Sport (07.11.25)
Worklečenjo we Wojerecach
Wolejbulowy cyłk muži Sokoła hraje dźensa dwójce we Wjazońcy. Wolejbulisća rezerwy Viktorije Worklecy hraja jutře w Rychbachu a Worklečanske wolejbulistki we Wjelećinje přećiwo Kobličankam. Mužojo třećeho mustwa Viktorije Worklecy hraja njedźelu we Wojerecach.
07.11. 19:00 Sokolnik Wjazońca –
Sokoł Budyšin (m)
07.11. 19:00 Sokoł Budyšin –
MSV Budyšin III (m)
08.11. 14:00 Nysa Volleys –
Viktoria Worklecy II (m)
08.11. 16:00 JTVG Koblicy –
Viktoria Worklecy (ž)
09.11. 10:00 2. hrajny dźeń,
Viktoria Worklecy III (m)
Chróšćenjo dwójce doma
Prěnje kaž tež druhe koparske mustwo Sportoweje jednotki Chrósćicy hraje njedźelu doma. Tak mjenowana šěsć dypkowa partija wočakuje koparsku rezerwu SJ Chrósćicy. Wobaj cyłkaj stejitaj mjenujcy w pincy wokrjesneje ligi a trjebatej nuznje dypki w boju přećiwo zestupej. Sylneho přećiwnika z Hnašec-Dobruše wočakuje prěnje koparske mustwo SJC. Woni hraja přećiwo třećemu wokrjesneje wyšeje ligi.
08.11. 13:30 Biskopičanske KT 08 –
FC Jednota Wernigerode
08.11. 14:00 TSV Połčnica –
Módro-běli Kulow
08.11. 14:00 HZ Łaz/Běły Chołmc –
ST Radwor
08.11. 14:00 FC Energija Choćebuz –
VfL Osnabrück
W druhim połčasu hru z ruki dali
Módro-běli Minakał –
SJ Chrósćicy II 4:1 (1:1)
Zestawa hosći: Mark – Lehmann (81. T. Donat), Materna, M. Donat, J. Donat (71. M. Zahrodnik), Sćapan (46. F. Zahrodnik), Handrik, B. Donat, Špitank (62. Budar), Rätze (81. Klemenc), Kř. Zahrodnik
Minjenu njedźelu bě so druhe zastupnistwo sportoweje jednotki z Chrósćic na dypkowu hru do Minakała podało. Druhi wočakowaše předposlednjeho tabulki, tuž bě domjacy cyłk jasny faworit.
Wuslědki (06.11.25)
Kopańca; krajna klasa
Biskopičanske KT II – Bannewitz 2:0 (0:0)
Zhorjelc – Natw. Němske Pazlicy 3:3 (2:1)
1. FSV Nowosólc-Hródk 10 40 : 12 24
2. FSC Wódrjeńca 02 10 34 : 13 22
3. Přezjednota Niska 10 28 : 18 17
4. Wojerowski FC 10 21 : 11 17
5. Póst Drježdźany 10 27 : 23 14
6. SZ Drježdźany Strěžin 10 24 : 25 14
7. Chemie Dohna 10 23 : 25 14
8. Radebergerske ST 10 27 : 31 14
9. Radebeulski BC 10 18 : 21 13
10. ST Bannewitz 10 16 : 17 12
11. Biskopičanske KT II 10 17 : 27 12
12. ST Wesenitzal 10 15 : 25 12
13. SG Weixdorf 10 19 : 25 11
14. Mód.-běli Zschachwitz 10 16 : 34 10
15. Natw. Němske Pazlicy 10 14 : 25 9
16. Žołto-běli Zhorjelc 10 16 : 23 7
Wokrjesna wyša liga
Módro-běli Kulow – SJ Chrósćicy 0:1 (0:1)
Póst Budyšin – TSV Połčnica 5:0 (2:0)
Bukecy – FV Ottendorf-Okrilla 5:2 (2:0)
Rakečanske ST – Ralbicy/Hórki 3:1 (1:0)
Hnašecy-Dobruša – W. Rědorjecy 3:2 (1:0)
Drohotka Ramnow – LSV Hory 2:3 (0:2)
1. SG Großnaundorf 10 27 : 12 24
2. Póst Germania Budyšin 10 25 : 10 23
3. ST Hnašecy-Dobruša 10 30 : 19 22
4. Sokoł Ralbicy/Hórki 10 23 : 15 22
5. LSV Hory 11 40 : 37 18
6. Rakečanske ST 10 21 : 18 16
7. Módro-běli Kulow 10 19 : 21 16
8. Zeleno-běli Bukecy 10 22 : 20 15
9. SC Wulke Rědorjecy 10 21 : 14 14
10. SJ Chrósćicy 10 23 : 22 14
11. TSV Połčnica 10 14 : 25 11
12. FV Ottendorf-Okrilla 10 18 : 22 10
13. Hlinowski SK 1931 10 25 : 32 10
14. Drohotka Ramnow 10 14 : 23 10
15. ST Horni kraj-Sprjewja 11 13 : 34 5
16. TSV Wachau 10 10 : 21 4
Wokrjesna liga stafla II
Malešecy – Wojerowski FC II 6:1 (1:1)
Minakał – SJ Chrósćicy II 4:1 (1:1)
ST Radwor – HZ Wulke Ždźary wupad
1. Traktor Malešecy 10 33 : 8 25
2. Módro-běli Minakał 10 29 : 17 21
3. ST Lubuš 10 31 : 14 20
4. ST Wulka Dubrawa 10 32 : 15 17
5. HZ Łaz/Běły Chołmc 10 20 : 10 16
Serija Worklečanow zakónčena
Třělcowski swjedźeń w Njebjelčicach
SJ Njebjelčicy –
HZ Lomnitz II/Großnaundorf II 7:0 (3:0)
Zestawa SJ Njebjelčicy: Hahn – Hanuza, Schulze, Wjerš (46. Heymann), Čornak, Rudolf, Plaettner, Hrjehor, Korjeńk (75. Lehmann), F. Domš F. (75. Šiman), O. Domš (75. Cyž)
Hrajne zjednoćenstwo Lomnitz II/Großnaundorf II bě jako předposledni tabulki z pjeć dypkami do Njebjelčic přijěło. Njebjelčenjo pak steja na čole tabulki. Róli běštej potajkim jasnje rozdźělenej.
Wot spočatka sem hosćićeljo ćišć wukonjachu a tłóčachu na prěnje wrota. Najebać wjele wulkich šansow nochcyše bul prosće do saka. William Plaettner a Handrij Korjeńk sej zuby na wrotarju hosći a na aluminiju wukusaštaj. Po 25 hratych mjeńšinach pak so suk skónčnje torhnje. Oliver Domš přesadźi so po rjanej přihrawce na prawym křidle a połoži bul prěki na Korjeńka, kiž suny bul k nawjedowanju 1:0 do wrotow. Krótko na to Ronny Hanuza z hłowu na 2:0 zwyši (27.). Krótko do přestawki smědźeše so třeći třělc wrotow wuznamjenić. Podobnje kaž při prěnich wrotach posłuži O. Domš přiběžaceho Plaettnera, kotryž na 3:0 zwyši (38.). Ze zasłuženym nawjedowanjom dźěše do přestawki.
Wuslědki (05.11.25)
Wokrjesna klasa stafla I
1. ST Bart 9 41 : 8 25
2. HZ Póst Ger. Budyšin II 8 28 : 18 19
3. ST Demicy-Tumicy 7 19 : 13 15
4. HZ Hodźij II/Huska II 8 24 : 23 15
5. SZ Drjewnica 05 9 25 : 24 13
6. TSV Wóspork 7 27 : 20 11
7. HZ Horni kraj II 7 13 : 9 10
8. ST Mały Wjelkow 1920 7 19 : 25 7
9. Zeleno-běli Bukecy II 9 16 : 26 6
10. HZ Wjazońca II 9 19 : 35 3
11. HZ Budyšink 8 8 : 38 3
Wokrjesna klasa stafla II
Ottendorf-Okrilla II – Wachau II 1:4 (1:2)
HZ Arnsdorf II –
ST Haselbachtal1:2 (1:0)
Kinspork/Łužnica II –
Wulke Rědorjecy II0:4 (0:1)
SJ Njebjelčicy –
Lomnitz-Großnaundorf II 7:0 (3:0)
1. TSV Wachau II 9 33 : 15 22
2. SJ Njebjelčicy 9 26 : 11 20
3. FV Ottendorf-Okrilla II 9 22 : 13 15
4. HZ Mały Wosyk 9 22 : 19 15
5. SC Wulke Rědorjecy II 10 20 : 24 14
6. HZ Bretnig-Hauswalde II 8 25 : 18 13
7. SV Liegau-Augustusbad 8 15 : 18 10
8. ST Kinspork/Łužnica II 9 11 : 22 9
9. HZ Arnsdorf II 8 13 : 21 8
10. Lomnitz-Großnaund. II 9 15 : 31 5
11. ST Haselbachtal 8 13 : 23 4
Perfektny start do noweje sezony
Dołho dyrbjachu wolejbulisća nowozałoženeho cyłka ST Viktoria Worklecy III na to čakać, hdy a hdźe so nětko skónčnje sezona we wokrjesnej klasy wuchodneje Sakskeje zahaji. Potom pak dźěše wšitko jara spěšnje a minjenu njedźelu wotmě so prěni hrajny dźeń we sportowni Wojerowskeho Lessingoweho gymnazija.
Za Worklecy hrajachu: Clemens a Ludwig Eckert, Daniel Gall, Stephan Gedik, Vincent Kuring, Marcel Rjelka, Syman Žur a Aleksander Cyž (runočasnje coach), poradźowar bě Mato Eckert
Viktoria Worklecy III –
ST Kupoj Nowa Łuka II
2:0 (25:16, 25:14)
Poražka na kermuši
SJ Chrósćicy –
Póst Germanija Budyšin 2:3 (1:1)
Zestawa domjacych: Škoda – Mark, Dźisławk, F. Cyž, Rätze, L. Zahrodnik, Hawš, G. Zahrodnik, Bogusz, Kral, Zahrodnik, Šiman (60. C. Handrik)
Kermušnu njedźelu běše mustwo Póst Germanije Budyšin z hosćom w Chrósćicach. Nazymske wjedro z dešćom a sylnym wětřikom skićeše akteram na hrajnišću ćežke wuměnjenja.
Chróšćenjo mějachu prěnje móžnosće hry a docpěchu samo nawjedowanje. Po dołhej přihrawce wotpołoži Filip Šiman bul Oskarej Hawšej, kotryž hrajny nastroj z 25 metrow wyše wrotarja do saka smokny (16.). Nawjedowanje pak dołho njesteješe. W 24. min. rozsudźi sudnik na jědnatku, po tym, zo bu bul z ruku hraty. Tutón pokutny kop hosćo přez Niklasa Šrama wužichu a hru zaso wurunachu. Duel bě přez mnohe dwuboje charakterizowany a móžnosće běchu na woběmaj stronomaj skerje rědke. Na boku SJC měješe Šiman hišće šansu. Tola jeho třělwa z wótreho kuta wrota misny. Budyšenjo mějachu dobru składnosć po wólnym kopje. Třělwu z 20 metrow pak Jakub Škoda na łatu wotwobara.
W Kumwałdźe wysoko dobyli
ST Motor Kumwałd –
ST Marijina hwězda 0:6 (0:3)
Zestawa hosći: D. Matik – Luk. Hoge, T. Jurš, K. Pakoßnick, R. Cyž, J. Ladewig (67. E. Bulank), Fl. Bulank, J. Kuring, Ch. Cyž, J. Pakoßnick (65. Pa. Lugge), A. Eldor (46. F. Kreuz, 74. E. Zynda)
Klóšterscy koparjo zahajichu hru na kumštnym trawniku w Kumwałdźe z wysokim tempom. W 3. min. ležeše kulowata koža hižo we wrotach hosćićela. Po kombinaciji Christofa Cyža z Alijom Eldorom třěli rutinjej Jakub Pakoßnick 1:0. Traješe hač do 26. min., doniž Ronald Cyž z 25 metrow direktnje k 2:0 njetrjechi. Nětko so tež hosćićeljo raz strašnje w šěsnatce hosći zjewichu. Po běhu Sebastiana Mietha z praweho boka a třělwje na krótku žerdź zamó David Matik wrota čiste dźeržeć. Z direktnje přetworjenym róžkom Eldor kurioznje na 3:0 zwyši. Ch. Cyž a J. Pakoßnick mjenujcy napřećiwneho wrotarja wuspěšnje myleštaj (37.). Z třělwu Ch. Cyža snadnje nimo wrotow so prěnja hrajna połojca zakónči (44.).
Radworčenjo znowa přěhrali
ST 1922 Radwor –
ST Kinspork/Łužnica 1:4 (1:3)
Zestawa domjacych: Pěčak – Wjeńka, Adam (84. Bišof), Wowčer (74. Wjacławk), M. Grubert, Reinecke (38. Triebs), Wróbl (61. Krječmar), Glücklich (41. Lawka), Wencel, Dźisławk, Buša
Při přijomnym wjedrje a rjanej kulisy něhdźe 140 přihladowarjow chcychu Radworčenjo přećiwo hosćom z Kinsporka/Łužnicy lěpši wukon hač tydźenja pokazać.
Hižo po dwěmaj mjeńšinomaj pak wužichu hosćo zmylk w natwarje hosćićela a nawjedowachu 1:0. Kaž hižo w zašłych partijach mějachu Radworčenjo ćeže so do hry namakać. W dwubojach běchu zwjetša kročel přepozdźe a njewěstosće postajowachu natwar hry. W 29. min. wužichu hosćo znowa zmylk a zwyšichu na 2:0. Krótko na to přinjese rědki wokomik wolóženje za Radwor. Marlon Wencel trjechi w 31. min. Při tym pomhaše hładki trawnik. Hižo w 33. min. zhubi Radwor přichodny bul, štož Kinspork k 3:1 wuži. Hač do połčasa spytaše domjacy cyłk zastatk skrótšić, tola bjez wuspěcha.
