Wuslědki (04.11.25)
Wokrjesna klasa stafla III
1. ST Na. Němske Pazlicy II 9 37 : 7 22
2. Jednota Kamjenc 9 36 : 12 21
3. ST Njeswačidło 9 33 : 21 21
4. HZ Lubuš II / Ćisk 10 22 : 26 17
5. LSV Hory II 9 23 : 16 16
6. HZ Ralbicy II / Pančicy II 9 23 : 20 16
7. HZ Halštrow/Hlinowc II 9 15 : 21 10
8. HZ Běła/Cunnersdorf 9 18 : 16 9
9. HZ Kulow II 9 10 : 27 9
10. HZ Wulka Dubrawa II 9 14 : 35 3
11. HZ Wujězd/Łaz/Běły Chołmc
9 9 : 39 3
Worklečanki doma dwójce dobyli
Prěnje wolejbulowe mustwo žonow Viktorije Worklecy bě na swój prěni domjacy hrajny dźeń we Worklecach kontrahentki druheho zastupnistwa MSV Budyšin 04 kaž tež tabulkoweho susoda Nysa Wolejs powitało.
Za prěnje zastupnistwo Viktorije Worklecy zasadźene běchu: Anja Biela, Rejzka Delenkowa, Diana Hajnec, Marta Handrikec, Klara Kralec, Christin Opicec, Jenny Otto, Magdalena Pilzec, Constance Pötschke, Anja Šmidtowa, Sarah Šnablec, Emma Šustrec, Hannah Šustrec, Jana Žurowa, trenarka: Daniela Kralec
Viktoria Worklecy I – MSV Budyšin 04 II 3:1 (25:11, 22:25, 25:15, 25:22)
Započatk prěnjeje sadźby dominowachu Worklečanki wosebje přez sylne a placěrowane nadběhi kaž tež přez wuspěšny blok. Hosćićelki zamóchu předskok wutwarić. Budyšankam so lědma poradźi, nadběhi natwarjeć a sej z tym dypki wudobyć. Prěnje zastupnistwo natwari chětro wulki ćišć. Kontrahentki z Budyšina mějachu ćeže, so tomu přiměrić. Worklečanki rozsudźichu prěnju sadźbu za sebje z jasnym 25:11.
Přewjele zmylkow worali
FC Energija Choćebuz –
RB Lipsk 1:4 (0:3)
Zestawa Energije Choćebuz: Funk – Rorig (73. Straudi), Awortwie-Grant (46. Campulka), Manu, Lucoqui (73. Guwara), Pelivan, Hannemann, Borgmann, Biankadi (46. Engelhardt), Ciğerci, Butler (59. Moustfa)
wrota: 0:1 Bakayoko (13.), 0:2 Baumgartner (28.), 0:3 Baumgartner (37.), 0:4 Banzuzi (59.), 1:4 Engelhardt (86.)
Z chětro změnjenym mustwom skićeše třeći ligist zwjazkowemu ligistej w pokalnej hrě najprjedy paroli a měješe samo wjetši hrajny podźěl. Wot 10. min. pak běchu hosćo lěpše mustwo. Do přestawki natwarichu Lipšćenjo wěsty předskok třoch wrotow. Po čestnych wrotach Erika Engelhardta nasta hišće tójšto šansow. Wšitke pak wostachu bjez wuspěcha. Na kóncu steješe wuslědk 1:4.
Zrudny podawk sta so krótko do druheho połčasa. Lipšćanski fan so zwjeze a w chorowni zemrě. Wobě fanowej lěhwje zastajištej spontanje wšitke fanowe akcije. Georg Zielonkowski
Zamołwići hrajneho zjednoćenstwa Ralbicy II/Pančicy II su wčera ...
Widźał,słyšał, napisał (03.11.25)
Awtor dźensa
Tadej Cyž
Fanojo zymskeho sporta wjesela a přihotuja so na olympiske lěto. Wulki wjeršk wotměje so wot 6. do 22. februara 2026 w Italskej. Centralnej měsće 25. zymskich olympiskich hrow stej Mailand a Cortina d‘Ampezzo. W Cortina, olympiskim měsće z lěta 1956, wubědźuja so sportowcy mjez druhim w spěšnosankowanju.
Sportowa družina, kotraž je wosebje zajimawa a wotměnjaca, je biatlon. Kombinacija ze sněhakowanjom na dołhich čarach a třělenjom zahorja přiwisnikow kóžde lěto w Oberhofje a Ruhpoldingu. Wo olympiske biatlonowe medalje wojuja atleća klětu w februarje w Antholzu njedaloko Ahrntala. Olympiske hry w srjedźišću Europy – sym wćipny, hač sebi tam tež serbscy entuziasća sporta dojědu.
Sport (30.10.25)
Hnydom dwaj derbyjej
Wot zašłeho kónca tydźenja su so časy zakopow za koparske mustwa přestajenja časa dla změnili, tak zo přewjedu so nanajpozdźišo w 14 hodź. Sobotu steja w hrajnym planje hnydom dwaj derbyjej, a to w Kulowje a w Rakecach. Domjacu lěpšinu změja w Pančicach, Radworju a Njebjelčicach.
01.11. 14:00 Módro-běli Kulow –
SJ Chrósćicy
01.11. 14:00 Rakečanske ST –
Sokoł Ralbicy/Hórki
02.11. 11:30 HZ Ralbicy –
Jednota Kamjenc
02.11. 14:00 ST Marijina hwězda –
ST Kubšicy
02.11. 14:00 Minakał –
SJ Chrósćicy II
02.11. 14:00 ST Radwor –
HZ Wulke Ždźary
02.11. 14:00 SJ Njebjelčicy –
HZ Lomnitz II
Worklečenjo hraja zaso doma
Wolejbulowa rezerwa holcow Viktorije Worklecy změje zajutřišim, sobotu, swojej prěnjej dypkowej hrě w nowej hrajnej dobje. Po partijomaj smědźa Worklečanki dale do Delan jěć a w Ralbicach wot 14 hodź. prěnje zastupnistwo muži pohonjować.
01.11. 10:00 Viktoria Worklecy II (ž)
– Módro-běli Wojerecy II
12:00 – Ochran. wolejfantki II
01.11. 14:00 Viktoria Worklecy (m) – Pirna-Copitz (Ralbicy)
16:00 – Póst Drježdźany
04.11. 19:30 MSV Budyšin IV –
ST Marijina hwězda
04.11. 19:30 Šumbachske VV –
ST Marijina hwězda
Rallye pola Hamora
Wuspěch kermušnu njedźelu
ST Marijina hwězda –
SJ Steinigtwolmsdorf 3:1 (2:0)
Zestawa domjacych: R. Wende – J. Ladewig, K. Pakoßnick, R. Cyž, E. Zynda, J. Clausen (58. E. Bulank), Fl. Bulank, Ch. Cyž, F. Peschmann, J. Pakoßnick (62. F. Zelnak), F. Kreuz (71. Fe. Langer)
Kermušnu njedźelu chcychu klóšterscy koparjo swojim přiwisnikam porjadnu kopańcu pokazać a sej wězo tež tři dypki doma zdźeržeć.
Bjez stracha před wrotami
ST Wulka Dubrawa –
SJ Chrósćicy II 3:0 (1:0)
Zestawa hosći: M. Mark - M. Donat, Materna, K. Mark, J. Donat, Wornar, Sćapan, B. Donat, Budar (72. F. Zahrodnik), Špitank, M. Zahrodnik (88. T. Donat)
Po třoch poražkach chcychu hosćo skónčnje zaso dypkować.
Sylny wukon blidotenistow
Na šestym hrajnym dnju sezony 2025/26 wudoby sej 4. blidotenisowe mustwo muži Viktorije Worklecy jasne dobyće přećiwo cyłkej Zeleno-běłych Halštrow III. Hrajny dźeń minjenu njedźelu, 26. oktobra, w domjacej sportowej hali bě z dobyćom 14:0 po dypkach za domjacych woprawdźity wjeršk aktualneje sezony.
Zo so we Worklecach wuspěšnje blidotenis hraje, je mnohim dosć znate, ale tute 4. mustwo wotrjada blidotenis bu hakle w tutej sezonje załožene a wot sponsora firmy Eldakon podpěrane. Mustwo nasta z wuspěšneho wabjenja za nowymi hrajerjemi k zesylnjenju wotrjada blidotenis w towarstwje Viktorije Worklecy. Z mustwowym nawodu Michałom Nowakom trenuje kóždu wutoru nowy team z talentowanym dorostom blidotenistow swójskeje młodźiny.
Na spočatku sezony sydachu jenož poražki. Bě to ćežki start za tute nowonastajene mustwo. Worklečenjo přěhrachu přećiwo Łužnicy, Gersdorfej a Lückersdorfej kaž tež swójskej konkurency Viktoriji Worklecy III. Tak wobsadźi mustwo na šestym hrajnym dnju předposlednje městno w 2. wokrjesnej klasy.
