Koparki wuspěšnje testowali
Pjatk nawječor bě so Serbske mustwo žonow-koparkow do Choćebuza podało, zo by treningowe lěhwo jako přihot na lětuše europske koparske mišterstwa awtochtonych mjeńšinow přewjedło. Dohromady 14 hrajerkow z Hornjeje, srjedźneje a Delnjeje Łužicy so na přihotowanskim kóncu tydźenju wobdźěli.
Pjatk wječor bě prěnja treningowa jednotka z wšelakorymi standardami planowana. Tuta pak dyrbješe so sylneho dešća a njewjedra dla přetorhnyć. Město toho wotměchu teoretiske zwučowanje, z kotrymž so z pomocu taktikoweje tafle wotkopam a róžkam wěnowachu.
Rańši sport w formje lochkeho joggowanja steješe sobotu rano do snědanja na planje. Po zhromadnej snědani wotjědźe serbske mustwo žonow do Gießmannsdorfa na treningowu hru.
Sokoljo sej wažne tři dypki wudobyli – šeste městno zachowali
HZ Łaz/Běły Chołmc –
Sokoł Ralbicy/Hórki 2:3 (1:3)
Zestawa hosći: Žur – Heidorn, Rachela, Schultz, Woko, Korjeńk, Rawš, Gloxyn, Jakubaš, Šiman (50. Materna), Šołta
Sokoljo chcychu poslednju hru hrajneje doby 2023/2024 wězo dobyć a sebi tak šeste městno w tabulce zachować. Na tamnym boku stejachu hosćićeljo na 12. městnje tabulki. Lěpše zaměstnjenje w tabulce rěka, zo je šansa klasu zachować wyša, wšako njeje jasne, kelko mustwow z krajneje klasy zestupi.
Najebać dobry wukon žadyn wuspěch
ST Drohotka Ramnow –
ST Radwor 3:2 (1:1)
Zestawa hosći: Pěčak – B. Grubert, Omran, Dźisławk, Mička, Wjacławk (62. Reineke), Nuk (82. M. Grubert), N. Šnajder, Paška (82. Wróbl), R. Šnajder, Schulze
W prěnim połčasu mějachu Radworčenjo hosćićelow dosć derje pod kontrolu. Potom bě to Tom Schulze, kiž w 30. mjeńšinje bul přez wrotowu liniju k 1:0 suny. Přez mału njekedźbliwosć w 42. mjeńšinje zamóchu domjacy k 1:1 wurunać.
W druhim połčasu sej hrajerjo Drohotki wjace předewzachu, dokelž nochcychu so dale tak prezentować. Tuž wjace běhachu a Radworčanam hru poćežowachu. Přiwšěm móžeše Johannes Wjacławk w 60. mjeńšinje nawjedowanje 1:2 docpěć. Ale krótko na to Ramnow zaso wuruna. Nětko Radwor nimale jenož hišće zakitowaše a wrotar Jakub Pěčak móžeše tež někotre razy dalšim wrotam zadźěwać. Ale w 77. mjeńšinje nochcyše nichtó přećiwniskeho hrajerja mylić, kotryž sam na wrotarja běžeše a doskónčne nawjedowanje docpě. Julien Glücklich
Po přihotowanskej hrě za Europeadu 2024 zestupachu so koparki ...
Z dobyćom so rozžohnowali
ST Radwor –
ST Ćisk 5:0 (2:0)
Zestawa domjacych: Ehrlich (60. J. Pěčak) – B. Grubert, M. Grubert, Omran, Paška, Wjacławk, Glücklich (68. Nuk), N. Šnajder, Reinecke (79. Wróbl), Schulze, R. Šnajder (74. L. Pěčak)
To bě posledni hrajny dźeń sezony 2023/2024 a najprjedy raz poslednja partija we wokrjesnej wyšej lize za Radworčanow. Rozžohnować chcychu so wězo z dobyćom. Nimo toho chcychu tež wotchady z rjanym rozžohnowanskim dožiwjenjom hišće raz porjadnje počesćić.
Hnydom na spočatku partije mějachu hosćićeljo spěšnje přewahu nad hru a profitowachu nastajnosći wot zmylkow přećiwnikow. W 4. mjeńšinje łakaše Richard Šnajder na špatne přihrawki hosći a pochłosta zmylk z 1:0. Ale tež hosćićeljo derje njestejachu a wostajichu hdys a hdys hosćom trěbne městno. We wrotach pak steješe z Alexanderom Ehrlichom njepřewinjomny posledni muž. Jemu dyrbjachu so Radworscy koparjo w prěnim połčasu dźakować, zo so nula dźeržeše.
Widźał, słyšał, napisał (03.06.24)
Awtor dźensa
Jurij Bjeńš
Škoda, tam bě wjace móžno, rěkaše znajmjeńša mój facit sobotnišeho koparskeho finala w champions league. Chceš-li so přećiwo Real Madrid přesadźić, a to njetrjebaš eksperta w kopańcy być, dyrbiš kóždu móličku šansu wužić a ju k wrotam přetworić. To so hrajerjam Borussije Dortmund wosebje w prěnim połčasu woneho finala poradźiło njeje. A potom bě zaso raz přišło kaž bě hižo někotre razy w rozsudnych hrach „kralowskich“ z Madrida přišło: Někajki zmylk tu, dalša njejasnosć tam a naraz steješe 2:0 za Real. A Carlo Ancelotti, trenar Madridźanow, skutkowaše tak, jako njeby ničo druhe wot swojich muži wočakował. „Madrid njehraje kopańcu, woni ju dobudu“, sym nihdźe po tym čitał.
Sport (31.05.24)
Serbske mustwo w Slepom
Serbske koparki z Delnjeje Łužicy, srjedźneje Łužicy a z Hornjeje Łužicy zakónča njedźelu připołdnju třidnjowske treningowe lěhwo w Slepom z přihotowanskej koparskej hru přećiwo holcam a žonam FC Energije Choćebuz. Hrać budźe so njedźelu wot 11 hodź. na trawniku sportoweho towarstwa Lok Slepo.
Koparjo na cilowej čarje
Na wokrjesnej runinje přewjedu so dźensa a jutře poslednje dypkowe hry sezony 2023/2024.
01.06. 13:00 W. Dubrawa/Radwor II –
HZ Ralbicy II/Pančicy II
01.06. 15:00 Drježdźanski SC –
SJ Chrósćicy
01.06. 15:00 SC Großröhrsdorf –
Módro-běli Kulow
01.06. 15:00 HZ Łaz/Běły Chołmc –
Sokoł Ralbicy/Hórki
01.06. 15:00 ST Radwor – ST Ćisk
02.06. 14:00 Biskopičanske KT 08 –
SG Union Sandersdorf
02.06. 15:00 ST Marijina hwězda –
HZ Huska/Hodźij
02.06. 15:00 TSV Wjazońca –
SJ Chrósćicy II
Krabatowy firmowy běh
Sportowy klub Wojerecy přewjedźe 5. junija swój 5. Krabatowy firmowy běh, a to w Čornym Chołmcu. Kóžde mustwo wobsteji z pjeć do dźesać běharkow a běharjow, kiž su stajnje 2 km abo 4 km po puću. Cyłkownje dyrbja 20km běžeć.
Jěchanske a skakanske turněry
W lěćnych měsacach přewjedu so znowa wjacore jěchanske, skakanske a jězdne wubědźowanja.
Radworscy wolejbulisća znowa pokal zakitowali
Štwórty lětuši wolejbulowy turněr serbskich wólnočasnych mustwow skónči so w sportowni SŠZC Budyšin z dobyćom cyłka ST 1922 Radwor před Viktoriju Worklecy a šulerjemi Serbskeho gymnazija Budyšin (SGB).
Po „Jutrownym turněrje“ w Ralbicach dojědźe sej wosom mustwow do sportownje Serbskeho šulskeho a zetkawanskeho centruma (SŠZC) Budyšin, zo bychu wuhrali dobyćerja 12. nalětneho turněra wo pokal Spěchowanskeho towarstwa SGB. Bě to mjeztym štwórta stacija serije „top-sydom“, hdźež na kóncu štwórty raz zasobu sportowče a sportowcy z Radworja juskachu.
Wuslědki (30.05.24)
Kopańca, wokrjesna liga stafla II
Němske Pazlicy II – ST Kubšicy 1:6 (1:3)
Wojerowski FC II – FSV Łuty 2:2 (1:0)
1. Zeleno-běli Bukecy 25 76 : 39 51
2. LSV Hory 25 91 : 59 49
3. ST Kubšicy 25 69 : 40 45
4. Módro-běli Minakał 25 49 : 33 45
5. ST Wulka Dubrawa 25 47 : 27 41
6. Traktor Malešecy 25 57 : 36 38
7. HZ Nadrózna Hrabowka 25 61 : 54 37
8. ST Lubuš 25 58 : 51 37
9. FSV Łuty 25 47 : 40 37
10. Wojerowski FC II 25 55 : 60 34
11. ST Kinspork/Łužnica 25 42 : 56 30
12. ST Bart 25 30 : 51 28
13. Nat. Němske Pazlicy II 25 25 : 94 11
14. Wósl./Skask./Kulow II 25 20 : 87 10
Wokrjesna klasa stafla I
1. Germania Budyšin II 20 93 : 21 48
2. ZSZ Załom-Wopaka 19 82 : 25 47
3. ST Budyšin 19 51 : 25 40
4. ST Mały Wjelkow 1920 19 59 : 38 39
5. ST Demicy-Tumicy 19 41 : 41 28
6. HZ Hodźij II / Huska II 19 39 : 63 23
7. ST Horni kraj-Sprjewja II 19 55 : 43 20
8. HZ Hnašecy-Dobruša II 18 32 : 55 20
9. TSV Wernarjecy II 19 29 : 79 15
10. HZ Wóspork 19 29 : 61 13
11. Budyšink/Malešecy II 18 13 : 72 7
Debakl při festiwalu wrotow
Sokoł Ralbicy/Hórki –
KT Ottendorf/Okrilla 3:5 (1:3)
Zestawa domjacych: Žur – M. Matka, Rawš, Heidorn, P. Šołta, Korjeńk, Gloxyn, Rachela, Bjeńš, Šiman, Woko
Pola Sokołow z Ralbic knježi tuchwilu skerje špatna nalada, wšako wuslědki zašłe tydźenje njetrjechichu. Tež w poslednjej domjacej hrě přećiwo Ottendorfej/Okrilli dźěchu Ralbičanscy fanojo přesłapjeni zaso domoj.
W prěnich pjatnaće mjeńšinach wuhrachu sej Ralbičenjo dwě dobrej składnosći, kotrejž pak Paul Rachela njewuži. W slědowacych pjatnaće mjeńšinach pak steješe nadobo 0:3 z wida Ralbičanow. Katastrofalne zmylki w škiće a njewěsty wrotar Titus Žur běchu wina na tym, zo hósć sam prawje wěrić nochcyše, zo ma po 30 hrajnych mjeńšinach hižo tajki předskok. Do połčasa pak sej Rachela bul znowa rjenje wuhra a nisko k 1:3 skrótši.
