Z tabulki móžeće wučitać, zo tež lětsa zaso serbscy beachvolleyballisća swoju sezonu dokónčili njejsu. Z dohromady 42 hrow wotmě so 31. Jeničce trójka Benedikt Smoła/Jurij Bjeńš/Stanij Šewc je zmištrowała, wšitke swoje duele přewjesć. Tak steji lońši wicemišter z dwanaće hrami a 20 dypkami na prěnim městnje tabulki. Swojej poslednjej hrě měješe před tydźenjomaj přećiwo teamej „Nankojo“ (Stephan Gedik/Jan Ješka/Michał Rjenč), kotruž suwerenje z 2:0 (21:7; 21:11) doby, kaž tež přećiwo faworitej ligi, trójce Marcel Rjelka/Jurij Lipič/Stephan Mühl. Prěnja sadźba dźěše hišće jasnje na Smołu a Bjeńša (21:14). Po tym pak aktiwnaj hrajerjej Viktorije Worklecy Rjelka a Lipič pokazaštaj, što w pěsku móžetaj. Dalšej sadźbje staj wonaj z 21:6 a 15:9 jasnje dobyłoj. Rjelce/Lipičej/Mühlej pobrachujetej nětko hišće dwě hrě. Hač pak so wotmějetej, je při tuchwilnym wjedrje skerje njepředstajomne.
Hižo nětko so hrajerjo na to dojednachu, zo wotměje so tež klětu zaso serbska beachvolleyballowa sezona. Potom pak chcedźa cyłki jenož jónu přećiwo sebi nastupić. Wróćohry tuž žane njebudu.
Kónčna tabulka:
1. Bjeńš/Smoła/Šewc 12 21:6 20
