Sezona stareje gardy Sokoła

póndźela, 04. decembera 2023
artikl hódnoćić
(0 )
Ralbičan Markus Žur słuša k stajnym hrajerjam koparskeho mustwa starych knjezow Sokoła Ralbicy/Hórki. Mustwo z Delan hraje hižo wjacore lěta we wólnočasnej koparskej lize Zapadołužiskeho koparskeho zwjazka.  Foto: Mia-Katarina Hrjehorjec Ralbičan Markus Žur słuša k stajnym hrajerjam koparskeho mustwa starych knjezow Sokoła Ralbicy/Hórki. Mustwo z Delan hraje hižo wjacore lěta we wólnočasnej koparskej lize Zapadołužiskeho koparskeho zwjazka. Foto: Mia-Katarina Hrjehorjec

Tež lětsa wobdźělichu so stari knježa Sokoła Ralbicy/Hórki we wólnočasnej lize Zapadołužiskeho zwjazka. Tam wobdźěli so cyłkownje dźewjeć mustwow na wulkim polu. Hraješe so jednore koło. To rěka zo měješe kóžde mustwo štyri wonkowne a štyri domjace hry. Do sezony testowachu Ralbičenjo přećiwo Póst Germaniji z Budyšina a přećiwo Hnašecam/Dobruši. Z dobyćom a remisom zdachu so dosć derje přihotowani być.

Ze zapozdźenjom startowachu Sokoljo přećiwo mištrej z Horow a hrajachu tam njerozsudnje 1:1. Potom pak sćěhowachu tři bolostne poražki přećiwo Hermsdorfej, Blunjej a Kulowej. Na zbožo pak dobychu Sokoljo na pjatym hrajnym dnju w Rakecach 4:3. W poslednjej domjacej hrě před lěćnej přestawki přećiwo HZ Hórnikečanski jězor/Ćisk wupadaše wšitko za dalšimi třomi dypkami, tola w poslednim wokomiku wurunachu kontrahenća. Tak wuskoči jenož wosme městno w tabulce.

Sebjewědomje pak sebi delanscy koparjo skrućichu jako na stolětnym wobstaću swójskeho towarstwa pokal Serbskeho Sokoła dobychu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND