Budyska FSG nowy načolnik

póndźela, 21. decembera 2015 spisane wot:

Na třećim hrajnym dnju hobbyjoweje ligi dobychu miksvolleyballisća Budyskeje FSG w swójskej hali wobě partiji a su nětko nazymski mišter.

FSG Budyšin – MSV 04 Budyšin

(25:14, 25:12)

Hdyž hrajetej prěni a druhemu minjeneje sezony přećiwo sebi, je brizanca při wysokim saku wot spočatka zaručena. Tak tónraz, hdyž je Budyska FSG na kóncu wobě sadźbje dobyła. Wona sylnišo nadběhowaše a dypkowaše ze seriju strašnych nadaćow. Bjez Annetty Urban a Johna Petrika pokazachu hrajerki a hrajerjo wokoło kapitana Měrka Korjeńka přeswědčiwy wukon a rewanšowachu so za poražku před lětom.

FSG Budyšin – SZ Wjazońca

(25:13, 23:25, 15:5)

Hra z furioznej kónčnej fazu

póndźela, 21. decembera 2015 spisane wot:

ST Ćisk

– Sokoł Ralbicy/Hórki 3:4 (1:1)

Zestawa hosći: Gloxyn – Kř. Matka (43. Lulak), B. Bjeńš, St. Bjeńš, Korjeńk, Šołta, B. Bejma, Wałda, M. Matka (46. T. Bejma), Kurjat (52. Schultz), Domaška

Koparjo Sokoła Ralbicy/Hórki dyrbjachu sobotu k nachwatanskej hrě we Wojerecach přećiwo ST Ćiskej nastupić. A štož tam pokazachu, bě fenomenalne. Wot spočatka wukonjachu chowancy trenarja Thomasa Schultza pod swětłomjetakami ćišć, štož so hnydom wudani. Po wosom mjeńšinach wudoby sej Bosćij Bejma po sylnym pressingu bul, třěli jón najprjedy na žerdź a potym do wrotow. Po zmylku w hóstnym škiće pak móžachu Ćišćenjo z rjanej třělwu z 25 metrow wurunać. Hač na pjeć žołtych kartow (dwě za Ćisk, tři za Sokoł) so do přestawki wjele njesta. Hra bě přez cyłe 90 mjeńšin jara hektiska a přez horce boje defino­wana.

Widźał, słyšał, napisał (21.12.15)

póndźela, 21. decembera 2015 spisane wot:

Awtor dźensa

Ludwig Zahrodnik

Hody so bliža. Sportowcy, kotřiž su w minjenych měsacach ze stajnym treningom a hrami wužadani byli, wjesela so na zymsku přestawku. Zymscy sportowcy pak njemóža dočakać, zo móhli skónčnje na narodnych a mje­zynarodnych wubědźowanjach mo­cy měrić.

Takle bě to před 60 lětami: Sportowcy přihotowachu so na VII. olympiske hry, kotrež so w februaru 1956 w italskim Cortina d'Ampezzo wotměchu. Sportowcy NDR, kotřiž w cyłoněmskim mustwje startowachu, mějachu mało składnosćow, so do toho na mjezynarodnych wubědźowanjach wobdźělić. Tuž bě bronzowa medalja Harryja Glaßa w specialnym skakanju jenička za NDR.

W běhu lět je so to změniło. 1984 na Olympiskich zymskich hrach w Sarajewje wobsadźi mustwo NDR w hódnoćenju krajow samo prěnje městno. Dźensa wěmy, zo běchu wuspěchi sportowcow NDR tež nastupajo njedowolene substancy wažnu rólu hrali. A fenomen doping njeje přeco hišće přewinjeny.

Wuslědki (21.12.15)

póndźela, 21. decembera 2015 spisane wot:

Wokrjesna koparska liga, stafla I

ST Budyšin – ST 1922 Radwor2:1 (0:1)

1. ST Budyšin 14 48  :  19 38

2. Załom 14 41  :  18 27

3. HZ Budestecy 13 44  :  26 27

4. Kubšicy 14 27  :  19 26

5. Malešecy 13 39  :  22 25

6. Radwor 13 29  :  15 24

7. Wóspork 13 22  :  25 23

8. Póst Budyšin II  14 33  :  34 18

9. Wjazońca  14 27  :  37 18

10. Wjernarjecy 12 24  :  22 14

11. Porchow 13 32  :  44 13

12. Wulka Dubrawa  14 25  :  28 12

13. Hodźij 14 17  :  33 11

14. Mały Wjelkow 14 23  :  59 9

15. Hnašecy II 13 17  :  47 7

Sport (18.12.15)

pjatk, 18. decembera 2015 spisane wot:

Nócny volleyball w Pančicach

Pod hesłom „Bjez špatneho swědomja sej hodownu husycu zesłodźeć dać“ steji lětuši nócny volleyballowy turněr Serbskeho młodźinskeho towarstwa Pawk. Hry budu w Pančičansko-Kukowskej sportowni, a to wutoru, 22. decembra, wot 19 hodź. Wšitke startowe městna su wobsadźene, a to přez tele mustwa: Dwójna nula, Bratrowstwo Róžant, CTP-Crew, Škit Budyšin, Eskimowcy, Marijine hwězdźički, Dźiwje micki, Tysacdwěsćěatřinaće, Sorabija Lipsk, Swobodne piwo, Wuchodny blok, Granit Hórki, Bazinga, SC Knack, Radworscy a Konjecy-Šunow. Dalši steja na čakanskej lisćinje.

Hodownu husycu sej wotběhać

Natwar Němske Pazlicy zarjaduje tež lětsa zaso, a to 15. raz „wotběhanje hodowneje husycy“. Loni běchu w Němskich Pazlicach 270 sportowcow zličili. Start na distancy 5 km wokoło wulkeho hata budźe sobotu, 26. decembra, w 10 hodź. při Sportowym a wólnočasnym centrumje Němske Pazlicy.

Koparske dypkowe hry

Do hód kaž tež w januarje 2016 maja so na teritoriju Zapadołužiskeho koparskeho zwjazka WFV hišće někotre dypkowe hry nachwatać.

19.12. 13:00 Njeswačidło – Rakecy II

19.12. 13:30 Glauchau – Jednota Kamjenc

Derje startowali ale na kóncu jenož dypk sobu wzali

štwórtk, 17. decembera 2015 spisane wot:

Na posledni hrajny dźeń wobwodneje volleyballoweje ligi žonow witachu Marijine hwězdźički doma ST Chróstawu a MSV Budyšin 04. By-li so něchtó na prognozu zwažił, tak by zawěsće jasnu poražku přećiwo druhemu tabulki z Chróstawy wěšćił a so w duelu přećiwo Budyšankam dobyća nadźijał. Teorija pak z praksu wjele zhromadneho měła njeje.

ST Marijina hwězda – ST Chróstawa 2:3 (25:15, 25:11, 18:25, 20:25, 14:16)

Za domjace hrajerki bě wot započatka Anne Fünfstück jako přistajerka zasadźena, štož so wudani. Mjeztym zo so přećiwnik jenož ćežko do hry namaka, Marijine hwězdźički wot zazběha ze stoadźesać procentami nawjedowachu. Pokiwy trenarja Ralfa Wachsmanna wone přeswědčiwje zwoprawdźichu. Johanna Fiegler so w bloku a nadběhu wuznamjeni. Jasna plista Chróstawje w prěnjej sadźbje njeje jenož hosći překwapiła.

W druhej sadźbje domjace ze samsnym elanom pokročowachu. W bohatej ličbje přichwatani přihladowarjo mytowachu poradźene akcije z přikleskom. Marijinym hwězdźičkam dosahaše pjatnaće mjeńšin, zo bychu hosćom dalšu a hišće jasnišu poražku wobradźili.

Mysli tež na čas po hodźoch

štwórtk, 17. decembera 2015 spisane wot:
Rjany poskitk, tež jako dar k hodam, ma Rakečanski pjekar Clemens Brězan. W swojich pjekarskich filialach, w Budyskim Serbskim muzeju kaž tež w Serbskej kulturnej informaciji předawa wón šalki a talerje z motiwami znateho serbskeho molerja Měrćina Nowaka-Njechorńskeho. Za kóždy měsac ma šalku a taler z wobrazom, kotryž so k tomu hodźi. Hižo nětkole mysli Rakečan na čas po hodźoch. Za měsac swjećimy wšak ptači kwas, za kotryž su předewšěm talerje trěbne. Foto: SN/Maćij Bulank

Wuslědki (17.12.15)

štwórtk, 17. decembera 2015 spisane wot:

Wokrjesna koparska liga, stafla III

Großröhrsdorf II – Njebjelčicy 3:0 (2:0)

Frankenthal – Wóslink/Skaskow 6:2 (4:0)

Großnaundorf – Arnsdorf 1:1 (1:0)

Kamjenc II – Haselbachtal 4:1 (1:0)

Mar. hwězda – Němske Pazlicy 4:0 (1:0)

Sepicy – Großharthau 3:1 (0:1)

Hlinowc – Ottendorf/Liegau 1:4 (1:2)

1. Frankenthal 14 43  :  23 34

2. Ottendorf/Liegau 13 37  :  14 32

3. Arnsdorf 14 37  :  15 28

4. Marijina hwězda 14 47  :  31 24

5. Großröhrsdorf II 14 29  :  19 24

6. Großnaundorf 13 42  :  20 23

7. Sepicy 13 38  :  34 21

Wuslědki (16.12.15)

srjeda, 16. decembera 2015 spisane wot:

Wokrjesna wyša koparska liga

Bukecy – Łuty1:1 (0:1)

Póst Budyšin – Kumwałd 3:2 (1:1)

Kinspork – Połčnica3:1 (0:1)

Ćisk – Hory0:1 (0:0)

Wachau – Wjelećin5:3 (1:2)

Rakecy – Ralbicy/Hórki 0:4 (0:2)

Chrósćicy – Hnašecy/Dobruša1:0 (1:0)

Ramnow – Kulow2:1 (1:0)

1. Chrósćicy 16 42  :  10 44

2. Hory 15 43  :  8 36

3. Großröhrsdorf 16 41  :  27 29

4. Kumwałd 15 40  :  29 26

5. Ralbicy/Hórki 15 31  :  14 24

6. Hnašecy/Dobruša 15 31  :  17 24

7. Kinspork 16 34  :  30 24

8. Póst Budyšin 16 39  :  36 24

9. Ramnow  14 28  :  27 20

10. Rakecy 16 27  :  28 20

11. Ćisk 15 27  :  28 20

12. Połčnica 16 28  :  27 19

13. Kulow 16 24  :  27 15

14. Wachau 16 27  :  56 12

15. Bukecy 16 17  :  43 10

16. Łuty 16 14  :  53 9

17. Wjelećin 15 20  :  53 8

SV Großdrebnitz

– ST Marijina hwězda 1:6 (1:1) 

Zestawa hosći: Vacek – Rab, Sbjeznie, Lipič­, Wróbl, Langer (75. Škoda), T. Jurš, P. Schmidt, Pakoßnick (46. Czapik), D. Jurš, Peschmann (69. Winkler)

Na 14. hrajnym dnju nastaji so prěnje koparske mustwo ST Marijineje hwězdy na puć k nowačkej ligi do Großdrebnitza. Při jara dobrych wuměnjenjach chcyše wone ze swojej małej seriju dobyćow pokročować. Po zahwizdanju pak bě z myslemi najskerje hišće w kabinje. Hižo po 18 sekundach třěli Jähnichen za Großdrebnitz po zmylku w škiće hosći 1:0. Tak knježeše w jich rjadach najprjedy raz njewěstosć. Hrajny natwar běše přeco zaso njedokładny, běhanske puće špatne a dwu­boje letargiske. Nimo to běchu Pančičanscy nadběhowarjo přeco zaso w nimohrě. Wo tróšku zbožowne wurunanje postara so w 26. min. Dawid Jurš. Hač do přestawki pak so woběmaj cyłkomaj hižo ničo njeporadźi.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND