Nowy trenarski team Budissy
Prěnje koparske mustwo muži FSV Budissy Budyšin ma nowy trenarski team. Spočatk sezony 2024/2025 přewozmje Steve Dieske funkciju šeftrenarja. Pódla njeho budźe Eric Prentki jako kotrenar trenarski cyłk Budyšanow wudospołnić.
Wuhibki za nowu sezonu su stajene: Steve Dieske stanje so z šeftrenarjom 1. muskeho mustwa FSV Budissy Budyšin. Eric Prentki přewozmje hamt kotrenarja.
Widźał, słyšał, napisał (17.06.24)
Awtor dźensa
Jan Bogusz
Za kóždeho fana a kóždu fanowku kopańcy budu přichodne tydźenje zawěsće cyle wosebite. Z hru Němskeje přećiwo Šotiskej w Mnichowje su zašły pjatk koparske europske mišterstwo w kraju zahajili. Na kóncu so mustwo trenarja Juliana Nagelsmanna z přeswědčacym 5:1 přesadźi. Start je so potajkim poradźił. Je to zdobom wěste wolóženje, wšako mějachu Němcy w zašłych turněrach runje w prěnjej hrě ćeže. Wočakowanja na mustwo su lětsa wězo wosebje wulke. Tež je euforija přibyła. Njeličomne reportaže su w předpolu přihoty na wosebity turněr ze wšelkich perspektiwow předstajili a w medijach sonja samo wo „Lěćnej bajce 2.0“. Hač tomu tak budźe abo nic, abo hač so tute sony hišće přetrjechja, je hišće wotewrjene.
Sport (14.06.24)
Sport ze zapřahami
Konjace sportowe towarstwo „Při Klóšterskej wodźe“ Pančicy-Kukow přewjedźe jutře, sobotu, a zajutřišim w Chrósćicach konjacy turněr ze zapřahami. Wšelakore wurisanja tam wotměja: třeći sakski młodźinski cup, kwalifikaciju za dny dobyćerjow w Moritzburgu, Sakske mišterstwa w jězdźenju z ponyjom, kaž tež Durinske mišterstwa za dwupřežne konje/ponyje. Sobotu sportuje so w Chrósćicach wot 8 hodź. hač do popołdnja a njedźelu hižo wot 7.30 hodź.
Lěćny sportowy swjedźeń
W Pančicach-Kukowje swjeći Sportowe towarstwo Marijina hwězda jutře swój lěćny sportowy a inkluziski swjedźeń. Tón započnje so w 9 hodź., wot 10 hodź. su swójby na sportowy areal witane a wot 14.30 hodź. změja tam kofej a tykanc. Poł hodźiny pozdźišo započnjetej so bičwolejbulowy turněr a kopańca, hdźež hraja młodźi přećiwo starym. Lěćny swjedźeń wuklinči wječor z rejemi.
Wohnjowi wobornicy w Salowje
Wubědźowanje dobrowólnych wohnjowych wobornikow w nadběhu hašenja budźe njedźelu w Salowje. Dalše wurisanja wobornikow: 21.06.24 Koćina / 21.06.24 Skaskow / 09.08.24 Sernjany / 18.08.24 Sulšecy / 23.08.24 Pěskecy / 24.08.24 Róžant / 01.09.24 Smjerdźaca / 13.09.24 Ralbicy
Napjate šulerske wubědźowanja
Jědnaty raz wotmě so zašły štwórtk, 6. junija, w Budyšinje sportowy swjedźeń zakładnych šulow w lochkoatletice. Mjez wobdźělnikami běchu mjez druhim Budyska serbska zakładna šula, Radworska serbska zakładna šula a Worklečan serbska zakładna šula. Nimo stafloweho běha so šulerki a šulerjo w starobnej klasy rodźenych 2016 do 2013 w sprinće na 50 m, dalokoskoku, bulikimjetanju a sprinće na 800 m wubědźowachu. Wšitke wuměnjenja kaž wjedro abo wosebje organizacija Wuchodosakskeho lochkoatletiskeho towarstwa běchu přewšo dobre.
Sportowe zarjadowanje so ze staflowym běhom započinaše. Tam wudobychu sebi Worklečenjo Wanda Matkec, Elias Jakubaš, Sofija Ričlec, Julius Čornak, Luiza Zarjeńkec, Jakub Bětnar, Helena Brězanec a Ludwig Jakubaš, po druhim městnje loni, lětsa złotu medalju.
Tež w jednotliwych disciplinach běchu šulerki a šulerjo jara wuspěšni. Złoto wudobychu sebi Helena Brězanec a Julius Čornak na 50 m kaž tež Elias a Ludwig Jakubaš na 800 m. Tadej Cyž
Biskopicy tola njepostupja
Maturanća 31. koparski duel přećiwo wučerjam dobyli
Po wolejbulowymaj hromaj mjez wučerjemi a dwanatkarjemi na Budyskim Serbskim gymnaziju (SN rozprawjachu) slědowaše dźeń po tym tradicionalna kopańca. Bě to mjeztym 31. rozestajenje, kotrehož spočatki sahaja do lěta 1994.
Maturanća dobychu dotal jedynadwaceći króć, nětko je dalši triumf k tomu přišoł. Woni nastupichu ze šěsć aktiwnymi hrajerjemi ze zjednoćenstwow z Radworja, Chrósćic a Njebjelčic a přesadźichu so přećiwo wučerjam po dwójce 15 mjeńšinach 5:1.
Pola pedagogow njemóžeštaj so aktiwnaj koparjej Bosćij Bejma (Sokoł Ralbicy/Hórki) a referendar Matej Wjeńka (ST 1922 Radwor) zasadźić, dokelž běštaj zranjenaj. Znowa wupomha Michał Wowčer, wučer na Serbskej wyšej šuli Ralbicy.
Wuslědki (12.06.24)
Kopańca, krajna klasa
1. Drježdźanski SC 29 75 : 33 67
2. FV Přezjednota Niska 29 89 : 26 62
3. SZ Drježdźany Strěžin 29 67 : 49 54
4. FSC Wódrjeńca 29 82 : 56 50
5. FSV Nowosólc-Hródk 29 54 : 35 49
6. ST Wesenitzal 29 48 : 50 46
7. TSV Rotacija Drježdźany 29 57 : 57 44
8. Radebergerske ST 29 57 : 65 44
9. SG Weixdorf 29 55 : 43 38
10. Wojerowski FC 29 55 : 51 38
11. Rakečanske ST 29 50 : 82 36
12. Mód.-běli Zschachwitz 29 72 : 61 33
13. BSV Sebnitz 29 42 : 64 30
14. Póst German. Budyšin 29 40 : 80 30
15. SJ Chrósćicy 29 26 : 65 24
16. VfB Běła Woda 29 46 : 98 17
Dobyći přinjesetej postup
ST Viktoria Worklecy II –
ST Marijina hwězda 2:1
(24:26, 25:22, 15:13)
ST Viktoria Worklecy II –
OSSV Kamjenc 2:0 (25:20, 25:19)
Štóž, kaž ja, štwórtk wječor na swjedźenju Božeho ćěła jenož kusk přepozdźe do Worklečanskeje sportownje dóńdźe, dyrbješe najprjedy za městnom pytać. Wjace hač sto entuziastiskich fanow pjelnješe tribunu, a woni sedźachu tež hišće na kromje hrajnišća.
Přičina tutoho nawala bě kónčne koło wo wolejbulowy titul Budyskeho wokrjesa. W prěnjej hrě wječora steještej na hrajnišću ST Hnašecy-Dobruša a OSSV Kamjenc. Po přeswědčiwym sadźbowym dobyću Hnašec-Dobruše zwjertnychu Kamjenčenjo hišće njewočakowano hru a dobychu 2:1. Prěni finalist bě z tym wěsty.
Napjaty 22. koparski turněr CSB
Kóžde lěto přewjedźe Křesćansko-socialny kubłanski skutk Sakska z.t. (CSB) za swoje přebywanišća z hortom koparski turněr. Tutón přewjeduje so přeco we wotměnje pola hinašeho hosćićela, hdźež zdobom tež sportnišćo je.
Lětsa hraješe so pjatk, 7. junija, na trawniku Marijineje hwězdy. Nastupiło bě cyłkownje šěsć mustwow z horta Pančic-Kukowa, Nadrózneje Hrabowki, Rakec, Kulowa a dwoje mustwa staji hort „Handrij Zejler“ z Wojerec. Hraješe so w dwojimaj staflomaj, a to stajnje dźesać mjeńšinow. Prěnjej dwě mustwje skwalifikujetej so stajnje za połfinale, kotryž so přez křiž wuhraje.
W stafli A podleža hosćićel z Pančic-Kukowa přećiwo Nadróznej Hrabowce a zakitowarjej pokala z Wojerec I stajnje z 0:2. Dokelž so poslednja hra mjez Wojerecami a Nadróznej Hrabowku bjez wrotow skónči, dyrbješe třělenje z dźewjeć metrow rozsudźić, štó jako prěni do połfinala zaćahny. Tam wopokazachu hrajerjo z Nadrózneje Hrabowki lěpše čuwy a dobychu.
W stafli B přesadźi so Kulow na prěnim městnje ze šěsć dypkami. Slědowaše mustwo z Rakec před druhim zastupnistwom z Wojerec.
