Turněr ze snadnym wukóncom
Składnostnje 14. buloweje nocy móžeše sportowe towarstwo Natwar Němske Pazlicy prěni raz Kamjenskeho wyšeho měšćanostu Rolanda Dantza w hali při Kamjenskim lětanišću witać a k tomu tež hišće tójšto přeprošenych sponsorow. Tradiciski turněr wobradźi něhdźe 60 přihladowarjam napjate koparske chłóšćenki z wosom wobdźělenymi mustwami. Po wjele lětach bě tež zaso Jednota Kamjenc mjez nimi. We 18 hrach widźachu wopytowarjo 65 wrotow. We woběmaj staflomaj běchu hry hač do kónca chětro napjate, a konstelacija w tabulkomaj so z kóždej hru měnješe.
Napjaty mamutowy bój ze złotom mytowany
Volleyballisća Serbskeho gymnazija Budyšin (SGB) zaručichu sej we Wojerecach regionalne finale we wubědźowanju „Młodźina trenuje za olympiju“ w najstaršej šulerskej starobnej skupinje (10. do 13. lětnik) złoto, a to přećiwo Lessingowemu gymnazijej Kamjenc a Powołanskošulskemu centrumej Zhorjelc stajnje z dobyćom 3:2.
Po nimale štyrihodźinskim napjatym boju při wysokim saku skakaše sydom zbožownych hólcow SGB w kruhu a wołaše wótře „dobyće, hej, hej, dobyće“. Kajki to grandiozny wukónc za pjeć dwanatkarjow-volleyballistow we wobłuku šulskich wubědźowanjow našeho kraja.
Wuslědki (24.01.17)
Wokrjesna koparska liga / młodźina A / stafla I
1. Póst Germania Budyšin 12 76 : 20 30
2. Rakečanske KT 11 54 : 19 28
3. Radwor/
Wulka Dubrawa 11 54 : 18 20
4. SZ Wjelećin 11 28 : 32 18
5. TSV 90 Wjazońca 11 20 : 46 13
6. ST Budyšin 11 15 : 51 6
7. ST Mó.-běli Njeswačidło 11 10 : 71 0
wokrjesna liga / młodźina A / stafla II
1. HZ Kulow/Ralbicy 10 36 : 10 27
2. Biskopicy/
Nowe Město Sakska 11 38 : 18 21
3. TSV Połčnica 11 24 : 28 17
4. FC Ćisk/Łaz/
Běły Chołmc/Hory 11 19 : 25 13
5. Großnaundorf/
Lomnitz 11 16 : 23 12
6. Natwar Němske Pazlicy/
Chrósćicy 12 15 : 24 11
7. FV Ottendorf-Okrilla 10 10 : 30 6
wokrjesna liga / młodźina B / stafla I
1. HZ Kubšicy/Bukecy 9 64 : 2 27
2. FSV Budissa Budyšin II 9 28 : 12 22
3. ST Horni kraj Sprjewja 9 40 : 15 18
4. Wulka Dubrawa/Radwor 8 33 : 17 13
5. Droh. Ramnow/Porchow 9 23 : 33 13
6. Póst Germania Budyšin 8 27 : 24 10
7. Hlinowc/Běła/
Cunnersdorf/Pančicy 9 24 : 40 6
8. Bart/Budyšink/Malešecy 7 7 : 43 3
9. SZ Motor Kumwałd 8 9 : 69 0
wokrjesna liga / młodźina B / stafla II
1. FV Ottendorf-Okrilla 9 46 : 12 24
2. TSV Wachau 8 48 : 14 18
3. Steina/Bretnig-Hauswalde/Połčnica
9 48 : 13 16
4. Kinspork/Łužnica/
Haselbachtal 9 45 : 11 16
5. Lomnitz/Großnaundorf 8 30 : 20 12
6. Jednota Kamjenc 9 33 : 31 12
7. Lubuš/Bluń/Wojerecy II 9 21 : 43 9
8. FC Ćisk/Hory/Łaz/
Běły Chołmc 9 10 : 61 7
9. HZ Łužica 8 8 : 84 1
wokrjesna liga / młodźina C / stafla I
1. HZ Wulka Dubr./Radwor 8 41 : 6 24
2. ST Horni kraj Sprjewja 7 34 : 12 16
3. HZ Wjelećin/Wjazońca 9 21 : 22 14
4. Póst Germania Budyšin 7 24 : 16 13
5. HZ Huska/ST Hodźij 9 24 : 30 9
6. TSV Wóspork/Hrodźišćo 7 22 : 28 7
Tři razy je Załomski sněhakowarksi klub minjene lěta spytał ...
Smědźa do wyšeje ligi postupić
Z Frankom Ričelom, trenarjom krajneho koparskeho ligista Jednota Kamjenc, je so Hanspeter Benad rozmołwjał.
Što měniće k prěnjej połseriji?
F. Ričel: Z dwěmaj třećinomaj połserije sym jara spokojom. Jeno spočatk sezony je nam trochu čerstwosć pobrachowała. To zaležeše na krótkej přihotowanskej fazy a na tym, zo njeběchmy za wuspěchom chcyćiwi dosć.
Stejiće tuchwilu na třećim městnje tabulki. Što sće sej za druhu połojcu sezony předewzali?
F. Ričel: W předchadźacej seriji běchmy so w poslednim wokomiku na druhe městno sunyli. Lětsa chcemy krajnu ligu dobyć, njetrjebamy pak.
Jeli staflu dobudźeće, dóstanjeće potom wot předsydstwa Jednoty Kamjenc zelenu swěcu za postup do wyšeje ligi?
F. Ričel: Haj, je dźě znate, zo je Jednota Kamjenc k tutej tematice znamjo sadźiła. Hdyž cil docpějemy, dóstanjemy trěbnu podpěru. Myslu sej, zo je to mustwo tež pozitiwnje přijimało.
Su nowopřichady wočakowanja spjelnili?
F. Ričel: Powšitkownje haj. Stopnjowanje je přiwšěm hišće móžne. Jenož Patrick Neumann je tróšku wotpadnył, ale nadźijam so, zo so zaso zhraba.
Zhromadny přihot na turněr
Koparjo młodźiny C z Pančic-Kukowa, Njebjelčic, Chrósćic a Ralbic přihotowachu so minjenu sobotu w Ralbičanskej sportowej hali zhromadnje na koparski turněr, kotryž budźe přichodnu njedźelu w Radworju. Pančičenjo a Njebjelčenjo wutworichu zhromadnje dwě, Chróšćenjo z Ralbičanami tři mustwa. Hry běchu bjez wubědźowanskeho charaktera, kóždy cyłk hraješe přećiwo kóždemu, a to stajnje dźesać mjeńšin.
Kilian Hrjehor
Lěto wuspěšnje započeli
Hnydom prěnju sobotu lěta dyrbjachu młode volleyballistki ST Marijineje hwězdy III, kotrež trenuje Anne Šołćic, we Wojerecach nastupić. Wjele chwile, mjez hodami a Nowym lětom zwučować, wšak wone njemějachu.
SC Wojerecy – ST Marijina hwězda III 0:2 (16:25, 5:25)
Wot wšeho spočatka holcy z Pančic dominowachu. Wone pokazachu, zo po kóždym treningu sebjewědomišo postupuja. Wojerowčanki njemějachu scyła žanu prawu móžnosć, sobu dźeržeć. Dobre nadaća Nele Pjetašec a Heleny Hejduškec zaručichu hwězdźičkam dobyće druheje sadźby z 20 dypkami předskoka.
Z wulkej motiwaciju podachu so wone tuž do dalšeje partije dnja. Přećiwnik steji tučasnje na druhim městnje tabulki.
Módro-běłe Wojerecy II
– ST Marijina hwězda III 2:1
(17:25, 25:21, 15:11)
Z dobrymi akcijemi a połne elana dobychu hwězdźički prěnju sadźbu, štož bě mała sensacija. We hłowach holcow tčeše nětko hižo dobyće. Po słowach trenarki Anny Šołćic běchu sej wone přewěste, zo tež přichodnu sadźbu dobudu. To wjedźeše k zmylkam, z wuslědkom pak móža přiwšěm spokojom być. Postupy w chětro młodym mustwje su widźomne.
Přećiwnik twjerdy kaž granit
Prěnja hra w lěće 2017 wjedźeše prěnje volleyballowe mustwo žonow ST Marijineje hwězdy do Budyšina. W ćěłozwučowarni Serbskeho šulskeho a zetkawanskeho centruma so Kobličanki a jich trenar Pětr Blümel doma čuja. A to Marijine hwězdźički wot wšeho spočatka tež pytnychu.
JTVG Fitnes Koblicy
– ST Marijina hwězda 3:1
(26:24, 25:15, 21:25, 25:11)
Wendt zesylnja Módro-běłych Kulow
Třicećilětny kopar Tommy Wendt z Nadrózneje Hrabowki je nowe wužadanje pytał a namaka je w Kulowje. A hodźeše so derje do koncepta Kulowskeho trenarja Waldemara Adamowicza. Nazwučowarjej Módro-běłych Kulow w teamje přechodnje wažnaj hrajerjej pobrachujetaj. Tino Schapals dźe poł lěta do Awstralskeje, a Martin Sauer dyrbi so na bjedrje operować dać a dlěši čas wupadnje. Adamowicz, kiž ma hižo dwě lěće z Tommyjom Wendtom kontakt, je wjesoły, zo je so za Módro-běłych rozsudźił. Wustojny nadběhowar je so hižo z mustwom zeznajomił, na halowym koparskim turněrje Rakečanskich koparjow w Radworju hrał a wurisanje sobu dobył. Nowopřichad rjekny: „Wjeselu so, zo je mje mustwo tak derje přiwzało. Čuju so w nim jara derje.“
Widźał,słyšał, napisał (23.01.17)
Awtor dźensa
André Strelow
Ničo noweho w zwjazkowej lize? Nic cyle, koparjo FC Bayern Mnichowa su so z kónctydźenskim dobyćom přećiwo Freiburgej doskónčnje z nazymskim mištrom stali. Hrajersce njebě to runjewon přeswědčiwy wukon, na kóncu pak liča jenož docpěte wrota. Lewandowski třěli w poslednich sekundach hry 2:1 a zawěsći tak dobyće. Štóž so boješe, zo budźe prěni přesćěhar, Lipšćanski RB, po hodźoch bjez wuspěcha, so myleše. Z jasnym dobyćom přećiwo Eintracht Frankfurtej podšmórny tón swoje wurjadne druhe městno. Zdobom skónči mału negatiwnu seriju. Poslednjej hrě lěta 2016 bě mjenujcy přěhrał. Chcu znowa podšmórnyć, runje hladajo na postup čerwjenych bykow, zo je tučasny wuspěch wosebje za wuchodnu kopańcu jara wažny. Towarstwo je přikład dalšim „wuchodnym“.
