EVSE-cup w Rakecach přewjedli

wutora, 02. julija 2019
artikl hódnoćić
(0 )
Dorostowi koparjo z Njebjelčic su wobaj turněraj energijoweho zastaraćela EVSE minjenu sobotu dobyli. W starobnymaj klasomaj F a D běchu so stajnje štyri cyłki wobdźělili.  Foto: Tadej Cyž Dorostowi koparjo z Njebjelčic su wobaj turněraj energijoweho zastaraćela EVSE minjenu sobotu dobyli. W starobnymaj klasomaj F a D běchu so stajnje štyri cyłki wobdźělili. Foto: Tadej Cyž

Nětko hižo sedmy raz wotmě so minjenu sobotu w Rakecach koparski turněr młodźiny F a D. Wuhotowar turněra je energijowy zawod EVSE ze Salowa. Wón wubědźowanje stajnje něhdźe druhdźe přewjeduje.

Při najrjeńšim lětnim wjedrje wojowachu młodźi koparjo wo dypki, medalje a pokale. We woběmaj starobnymaj klasomaj wobdźělichu so cyłkownje štyri mu­stwa. Kóždy hraješe přećiwo kóždemu, a to w dwěmaj kołomaj. Bohužel pak su krótkodobnje tež cyłki wotprajili. Turněr pak bě wuběrnje organizowany, a dźěći běchu ze wšěm jara derje zastarane.

Pola młodźiny F so Njebjelčanski cyłk ze 16 dypkami jasnje přesadźi. Jako najlěpšeho hrajerja wuzwolichu Kiliana Cyža­ z dobyćerskeho mustwa. Tež dalši titul wudoby sej serbski kopar. Jan Šmit z Chróšćanskeho cyłka dósta za wuběrne refleksy pokal najlěpšeho wrotarja. A jeho bratr Ben dźeržeše runje tak pokal w rukomaj. Wón bě mjenujcy najmłódši hrajer turněra.

wozjewjene w: Sport

Galerija

dalši wobraz (1) Kilian Cyž a Michał Schäfer (wotlěwa, wobaj Njebjelčicy) buštaj na koparskim turněrje w Rakecach jako najlěpšej hrajerjej wuznamjenjenaj.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND