Tójšto mocow za dypk trjebali
ST Radwor –
SC Großröhrsdorf 0:0
Zestawa domjacych: Grenzemann – Wjeńka, Pěčak, Šěrak, Paška (92. Seiler), Schulze (91. Hetaš), Schöne, Nuk, Grubert, Castejon (46. Wjacławk), Šnajder
Na prěnim ćopłym hrajnym dnju lěta bě w Radworju mustwo z Großröhrsdorfa z hosćom. Wobě mustwje stejitej w delnjej połojcy tabulki, prěnju hru bě přećiwnik z 3:0 dobył. Radworčenjo startowachu jara derje do partije před něhdźe 100 přihladowarjemi. Přez jasne akcije w škiće so nadběhowarjam hosći njeporadźi so Radworskim wrotam bližić. Nasta tójšto běhanskich duelow, kiž mocy rubjachu. Najwjetšu šansu měješe Lenny Schöne z wólnym kopom, kotryž prasny do swislow wrotow. Na kóncu prěnjeho połčasa mějachu hosćo wjace hrajnych podźělow. Nimo toho dawaše wjele zwadnych kaž tež jasnych akcijow.
W druhim połčasu dźěše hra tak dale kaž bě přestała. Tola přiwšěm wudachu so móličke šansy. Jednu tajku wuži přećiwnik krótko do kónca hry, kotruž pak móžeše wrotar domjacych Peter Grenzemann hišće wotwobarać. Wurunana a mocy rubjaca hra na woběmaj bokomaj so potom skónčnje wothwizda.
Wulka a hłósna kulisa
FC Energija Choćebuz –
Carl Zeiss Jena 1:0 (1:0)
Zestawa domjacych: Bethke – Hasse, Slamar, Hildebrandt, Borgmann, Hofmann, Eisenhuth, Oesterhelweg (72. Kujović), Hottmann (81. Heike), Thiele, Wähling
Drje najlěpši połčas tuteje sezony dósta rekordna kulisa 8 352 wopytowarjow srjedu wječor wot swojeho mustwa Energije Choćebuz při načolnej hrě přećiwo třećemu tabulki z Jeny prezentowany. Spěšnje přednjesene kombinacije, k tomu permanentne běhi na přećiwnika njedachu Durinčanam žanu šansu, swójske nadběhi startować. Kaž přeco mějachu hosćićeljo sčasom najlěpše móžnosće, z kotrychž pak jenož Nicolas Wähling jednu wužiwa. Za to pak běchu to wusahowace wrota, kotrež bě Eric Hottmann ze swojej preciznej flanku z praweho křidła přihotował a kotruž potom Wähling ze spěšnej třělwu z krótkej distancy we wrotach zaměstni.
Hakle po znowazahwizdanju přińdźe Jena trochu lěpje do hrajneho pruda, woprawdźite wokomiki stracha při tym lědma nastawachu. Jeničce w poslednjej mjeńšinje dyrbješe Dennis Slamar po njepřewidnej situaciji bul krótko před wrotowej liniju wujasnić.
Na krajnu runinu postupili
Wolejbulistkam prěnjeho zastupnistwa Viktorije Worklecy je so w aktualnej sezonje wulkotny wukon poradźił. Wone běchu bjezwuwzaćnje wšitke hry z 3:0 dobyli. Z tym běchu Worklečanki w druhej stafli wobwodneje ligi wuchodneje Sakskeje jasny načolnik tabule. Tohorunja jasny načolnik tabulki bě mustwo TSV Kundraćicy, z prěnjej staflu. Tuž měješe so nětko rozsudźić, kajke z mustwow do Sakskeje klasy postupi.
Nimo Worklečankow a žonow z Kundraćic wobdźělištej so tež mustwje Ochranowskich wolejfantkow a Nysa Wolejs na play-off wubědźowanju. Kóžde mustwo měješe dwě hrě absolwować. Worklečanki nastupichu tuž na prěnjeho a druheho z prěnjeje stafle, potajkim přećiwo TSV Kundraćicy a přećiwo Ochranowskim wolejfantkam.
ST Viktoria Worklecy –
Ochranowske wolejfantki 3:0
(25:18, 25:14, 25:15)
Widźał, słyšał, napisał (24.04.23)
Awtor dźensa
Clemens Schmidt
So jónu čuć kaž Arjen Robben, to bě wčera móžno! W Lipsku mjenujcy. Tola prjed hač Wam powědam, što z tym měnju a kak je k tomu dóšło, chcu Wam wo nowych sportowych šćežkach rozprawjeć, kiž něhdyši hrajer Bayerow z Mnichowa tuchwilu kroči. Hižo jako koparski profi bě Arjen Robben znaty jako spěšny běhar na křidle. Dźensa drje Robben hižo do bula njekopa, aktiwny pak nadal je a to z chětro respektabelnymi wuslědkami. Nižozemjan Robben pak njeje z tym jenički kopar, kiž je so po karjerje druhemu sportej wěnował.
Sport (21.04.23)
Worklečanki hraja wo postup
Prěnje wolejbulowe mustwo žonow sportoweho towarstwa Viktorija Worklecy hraje jutře w Rózborku wo postup do sakskeje klasy.
22.04. 12:00 Ochranow. wolejfantki –
Viktoria Worklecy (žony)
22.04. 14:00 TSV Kundraćicy –
Viktoria Worklecy (žony)
Štyri hry w samsnym času
W Njebjelčicach změja přiwisnicy kopańcy njedźelu po dołhim času zaso raz předehru. Koparske mustwo hrajneho zjednoćenstwa Ralbicy/Njebjelčicy hraje tam wot 13 hodź. přećiwo rezerwje z Lubuša. Po tym sćěhuje hłowna hra, hdźež wočakuje cyłk trenarskeho duwa Daniel Ričel / Handrij Krawčik mustwo nazwučowaraja Stephana Pruchi. W samsnym času hraje so njedźelu tež w Chrósćicach, Ralbicach a w Radworju.
21.04. 19.00 SZ Großnaundorf –
Sokoł Ralbicy/Hórki
22.04. 15:00 ST Hnašecy-Dobruša –
Módro-běli Kulow
22.04. 15:00 ST Lubuš –
ST Marijina hwězda
23.04. 14:00 Jednota Wernigerode –
Budissa Budyšin
23.04. 12:30 SJ Chrósćicy II –
ST Wulka Dubrawa
23.04. 13:00 Ralbicy II/Njebjelčicy II –
ST Lubuš II
23.04. 14:00 Sokoł Ralbicy/Hórki –
ST Porchow
23.04. 15:00 SJ Chrósćicy –
Drježdźanski SC
23.04. 15:00 ST Radwor –
SC Großröhrsdorf
23.04. 15:00 SJ Njebjelčicy –
Wóslink/Skask./Kulow II
Hraja hač do połnocy
Bjez dobyća
BSV Sebnica – SJ Chrósćicy 2:2 (0:1)
Zestawa hosći: Králíček – Janca, B. Cyž, Sentiwan, Kreuz (64. Mark), L. Zahrodnik (72. Mützner), G. Zahrodnik, M. Zahrodnik, Matješk (82. Rätze), Krawc, Młynk
Chróšćanscy koparjo podachu so minjenu sobotu do Sebnicy. Tam chcychu rezultat z prěnjeje połserije, jako běchu jasnje ze 4:0 dobyli, wopodstatnić a tak prěnje dobyće w druhej połseriji swjećić. W 31. min. so Maik Janca na prawym křidle přesadźi a bul do strašneje cony sflankowa. Pawl Krawc duel w powětře doby a k Michałej Młynkej zhłójčkowa. Hórčan podlěši bul k 1:0 za SJC do wrotow hosćićela. Tak zwosta k połčasej snadny předskok za Chróšćanow.
Oertel rady tež do Łužicy přijěł
Klóšterscy koparjo přesłabi před wrotami
ST Marijina hwězda –
Wojerowski FC II 0:3 (0:0)
Zestawa domjacych: Matik – Hoge, K. Pakoßnick (80. Langer), Zynda, Ladewig, Schmidt (85. Wünsche), Cyž, Zelnak, Eldor (85. Čornak), J. Pakoßnick, Clausen (60. Bulank)
Na 18. hrajnym dnju wokrjesneje ligi běše druhe zastupnistwo Wojerowskeho FC w Pančicach-Kukowje z hosćom. Hosćićeljo chcychu wězo swoju dobyćersku seriju dale wjesć a tak swój běły lac wobchować.
Wuslědki (19.04.23)
Kopańca, wokrjesna liga stafla II
Rakečanske ST II – SJ Njebjelčicy wupad
Němske Pazlicy II – Chrósćicy II 1:3 (1:1)
Marijina hwězda – Wojerecy II 0:3 (0:0)
ST Hlinowc – ST Lubuš 5:1 (3:1)
Zeleno-běli Sepicy – FSV Łuty 1:3 (0:1)
1. ST Hlinowc 17 69 : 13 49
2. LSV Hory 18 59 : 38 38
3. FSV Łuty 18 35 : 26 35
4. Nat. Němske Pazlicy II 17 46 : 20 34
5. ST Marijina hwězda 18 40 : 27 33
6. ST Lubuš 18 45 : 33 27
7. Módro-běli Minakał 16 38 : 33 23
8. Wós./Skaskow/Kulow II 18 28 : 42 21
9. ST Wulka Dubrawa 16 25 : 34 19
10. Wojerowski FC II 18 31 : 36 17
11. SJ Chrósćicy II 17 27 : 45 17
12. Rakečanske ST II 17 31 : 60 16
13. Zeleno-běli Sepicy 18 24 : 56 11
14. SJ Njebjelčicy 16 15 : 50 5
Nowe fitnesowe wubědźowanje
Hyrox je nowe fitnesowe wubědźowanje za kóždeho, kiž chce swoje mocy z druhimi sportowcami měrić. Wurisanje bě so 2017 załožiło. Forma sportowanja wužada sej móc a wutrajnosć a zarjaduje so do kategorije hybridneho treninga, tohodla tež pomjenowanje Hyrox. Wubědźowanje je mjezynarodne a přewjeduje so w rozdźělnych wulkoměstach. Startować móže so we wšelakich kategorijach: mužojo, žony, muska dwójka, žónska dwójka, měšany duwo a pro. Pro woznamjenja, zo su wahi ćeše. Wobdźělnik běži wosom razow jedyn kilometer. Po kóždym kilometru přewjeduje so jedne zwučowanje po sćěhowacym slědźe:
Ski Erg – symbolizuje sněhakowanje z dwójnym zasadźenjom kijow (1000 m)
Sled Push – suwanje sanjow (50 m, 125 kg)
Sled Pull – ćahanje sanjow (50 m, 75 kg)
Burpee Broad Jumps – šěroki ležny zepěr z kónčnym skokom doprědka (80 m)
Rowing – wjesłowanje (1000 m)
Kettlebell – nošenje hantlow w kóždej ruce 24 kg (200 m)
Sandbag Lunges – wupadowe chodźenje z pěskowym měchom na ramjenju z 20 kg (100 m) a
Wallballs – ćisnjenje medicinskeho bula (6 kg) na sćěnu z čapawki tři metry wysoko (100x)
