Fanowu kolekciju wubrankow sej skazać

Budyšin/Ralbicy/Chrósćicy (SN/JaW). Zasadźenje Serbskeje koparskeje wubranki (SKW) muži na koparskich mišterstwach europskich narodnych mjeńšin w Južnym Tirolu njeje wohrožene. Tole wobkrućichu našemu wječornikej serbscy zamołwići za přihot europeady. Kaž čłon jednaćelskeho wuběrka Clemens Škoda zdźěli, pyta přihotowanski wuběrk zhromadnje z trenarjomaj wubranki a zamołwitymi Sokoła Ralbicy/Hórki a Sportoweje jednotki Chrósćicy za nowym rjadowanjom transporta koparjow do Italskeje. To je trjeba, dokelž stej mjenowanej mustwje skok do finala wokrjesneho pokala docpěłoj. A tale hra wotměje so runje 18. junija we Wulkej Dubrawje, tón dźeń, hdyž so w Južnym Tirolu 3. europeada započnje. „Njewě­my hišće, kelko hrajerjow to budźe, wšako wozjewja mustwowi nawodźa zestawu hakle 25. meje w Njebjelčicach“, praji Škoda.