Duel mjez Sokołami lětsa bjez dobyćerja

póndźela, 01. julija 2019
artikl hódnoćić
(0 )
Čěscy a serbscy sportowi přećeljo su so tež lětsa zaso w kopańcy wubědźowali a dosć hrajerjow hromadu dóstali, zo móžachu samo na wulkim polu hrać. Duel skónči so po dwój ce třiceći mjeńšinach 5:5 a po třělenju jědnatkow 15:15.  Foto: Jan Hrjehor Čěscy a serbscy sportowi přećeljo su so tež lětsa zaso w kopańcy wubědźowali a dosć hrajerjow hromadu dóstali, zo móžachu samo na wulkim polu hrać. Duel skónči so po dwój ce třiceći mjeńšinach 5:5 a po třělenju jědnatkow 15:15. Foto: Jan Hrjehor

Čěsko-serbsku sportowu wuměnu 54. raz přewjedli

Mjeztym 54. raz zetkachu so wot mi­njeneho pjatka do wčerawšeje njedźele w Ralbicach tamniši sportowcy a čěscy hosćo ze Spálenym Poříčí, městačka blisko Plzenja. Tež gmejna Ralbicy-Róžant a městačko Spálené Poříčí wudźeržujetej hižo 14 lět styki, a to z mjezsobnej wuměnu. Lětsa pak nastupi nowy starosta města Jindřich Jindřich (njestronjan) puć do Ralbic. Jindřich bu loni kónc lěta woleny a bě tuž nětko prěni króć ofi­cialnje jako nowy měšćanosta Spáleneho Poříčí hósć we Łužicy. Znowa podpěrał bě wuprawu čěskich přećelow „Čěsko-němski fonds do přichoda“.

Po pjatkownym přijězdźe a wutrobnym witanju podachu so čěscy hosćo sobo­tu do Wochoz, hdźež su sej zhromadnje park błudźenkow wobhladali. Popołdnju wobdźělichu so w Ralbicach na swjedźenskim zarjadowanju „10 lět dorostowa wohnjowa wobora Ralbicy-Róžant“, we wobłuku kotrehož so mjez druhim dorost wubědźowaše. Přizam­k­ny­ła je so zaso tradicionalna čěsko-serbska koparska hra.

Sokoł Ralbicy/Hórki –

TJ Sokol Spálené Poříčí 15:15

po třělenju jědnatkow (4:1, 5:5)

wozjewjene w: Sport

Galerija

dalši wobraz (1) Najmłódši a najstarši koparjej běštaj hóstnaj: nalěwo Václav Eisman a naprawo Jakub Sklenář. Foto: Kilian Hrjehor
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND