Krasne wrota su wšo rozsudźili
Sokoł Ralbicy/Hórki –
SC Großröhrsdorf 1:0 (1:0)
Zestawa domjacych: Ch. Gloxyn – M. Matka (46. Korjeńk), Schultz, A. Wałda, T. Wałda, Rachela, D. Gloxyn, Šołta, Šewc, Nuk (70. Ričl), Domaška
Po njetrjebawšej poražce tydźenja w Budyšinje přećiwo Póstej Germaniji rěkaše doma přećiwo Großröhrsdorfej, sej tři dypki wuwojować. Hosćo z Rödertala mějachu do hry 26 ličakow na konće, runje tak kaž Sokoljo. Tuž wočakowachu 83 přihladowarjow runohódnu partiju.
A tajka so tež wot spočatka do kónca wuwiwaše. Na zbožo pak poradźi so domjacym hižo po štwórć hodźinje nawjedowanje. Dołhi bul škitarjo Sokoła wotpopadnychu a hrajachu jón hnydom kapitanej Dennyjej Gloxynej. Tón dołho nječakaše a kulowatu kožu ze 30 metrow do dołheho róžka přetwori, krasne to nawjedowanje. Sokoljo běchu hač do połčasa dale jenož přez standarty strašni, hosćo spytachu so dale z dołhimi bulemi. Tola na woběmaj bokomaj hrajerjo wjac wyskać njemóžachu.
Wuslědki (04.04.23)
Kopańca, wokrjesna wyša liga
Łaz/Běły Chołmc – Něm. Pazlicy 2:3 (1:0)
Hnaš.-Dobruša – Biskopicy II 3:3 (1:2)
H. kraj-Sprjewja – Otten.-Okrilla 1:2 (1:1)
ST Ćisk – ST Porchow4:0 (3:0)
Sokoł – SC Großröhrsdorf 1:0 (1:0)
Kinspork/Łužnica – TSV Wachau 2:7 (1:6)
1. Biskopičanske KT II 20 67 : 16 50
2. Póst Germania Budyšin 20 51 : 21 46
3. Módro-běli Kulow 20 42 : 14 46
4. Natwar Němske Pazlicy 21 62 : 23 45
5. ST Hnašecy-Dobruša 21 65 : 43 39
6. ST Horni kraj-Sprjewja 20 58 : 34 37
7. FV Ottendorf-Okrilla 21 45 : 38 32
8. Sokoł Ralbicy/Hórki 20 35 : 29 29
9. SG Großnaundorf 19 27 : 27 27
10. SC Großröhrsdorf 21 33 : 32 26
11. HZ Łaz/Běły Chołmc 20 28 : 34 23
12. TSV Wachau 21 42 : 63 23
13. ST Radwor 19 30 : 53 16
14. ST Porchow 21 24 : 70 12
15. ST Ćisk 21 23 : 76 9
16. ST Kinspork/Łužnica 21 22 : 81 6
Wokrjesna liga stafla I
Malešecy – Kumwałd/Schönb. 4:3 (0:3)
ST Kubšicy – Arnsdorfske KT 2:0 (1:0)
Wjernarjecy – Bukecy 1:3 (0:1)
ST Wjelećin – TSV Wjazońca 1:3 (1:0)
Bretnig-Hauswalde – Połčnica 1:2 (0:2)
SV Haselbachtal – ST Bart 2:1 (0:1)
1. TSV Połčnica 16 47 : 26 35
2. Arnsdorfske KT 17 40 : 24 32
3. ST Kubšicy 17 33 : 24 32
4. TSV Wjazońca 17 45 : 31 30
5. Bretnig-Hauswalde 16 46 : 28 29
6. HZ Huska/Hodźij 15 37 : 26 25
7. Zeleno-běli Bukecy 17 36 : 29 25
8. Traktor Malešecy 17 34 : 33 25
9. ST Bart 17 25 : 32 25
10. TSV Wjernarjecy 17 43 : 46 21
11. HZ Frankenthal 16 20 : 35 15
12. SV Haselbachtal 16 20 : 35 13
13. HZ Kumwałd/Schönb. 17 30 : 63 13
14. ST Wjelećin 17 24 : 48 9
Wokrjesna liga stafla II
Wojerowski FC II - ST Hlinowc 1:1 (1:0)
FSV Łuty - ST Marijina hwězda 2:1 (1:0)
Wósl./Skask./Kul. II - Rakecy II 1:1 (0:0)
LSV Hory - ST Lubuš2:1 (0:1)
SJ Chrósćicy II - Sepicy 4:1 (2:0)
Słaby wukon pokazali
FSV Łuty –
ST Marijina hwězda 2:1 (1:1)
Zestawa hosći: Matik – Wróbl (86. Weclich), Zynda, Jurš, Hoge, Langer (46. Clausen), Cyž, Zelnak, Schmidt (75. Ladewig), Pakoßnick, Eldor (78. Bulank)
Sobotu podachu so koparjo Marijineje hwězdy cyle daloko do sewjera Budyskeho wokrjesa, do małeho městačka Łuty. Tamniše koparske sportowe towarstwo steji tuchwilu na dobrym 5. městnje w tabulce wokrjesneje ligi stafla II. Pančičenjo su samo třeće. Tuž dyrbješe so z hry na samsnej runinje wuchadźeć. Runje to nawopačne pak bě pad.
Wosebite hrajne městno
Widźał, słyšał, napisał (03.04.23)
Awtor dźensa
Jan Hrjehor
„Prošu 11,50 eurow!“, rjekny mi njedawno přećelna młoda žona w małej budce před tunlom w Awstriskej, kiž wjedźe přez horu Aarlberg. „Hižo zaso popłatk? Sym tola předwčerawšim hakle za Awstrisku digitalnu wignetu za 9,90 eurow za dźesać dnjow kupił! A ta tu njepłaći?“, so Awstričanku přez wočinjene wokno mojeho awta přećelnje woprašam. Posměwk mi do Škodowki je hišće přećelniši a wotmołwa: „Bohužel to tak je, to je jenička móžnosć za tebje, jeli chceš sej bjezbóžny wokołopuć zalutować.“ Tuž wočinich swoju móšničku a wućahnych přichodnu bankowku. Hižo přez Čěsku sym na mojej lětušej zymskej dowolowej jězbje wokoło 13 eurow nadróžneho popłatka płaćił, nětko Awstriska. Hišće njejsym mój cil, wulku sewjernu sćěnu hory Eiger w Grindelwaldźe w Šwicarskej w Bernskim Hornim kraju, docpěł a hižo sym něhdźe 35 eurow popłatka za dróhi a tunl zapłaćił. Zo změju pozdźišo w Šwicarskej hišće dalšu „popłatkowu překwapjenku“ mi při jězbje wědome njebě.
Sport (31.03.23)
Bjez podpěry njepóńdźe
Planowanja za posledni kónc tydźenja awgusta lěta 2023 běža. Po lońšej přestawce a po nowowutworjenju towarstwa KnappenMan z.t. trjebaja zamołwići za přewjedźenje 35. triatlonowych wubědźowanjow we Łužiskej jězorinje něhdźe 150 dobrowólnych pomocnikow, a to na woběmaj wubědźowanskimaj dnjomaj. Tuž budźe 26. a 27. awgusta 2023 kóžda pomocliwa ruka trěbna. Přizjew so prošu pod . Internetowu stronu namakaš pod www.knappenman.com.
Jutrowne jeja wotběhać
Sportowe towarstwo Natwar Němske Pazlicy přeproša swójby, sportowče a sportowcow na nětko hižo tradicionalne wotběhanje jutrownych jejow, a to jutrownu póndźelu wot 10 hodź při sportowym centrumje w Němskich Pazlicach. Lětsa přewjedźe so sportowa akcija, kotraž je bjez wubědźowanskeho charaktera, zaso jako masowy start. Startowy pjenjez so njehromadźi.
Hraje so w Njebjelčicach
Do połfinala krajneho pokala zaćahnyli
Werderanske ST –
FC Energija Choćebuz 0:7 (0:3)
Zestawa hosći: Sebald – Badu, Hildebrandt, Böhmert (69. Slamar), Borgmann, Hofmann (46. Erlbeck), Eisenhuth (46. Geisler), Sherbakovski, Abu-Alfa, Heike (59.Thiele), Wähling (62.Wagner)
Kaž wočakowane je so regionalny koparski ligist FC Energija Choćebuz pola nižoklasoweho mustwa Werderanske ST w štwórćfinalu krajneho pokalneho wubědźowanja jasnje přesadźił. Přećiwo zastupjerjej Braniborskeje ligi rěkaše po dosć jednostronskej partiji na kóncu 7:0 za aktualneho druheho regionalneje ligi. Za faworita trjechi před 1 500 přihladowarjemi Choćebuski kapitan Axel Borgmann hnydom trójce (18., 56., 76.), dwójce zapisa so Tim Heike (33., 34.) do lisćiny třělcow. Tuta wudospołnja so přez wrota Jana Shcherbakovskeho (71.) a Niclasa Erlbecka. Posledni přetwori pokutny kop w 88. min. Po swojim zranjenju křižneho paska, při zahajenju sezony přećiwo Luckenwalde, měješe wrotar Alexander Seebald swoju prěnju hru, w kotrejž pak měješe lědma móžnosće, swoje kmanosće pokazać.
Dobru prěnju połojcu hrali
Biskopičanske KT II –
ST Radwor 3:1 (1:1)
Zestawa hosći: Grenzemann – Wjeńka, Grubert, Šěrak, Paška, Nuk (86. Krječmar), Omran (73. Seiler), Schulze, Jo. Wjaclawk, Hetaš (84. Mička), Šnajder
Na minjenym hrajnym dnju běchu so koparjo z Radworja k načolnikej tabulki do Biskopic podali. Nimo najlěpšeje defensiwy z 12 napřećiwnymi wrotami maja a mějachu hosćićeljo tež najlěpšu ofensiwu ligi ze 63 wrotami. Z tym běchu róle jasnje rozdźělene. Dyrbjało so wjele stać, zo bychu hosćo dypki sobu domoj wzali.
Wuslědki (30.03.23)
Kopańca, wokrjesna wyša liga
Ott.-Okrilla – Hnašecy-Dobruša 4:0 (2:0)
Großröhrsdorf – Łaz/Bě. Chołmc 4:0 (2:0)
Horni kraj-Sprjewja – Wachau 4:2 (3:1)
Biskopičanske KT II – Radwor 3:1 (1:1)
Kulow – SG Großnaundorf 0:0 (0:0)
Ger. Budyšin – Ralbicy/Hórki 2:0 (2:0)
Němske Pazlicy – ST Ćisk 7:0 (3:0)
Porchow – Kinspork/Łužnica 0:0 (0:0)
1. Biskopičanske KT II 19 64 : 13 49
2. Póst Germania Budyšin 20 51 : 21 46
3. Módro-běli Kulow 20 42 : 14 46
4. Natwar Němske Pazlicy 20 59 : 21 42
5. ST Hnašecy-Dobruša 20 62 : 40 38
6. ST Horni kraj-Sprjewja 19 57 : 32 37
7. FV Ottendorf-Okrilla 20 43 : 37 29
8. SG Großnaundorf 19 27 : 27 27
9. Sokoł Ralbicy/Hórki 19 34 : 29 26
10. SC Großröhrsdorf 20 33 : 31 26
11. HZ Łaz/Běły Chołmc 19 26 : 31 23
12.TSV Wachau 20 35 : 61 20
13. ST Radwor 19 30 : 53 16
14. ST Porchow 19 24 : 66 11
15. ST Ćisk 20 19 : 76 6
16. ST Kinspork/Łužnica 19 20 : 74 5
Krajny pokal
Kamjenica – Erzgebirge Aue 3:0 (2:0)
FC Grimma – Lok Lipsk 1:3 (1:0) nV
Eutritzsch – H. Ł. Neugersdorf 1:2 (0:1)
Njebjelčenjo dale bjez dobyća
Natwar Němske Pazlicy II –
SJ Njebjelčicy 5:1 (1:0)
Zestawa hosći: Nico Hahn - Clemens Reinelt, Florian Domš, Anton Malaškin, Józef Matješk, Handrij Korjeńk, Ronny Hanuza, Daniel Kral, Oliver Domš, Gabriel Čornak, Mick Landgraf
Na Kamjenskim kumštnym trawniku bě druhe mustwo Natwara Němske Pazlicy minjenu njedźelu hosćićel a prěnje mustwo SJ Njebjelčicy hósć. Bohužel měješe mustwo SJN zaso personelne problemy. Trenar Daniel Ričel měješe na ławce jenož narunanskeho wrotarja Friedricha Tietze. Jeničkeho rezerwoweho pólneho hrajerja dyrbjachu Njebjelčenjo hižo do hry „zaměnić“, dokelž bě so Jacob Šołta hižo při sćoplenju zranił.
