Wrotar dobyće zawěsćił
Drježdźanski SC
– SJ Chrósćicy 0:1 (0:1)
Zestawa hosći: Králíček – Pöpel, Schulze (67. Dórnik), Cyž, Hrdlitschka, Sentiwan, M. Zahrodnik, Teichmann (58. F. Zahrodnik), Runt (88. Młynk), Věchet, Němec
Tale hra pola němskeho koparskeho mištra z lěta 1943 a 1944 w Drježdźanach drje wostanje přiwisnikam Chróšćanskeje SJ wosebje w pomjatku.
Duel běše wot wšeho spočatka sem chětro pomały. Wobě mustwje koncentrowaštej so primarnje na organizowanu defensiwu. Prěnja stoprocentna móžnosć nasta, jako dótkny so hrajer domjacych w šěsnatce z ruku bula. A postajenu jědnatku Radim Věchet za Chróšćanow suwerenje přetwori (20.). Po dwuboju w jědnatce kopny Fabian Pöpel njetrjebawši wotzady nadběhowarja. Druhu jědnatku hry wrotar Petr Králíček wotwobara, tak zo steješe dale 1:0 za hosći.
Šulerjo SGB na běhu z wutrobu sylnje angažowani
Na lětušim Budyskim běhu z wutrobu je so wjace hač 2 000 šulerjow a wučerjow wobdźěliło. Zhromadnje naběhachu na Budyskej Młynkec łuce nimale 26 000 eurow za dobry zaměr.
Mjeztym hižo 13. Budyski běh z wutrobu we hłownej organizaciji Ludoweje banki Budyšin wotmě so minjeny pjatk w stadionje Budyskeje Młynkec łuki. Dokelž na tradicionalnym městnje před Schillerowym gymnazijom twarja, startowachu běharjo z Budyskich gymnazijow kaž tež Wjelećanskeho a Biskopičanskeho gymnazija a powołanskeje šule za hospodarstwo a techniku Budyšin na nowym terenje. Sportowcy zmištrowachu wulkotne 13 636 kołow, kóžde něhdźe 600 metrow dołhe. Teamy wobstejachu stajnje z třoch běharjow, kotřiž so wotměnjejo jednu hodźinu za dobry zaměr angažowachu. Naběhanu sumu 25 959,84 eurow přewostaja lětsa towarstwu Regenbogen e.V. z Biskopic.
Finalny běh wo dumperowe mišterstwa
Hižo dlěši čas je jasne, zo budu so serbscy a němscy dumperowi sportowcy 1. oktobra wot 14 hodź. w Hórkach na něhdyšim twjerdym kopanišću wubědźować. „Płonina w Lejnje, na kotrejž smy so prěnje lěta wubědźowali, njeje hižo k dispoziciji. Po někotrych wubědźowanjach w Baćonju pola Donatec chcemy so skónčnje zaso raz w zelenym wubědźować“, powěda Křesćan Kral z Lejnanskeho dumperoweho kluba.
Po kopańcy a konjacym sporće je to nětko třeća sportowa družina, kotruž lětsa w Hórkach pokazaja. Lejnjanske mustwo natwari nětko finalny, wosebje za spěšne dumpery wupołoženy parcours.
W cyłkownym hódnoćenju jednotliwcow nawjeduje amtěrowacy němski dumperowy mišter Filip Kral z Róžanta z wosom dypkami předskoka před Markusom Donatom z Lejna a Thomasom Neumannom ze Skaupa. Wobaj mataj 64 dypkow. Tež w mustwowym hódnoćenju ma Lejnjanski cyłk dobre šansy, so z mištrom sezony 2017 stać. Wón nawjeduje ze štyrjomi dypkami předskoka před Wubědźowanskim teamom Adelsdorf/Quersa.
W spěšnej hrě poraženy
SJ Njebjelčicy
– HZ Łaz/Běły Chołmc 1:0 (1:0)
Zestawa domjacych: Hahn – Čornak (79. Domš), Hanuza, Deleńk, Hrjehor, Ričel, Pawlik, Hommel, Schulze, Dubaw, Korjeńk (90. Šram)
Wysoka wonkowna poražka
BFC Dynamo
– FSV Budissa Budyšin 5:0 (2:0)
Zestawa hosći: Ebersbach – Barnickel, Hoßmang, Patka, Krawčik, Milde (55. Gehrmann), Weiß (83. Hänsch), Pfanne, Schmidt, Bönisch, Mack (79. Müller)
Po naposledk dobrych wuslědkach podachu so koparjo Budissy do Berlina, zo bychu tam přećiwo druhemu tabulki BFC Dynamo nastupili. To wšak bě ćežki nadawk. Po małymaj móžnosćomaj za Jonasa Macka (4.) a Kevina Bönischa (8.) přewzachu domjacy ceptar před 1 633 přihladowarjemi. Budissa dyrbješe so wonkowneju škitarjow Seppa Kunzy a Tobiasa Heppnera wzdać. Na wrota Maika Ebersbacha přećiwnik nastajnosći třěleše. Hač do połčasa dyrbješe wón dwoje wrota Rufata Dadashova přijimać (13., 21.), njeměješe žanu šansu wotwobaranja. Dynamo bě z mjezywuslědkom spokojom.
W druhim połčasu so hosćo nadźijachu, zo móža snano 2:1 třělić. Město toho pak přińdźechu pod kolesa. Dwójny dyr zniči wšitke nadźije Budissy. Matthias Steinborn (49.) a Joey Breitfeld (51.) zwyšištaj na 4:0. Nanajpozdźišo z třećimi wrotami Dadashova (60.) k 5:0 bě hra doskónčnje rozsudźena. Tajku jasnu poražku drje njeběchu wočakowali. Přesłapjenje bě chětro wulke.
Za serbski derby stopnjowanje trěbne
ST Wulka Dubrawa
– ST Marijina hwězda 4:2 (1:1)
Zestawa hosći: Matik – Hübner (65. P. Schmidt), Rab, Jurš, Lipič, R. Hawš, Kuring, O. Hawš, Pakoßnick, Čornak (72. O. Schmidt)
Špatny wukon pokazali
ST Marijina hwězda
– Rakečanske ST II 0:2 (0:1)
Zestawa domjacych: O. Schmidt – Wróbl (43. Peschmann), Škoda, K. Pakoßnick, Rab, R. Hawš, Eldor (70. Jurš), Kuring, O. Hawš, P. Schmidt, J. Pakoßnick
Na pjatym hrajnym dnju je prěnje koparske mustwo ST Marijineje hwězdy doma přećiwo Rakečanskej koparskej rezerwje słabje hrało a 0:2 podležało. Po njestrašnej hrajnej scenje hosćo hižo po štwórć hodźinje nawjedowachu, kopnywši bul po zamjeće cyle jednorje doprědka. Wrotar Oliver Schmidt a škitar Karl Pakoßnick njeběštaj sej přezjednaj, štó dyrbi so wo njón starać. Martin Pruski jón tuž zymnokrejnje do klětki třěli. Po sylnym konteru w 41. min. zjewi so Rakečanski nadběhowar nadobo sam před Pančičanskim wrotarjom, kiž pak pokaza swoju klasu a dalšim wrotam zadźěwa.
W poslednim wokomiku wrota třělili
Sokoł Ralbicy/Hórki
– ST Hnašecy-Dobruša 1:0 (0:0)
Zestawa domjacych: Ch. Gloxyn – Rawš, Šewc, Korjeńk, Čórlich (78. J. Bjeńš), Matka, Krohmer, S. Bjeńš, Janca, Kurjat, Domaška
Blidotenisowa hrajna doba zahajena
Z poražku startowachu blidotenisća prěnjeho mustwa DJK Konjecy w prěnjej wokrjesnej lize do hrajneje doby 2017/2018. Přećiwnik TuS Gersdorf II, jasny faworit na staflowe dobyće, wotwjeze sej z Konjec z dobyćom 9:6 wobaj dypkaj. Byštaj-li Dierk Šewc a Pětr Bejma w hrě normalnu formu docpěłoj, by překwapjenka móžna była. André Čórlich doby jako jenički wobě hrě jednotliwcow. Matijas Kokla, Alojs Čóška a Michał Elstner dobychu kóždy jednu hru. Šesty dypk wudoby sej dwójka Kokla/Čóška.
Wuslědki (26.09.17)
Wokrjesna wyša koparska liga
Rakecy – Hory2:1 (1:1)
Kumwałd – Wjelećin2:0 (1:0)
Germania Budyšin – Kulow 2:2 (1:1)
Radwor – Wojerowski FC 0:0 (0:0)
Budyšin – Drohotka Ramnow 1:2 (0:1)
Ralbicy/Hórki – Hnašecy-Dobr. 1:0 (0:0)
1. SC Großröhrsdorf 6 15 : 0 18
2. Módro-běli Kulow 6 22 : 5 13
3. Wojerowski FC 6 12 : 9 13
4. ST Radwor 6 17 : 10 11
5. Rakečanske ST 6 17 : 13 10
6. Drohotka Ramnow 6 11 : 11 10
7. SG Großnaundorf 6 10 : 9 9
8. ST Wjelećin 6 13 : 15 9
9. Sokoł Ralbicy/Hórki 6 6 : 6 8
10. ST Hnašecy-Dobruša 6 8 : 7 7
11. LSV Hory 6 13 : 14 7
12. ST Kinspork/Łužnica 6 9 : 15 7
13. Motor Kumwałd 6 6 : 12 7
14. Zeleno-běli Bukecy 6 7 : 19 4
15. Póst Germania Budyšin 6 6 : 12 2
16. ST Budyšin 6 2 : 17 1
