim Pyeongchangu: Němscy kombiněrarjo běchu z historiskim trójnym dobyćom w nordiskej kombinaciji němscy „dominěrarjo“. Šěsć dnjow po Frenzelowym dobyću z normalneho skakanišća doby rekordny swětowy mišter Rydzek swoje prěnje olympiske złoto. W němskim cilowym sprinće, kotryž bě porno tomu před štyrjomi lětami w Sočiju bjez njezboža, ležeše Rydzek 0,4 sekundy před Rießlu a 0,8 sek. před Frenzelom. Za dobyćerja bě to prěnja jednotliwa medalja na Olympiskich zymskich hrach. 2010 bě sej sportowc z Allgäuja jako 18lětny bronzu z němskej staflu wubědźił, štyri lěta pozdźišo z teamom slěbro.
Tež Serbaj na olympiskich hrach zasadźenaj
Na Olympiskich zymskich hrach w Južnej Koreji, hdźež maja něhdźe 3 000 wobdźělnikow, je mjeztym po połčasu. Nimo atletow je tam na přikład tež 600 ludźi za telewiziju ARD/ZDF: žurnalisća, kameramužojo abo wobrazowi režiserojo. Za ARD a ZDF dźěłataj na olympiadźe tež Serbaj: rodźeny Dubrjenčan Bosćij Wels a rodźeny Budyšan Měrćin Funka. Funka stara so zhromadnje z kolegami wo to, zo móžemy sej wubědźowanja w biatlonje, sněhakowanju a sankowanju na sćelakomaj ARD a ZDF wobhladać. Žurnalisća Serbskeho rozhłosa su z Měrćinom Funku telefonowali a rozmołwu tež sportowej redakciji SN přewostajili.
Trjechi, zo je w Pyeonchangu tak zyma, kaž to naše medije často naspomnjeja?
M. Funka: Je jara zyma, wětřika dla wšitko hišće zymniše začuwaš. Wutraješ pak, dokelž je wjedro jara suche. Mi so to samo lubi, je kaž w zymskim dowolu.
Wuslědki (21.02.18)
NOFV-wyša koparska liga
Eilenburg – Union Sandersdorf 1:0 (0:0)
Carl Zeiss Jena II – Jedn. Kamjenc 3:0 (2:0)
Biskopicy – VfB 1921 Kśišow 1:0 (0:0)
Askania Bernburg – VfL Halle 0:1 (0:1)
Rudolstadt – Stendal7:1 (4:0)
Plauen – International Lipsk 0:5 (0:3)
čoło tabulki
1. Biskopičanske KT 16 37 : 6 41
2. FC International Lipsk 16 42 : 7 39
3. VFC Plauen 16 23 : 20 34
4. FC Eilenburg 16 30 : 10 32
5. FC Carl Zeiss Jena II 15 29 : 19 28
6. TV Askania Bernburg 16 25 : 20 23
wokrjesna liga-stafla I
Arnsdorf – Großröhrsdorf II 0:4 (0:2)
Frankenthal – Huska 6:1 (4:0)
Wachau – Großharthau 3:1 (2:1)
Połčnica – Germania Budyšin II 4:1 (1:0)
Wjernarjecy – Ottendorf-Okrilla 1:0 (0:0)
Budissa 08 Budyšink – Załom 2:1 (1:0)
Porchow – Horni kraj-Sprjewja II 4:1 (2:0)
Bretnig-Hauswalde – Malešecy 1:3 (0:3)
čoło tabulki
1. TSV Połčnica 17 66 : 18 44
2. Traktor Malešecy 17 45 : 21 38
3. ST Porchow 17 39 : 17 37
4. TSV Wachau 16 35 : 9 34
5. Concordia Załom 16 34 : 23 33
6. TSV Wjernarjecy 16 40 : 28 29
Korjeńk za hosći trójce trjechił
ST Nadrózna Hrabowka – SJ Njebjelčicy 1:4 (1:3)
Zestawa hosći: Hahn – Hoelzel, Deleńk, Hrjehor, Pawlik, Hanuza, Kral, Ričel, Lejnart (87. Domš), Korjeńk, Šołta (71. Čornak)
Běše to prěnja winowatostna partija za koparjow Njebjelčanskeje SJ w nowym lěće. Dokelž bě hra tydźenja wupadnyła, bě napjatosć hišće wjetša. Tak tež, dokelž bě cyłk trenarja Handrija Krawčika do toho testowu partiju pola načolnika wokrjesneje wyšeje ligi w Großröhrsdorfje 0:3 přěhrał.
Štyrjo olympiscy dobyćerjo w dwusydłowym bobje
Staw medaljow po 66 ze 102 rozsudow:
złoto slěbro bronza
1. Norwegska 11 9 8
2. Němska 10 6 4
3. Kanada 8 5 6
4. Nižozemska 6 5 2
5. USA 5 3 4
6. Francoska 4 4 4
7. Šwedska 4 3 0
8. Awstriska 4 2 4
9. Južna Koreja 3 2 2
Po štyrjoch běhach stej wčera hnydom dwě dwójce we wubědźowanju z dwusydłowymi bobami eksaktnje samsny čas docpěłoj. Tak dóstachu štyrjo – Němcaj Francesco Friedrich a Torsten Margis kaž tež Justin Kripps a Alexander Kopacz z Kanady – olympisku złotu medalju. Bronzu zawěsćištaj sej Oskar Melbardis a Janis Streng z Letiskeje, drjewjana medalja za štwórte městno dźe na němske duwo Johannes Lochner/Christopher Weber. Wobaj běštaj po prěnimaj běhomaj hišće nawjedowałoj. Sobotu a njedźelu w nocy wubědźuja so bobowi sportowcy potom w štwórkach.
Lětsa mało wobornikow při wysokim saku sportowało
11. wólnočasny wolejbulowy turněr wo pokal wjesnjanosty přewjedli
Dobrowólni wohnjowi wobornicy gmejny Ralbicy-Róžant wubědźowachu so minjenu sobotu w Ralbičanskej sportowni při wysokim saku wo pokal wjesnjanosty we wolejbulu. Lětsa pak bě jenož mało wobdźělnikow na turněr přišło, štož zaležeše zawěsće na prózdninskim a dowolowym času. Turněr přestorčić zamołwići nochcychu, wšako je za nich sobota po róžowej póndźeli kruty termin. Přiwšěm nastupi na 11. nakładźe pjeć kompletnych mustwow w Ralbicach: Konjecy-Šunow, Ralbicy, Sernjany, Róžant a zakitowar pokala Smjerdźaca. Čłonojo młodźinskeje wobory gmejny Ralbicy-Róžant běchu wšitcy zadźěwani.
