Pytaja młodych lodohokejistow
Lodosportowe zjednoćenstwo Běła Woda (ESW) pyta za sezonu 2017/2018 lodohokejistow. Za nowu hrajnu dobu wjeseli so tuž nad motiwowanymi dorostowymi sportowcami lětnikow 1999 do 2004. Přizjewjenja su hač do 31. měrca móžne. Na probowym treningu móža zajimcy swoje lodohokejowe kmanosće pokazać:
sobotu 08.04.17 / 11:15–15:00
njedźelu 09.04.17 / 11:15–13:15
srjedu 19.04.17 / 12:00–16:30
štwórtk 20.04.17 / 12:00–16:30
tel.: 03576/ 21 96 97 80
Treningowe lěhwo motocrossa
MC Jawora swoje tradicionalne treningowe lěhwo lětsa zaso přewjedźe. Termin pak so změni, dokelž změja w Jaworje 29. a 30. apryla ADAC MX Masters. Treningowe lěhwo za dźěći planuja tuž 21. meje. Wobdźělić smědźa so zajimcy w starobje pjeć do 14 lět. Wuměnjeni stej slědowacej: Wažne su zakłady w jězdźenju z motocrossowej mašinu, a swójska motocrossmašina je tež trěbna. W interneće pod www-mc-jauer.de namakaće přizjewjenske formality. Popłatk za kurs je 15 eurow.
Chcedźa nalěćo witać
