SJ Weixdorf – SJ Chrósćicy 2:1 (0:1)

Zestawa SJ Chrósćicy: Králíček – Pöpel (82. Šmit), Cyž, Sentivan, Šafář, Henčl, Schulze, Domaška, Gries (65. Młynk), Žur (75. Teichmann), Věchet

Runja minjenej njedźeli, znowa so mjerzace mjezwoča po hrě pola koparjow SJ Chrósćicy. Po nawjedowanju su w poslednjej štwórć hodźinje dobyće z rukow dali. Spočatk hry wšak mějachu hižo na kumštnym trawniku z agresiwnym a zahe tłóčacym přećiwnikom někotre problemy. Dwójce, trójce so domjaca dźesatka (hrajer z čisłom 10) přez centralu do šěsnatki posłuži. W Petru Králíčeku pak namaka swojeho mištra. Na tamnej stronje tohorunja někotre štafety a flanki do šěsnatki. Po jednym tajkim nadběhu nasta mjerwjeńca před wrotami domjacych. Simon Žur wuži składnosć a k nawjedowanju trjechi.