Dyrdomdej za serbske koparki w Delanach zahajeny
Koparki Serbskeho mustwa za lětušu Europeadu su so sobotu do stadiona DJK Sokoła Ralbicy/Hórki na testowu hru přećiwo koparkam z Hlinowca podali. Po hrě předstajichu zamołwići nominowany kader mustwa.
Ralbicy (jh/SN). „Za nas je a budźe to wulki dyrdomdej!“, rjekny šeftrenar Serbskeho mustwa holcow-koparkow Pětr Bejmak na nowinarskej konferency, kotraž so přihotowanskej hrě na Europeadu 2024 přizamkny. Na hru přećiwo Hlinowskemu sportowemu klubej, zastupjerjej krajneje klasy wuchod (rozprawa hlej strona 3) běše wjace hač 120 přihladowarjow přichwatało. Holcy a žony z Hlinowca maja tam po štyrnaće wot wosomnaće hrow z třomi dobyćemi a třomi njerozsudnymi wuslědkami dosć dobru bilancu. Z tym je wone runje prawe měritko za serbski cyłk, kotryž dyrbi so połdra měsaca do europskich koparskich mišterstwow awtochtonych narodnych mjeńšin Europy namakać a zahrać.
Nominowane koparki a zamołwići za Serbske mustwo:Linda ...
Nominowane koparki a zamołwići za Serbske mustwo:
Linda Rudolfojc Viktoria Chóśebuz 1897
Xenia Koberec ST Viktoria Worklecy
Amy-Helen Kiszec ST Lok Slepo
Laura Hanušojc Viktoria Chóśebuz 1897
Lavinia Frenclec Hertha BSC
Lena Handrikec SJ Chrósćicy 1981
Leoni Wenclec bjez towarstwa
Lina-Sophie Fischer bjez towarstwa
Marta Handrikec SJ Chrósćicy 1981
Paula Simulic Viktoria Chóśebuz 1897
Sophie Matješkec SJ Chrósćicy 1981
Johanna Lieršojc bjez towarstwa
Johana Wjeselic Turbina Podstupim
Stella Pilcec Biskopičanske KT 08
Thea Kuntzec ST Lok Slepo
Ulrika Lobedźina WSZ Grodk
Vianneya Paškec ST Nadrózna Hrabowka
Pětr Bejmak šeftrenar
Handrij Rachela nawoda mustwa
Jadwiga Richterowa trenarka wrotarkow
Claudia Hejdušcyna kotrenarka
Marija Škodźina fyzioterapeutka
Tereza Wićazowa zamołwita za medije
Clemens Škoda nawoda delegacije
Widźał,słyšał, napisał (21.05.24)
Awtor dźensa
Jan Hrjehor
Sport (17.05.24)
Sport na swjatkach
W Pěskecach swjeća wot 18. meje do 20. meje wjesny swjedźeń z dwěmaj koparskimaj turněromaj. Wubědźowanje koparskeje młodźiny E započnje so njedźelu w 11.00 hodź. Póndźelu zetkaja so wjesne koparske mustwa z Noweje Wjeski, Róžanta, Smjerdźaceje, Pěskec, Njebjelčic, Serbskich Pazlic, Sulšec a Worklec w 12.15 hodź., zo bychu wot 13.00 hodź. tradicionalny koparski turněr wuhrali. W sportowym centrumje w Němskich Pazlicach přewjedźe so swjatki 39. ludosportowa njedźela z koparskim a wolejbulowym turněrom. Wona započnje so dopołdnja w 10.00 hodź. Wokoło 16.30 hodź. změja tam mytowanje dobyćerjow. Turněr w Hórnikecach
Wuslědki (16.05.24)
Swjatki koparska přestawka
Na koparskich tabulkach so po swjatkownym kónc tydźenju wjele njezměni. Hrać budźe so jenož we wyšich ligach. Na wokrjesnej runinje so jenož někotre partije nachwataja, tak na přikład jutře wječor wot 19 hodź. w Kumwałdźe hra mjez Motorom Kumwałd a druhim mustwom SJ Chrósćicy.
Regionalna liga muži
FC Eilenburg – Kamjeničanski FC 3:2 (2:1)
FC Erfurt – Viktoria Berlin 1:4 (0:1)
Hansa Rostock II – Hertha BSC II 1:3 (1:2)
E. Choćebuz – Luckenwalde 3:3 (0:1)
Chemija Lipsk – BFC Dynamo 1:1 (0:1)
Berlinski AK – Lok Lipsk 0:5 (0:1)
FSV Zwickau – SV Babelsberg 0:1 (0:1)
Altglienicke – Greifswaldski KK 5:2 (2:0)
Meuselwitz – FC Carl Zeiss Jena 2:3 (0:2)
1. FC Energija Choćebuz 33 66 : 37 68
2. Greifswaldski KK 33 63 : 31 65
3. Viktoria Berlin 33 52 : 37 62
4. BFC Dynamo 33 56 : 37 58
5. SV Babelsberg 33 42 : 34 55
6. VSG Altglienicke 33 68 : 49 52
7. FC Carl Zeiss Jena 33 57 : 44 50
8. BSG Chemija Lipsk 33 37 : 39 47
9. Kamjeničanski FC 33 42 : 49 44
10. ZFC Meuselwitz 33 46 : 47 41
11. FSV Zwickau 33 50 : 57 41
12. Lok Lipsk 33 46 : 56 40
13. Čerwjeno-běli Erfurt 33 51 : 54 38
14. Hertha BSC II 33 48 : 63 38
15. FSV 63 Luckenwalde 33 49 : 58 37
16. FC Eilenburg 33 42 : 58 36
17. F.C. Hansa Rostock II 33 44 : 63 27
18. Berlinski AK 33 23 : 69 19
Krajna klasa
D. Strěžin – Rakečanske ST 3:1 (1:1)
Zschachwitz – Wojerowski FC 1:2 (1:2)
Radebergerske ST – Běła Woda 3:1 (2:0)
Drježdźanski SC – BSV Sebnitz 3:0 (3:0)
Rotacija Drježdź. – ST Wesenitzal 1:1 (0:1)
Serbske koparki hraja w Delanach
Dalše dobyće za Njebjelčanow
HZ Delni Wujězd –
SJ Njebjelčicy 0:2 (0:1)
Zestawa hosći: F. Tietze – S. Schulze, C. Reinelt, R. Hanuza, F. Domš, D. Cyž (46. A. Šram), A. Korjeńk (64. J. Lehmann), P. Hrjehor, N. Rudolf (85. Ch. Pawlik), G. Herrmann (74. D. Wagner), O. Domš
Po šoku zašłeho hrajneho dnja zhladowachu Njebjelčenjo zaso doprědka. Dźěchu najebać štyrjoch pobrachowacych stajnych hrajerjow optimistisce do přichodneje hry. Přećiwo hrajnemu zjednoćenstwu Delni Wujězd/Łaz/Běły Chołmc nadźijachu so hosćo na dalše tři dypki.
Njedźiwajcy wjetšich přestajenjow přewzachu Njebjelčenjo wot spočatka kontrolu a tłóčachu na přećiwniske wrota. Hižo po sydom mjeńšinach móžeše SJN prěni raz wyskać. Sandro Schulze, kotryž přihrawku přećiwnika wotpopadny, hraješe bul z centruma k Handrijej Korjeńkej. Tutón sej bul spřihotowa a jón w dołhim róžku wrotow zaměstni. Přećiwnik pokaza jenož mało ofensiwnych akcijow a hłownje zakitowaše. Z tutym hrajnym stilom mějachu Njebjelčenjo problemy. Dołhe bule buchu wotpopadnjene a nisko hrate třělwy zhubichu so dla njekoncentrowanosćow.
Tři dypki na dnju maćerjow maćerjam
Wuslědki (15.05.24)
Kopańca,
wokrjesna klasa stafla III
ST Lubuš II – ST Njeswačidło 0:4 (0:2)
Wuj./Łaz/B. Chołmc – Njebjelčicy 0:2 (0:1)
Łuty II – HZ Ralbicy/Pančicy II 0:6 (0:2)
1. Zeleno-běli Sepicy 18 71 : 23 39
2. ST M.-běli Njeswačidło 18 53 : 19 39
3. SJ Njebjelčicy 19 47 : 26 38
4. HZ Běła/Cunnersd./Němske Pazlicy III
18 72 : 34 37
5. HZ Wulka Dubrawa II/Radwor II
18 38 : 39 27
6. HZ Halštrow/Hlinowc II 18 48 : 53 22
7. HZ Ralbicy II/Pančicy II 18 28 : 41 20
8. Wujězd/Łaz/B. Chołmc 19 32 : 51 20
9. Jednota Kamjenc 18 23 : 37 18
10. ST Lubuš II 18 31 : 36 16
11. FSV Łuty II 18 16 : 1004
Wokrjesna liga stafla I
Wjazońca – Bretnig-Hauswalde 4:0 (3:0)
Wjernarjecy – HZ Huska/Hodźij 4:1 (2:1)
Frankenthal – Steinigtwolmsdorf 3:1 (1:0)
Mar. hwězda – Arnsdorfske KT 2:2 (1:2)
ST Porchow – ST Wjelećin 3:1 (1:0)
1. Arnsdorfske KT 24 81 : 32 54
2. ST Porchow 24 67 : 33 54
3. Bretnig-Hauswalde 24 83 : 46 52
4. ST Marijina hwězda 24 66 : 35 44
5. TSV Wjazońca 24 61 : 35 42
6. SZ Steinigtwolmsdorf 24 63 : 56 33
7. HZ Huska/Hodźij 24 51 : 53 32
8. Motor Kumwałd 23 64 : 58 31
9. TSV Wjernarjecy 24 53 : 65 29
10. HZ Frankenthal 24 41 : 65 29
11. ST Wjelećin 24 45 : 61 27
12. SJ Chrósćicy II 23 36 : 56 24
13. Rakecy II/Minakał II 24 37 : 99 20
14. SZ Drjewnica 05 24 20 : 74 9
Nowopřichad a hórki wotchad
Łužiske lodohokejowe liški maja noweho hrajerja, a to Němsko-Kanadźana Lewisa Zertera-Gossage. Nadběhowar absolwowaše hižo w sezonje 2022/2023 pjeć hrow w trikoće Łužiskich liškow. To bě tehdy w zhromadnym dźěle z kooperaciskim partnerom – z Běłymi mjedwjedźemi z Berlina – móžno, za kotrehož so wón na to hišće 17 króć w najwyšej němskej lize DEL zasadźi. 28lětny Lewis woteńdźe loni k Bietigheim Steelers a dypkowaše w 55 hrach z dźewjeć wrotami a 19 přihrawkami.
Swoje lodohokejowe wukubłanje absolwowaše nadběhowar w Kanadźe, prjed hač ze 17 lětami do USA dźěše. Tam hraješe šěsć lět dołho w mustwach Kent School kaž tež Harvard uniwersity. Nachwilnje přeńdźe hišće raz wob lěto do kanadiskeje British Columbia Hockey league. W dalšim běhu swojeje karjery hraješe potom za towarstwa w AHL a ECHL, štož stej w Sewjernej Americe druha a třeća liga w lodohokeju. W lěće 2020 spjelni sej Zerter-Gossage wulki són a hraješe lěto w Němskej, w ródnym kraju swojeho nana, w třećej lize pola Blue Devils Weiden. Po tym slědowaše hišće raz lěto w Americe, prjedy hač přińdźe potom zaso wróćo do Europy.
