Wučerjo SGB tež w kopańcy wuspěšni

póndźela, 27. junija 2016 spisane wot:

23. koparski duel mjez wučerjemi a maturantami Serbskeho gymnazija Budyšin­ (SGB) skónči so po dwójce 15 mjeńšinach z dobyćom 4:2 staršeje generacije. Statistika dotalnych koparskich dwubojow z wida šulerjow wučinja šěsnaće dobyćow, tři remisy a štyri poražki.

5. Ramnowski Fichtowy běh

póndźela, 27. junija 2016 spisane wot:

W Ramnowje, ródnej wsy wuznamneho němskeho filozofa Johanna Gottlieba Fichty (1762–1814), wotmě so mjez tym 5. Fichtowy běh, na kotrymž je 305 lubowarjow běhanja a 15 atletow we walkingu startowało. To běše nowy wobdźělniski rekord. We woběmaj disciplinomaj běchu tež zaso serbscy starterojo jara wuspěšni. Jednotliwe distancy běchu 0,8 km, 2,2 km a 7,5 km.

Na 2,2 km za staršich šulerjow wubědźi sej serbska gymnaziastka Larissa Měrćinkec z Chelna dobyće w spěšnych 8:57 min. Wjetšina aktiwnych měrješe swoju wutrajnosć a spěšnosć na najdlěšej distancy 7,5 km. Aktiwni běchu z cyłeje Hornjeje Łužicy a wulkeho Drježdźanskeho wobwoda. Cyłkownaj dobyćerjej rěkaštaj Steffen Vogel (27:12 min.) a Sandy Pollack (30:45 min.). Najwuspěšniši serbski starter na tejle dołhej čarje běše Jakub Čórlich z Němcow. W spěšnych 27:21 min. doběža wón jako cyłkownje druhi do cila, w swojej skupinje 20 do 29 lět pak jeho prěni. W samsnej sk wobsadźi Richard Paška 5. městno (31:59 min.) a cyłkownje 39. Druhi najstarši w Ramnowje startowacy, spisar tutych linkow, bě třeći w sk 80 do 84 lět (58:08 min.).

Na 7,5 km wubědźowachu so tež pjatnaćo we walkingu.

Sand in Taufers (SN/JaW). Němcy z Južneho Tirola su 3. koparske mišterstwa awtochtonych narodnych mjeńšin Europy dobyli. Z 2:1 rozsudźichu woni sobotne finale w Sandźe in Taufers přećiwo Okcitanam za sebje a zawěsćichu sej třeći króć pokal. Pola žonow dobychu tohorunja Němki z Južneho Tirola. Wone přewinychu w finalu Okcitančanki z 3:2. Bronzowu medalju wubědźichu sej Němki z Ruskeje. Pola muži zaručichu sej třeće městno Korutanscy Słowjency. K hrě wo 3. městno pak nastupić njetrjebachu, dokelž buchu Chorwaća ze Serbiskeje z turněra wuzamknjeni. Tući běchu so w połfinalu njesportowsce zadźerželi a hrać přestali, samo policija dyrbješe zapřimnyć. Kaž organizaciski komitej europeady zdźěli, su so woni mjeztym zamołwili. Serbska koparska wubranka muži docpě 12. městno. Serbske koparki wjeselachu so nad 5. městnom, nimo toho dóstachu pokal za najfairniše žónske mustwo.

Nuznje so dorozumić

póndźela, 27. junija 2016 spisane wot:
3. europeada je nimo! Ale, kaž mjez sportowcami-koparjemi stajnje rěka: Po hrě je do hry! Tak je to tež z europeadu. Federa­listiska unija europskich narodnych mjeńšin (FUEN) hotuje so na přichodny turněr. Hdźe wón budźe, hišće njewědźa. Fakt pak je, zo dyrbja so nuznje wo wobsahu a wobdźělenych mustwach dorozumić. W Južnym Tirolu bě napadnyło, zo běchu někotre wyšoklasne cyłki pódla a zo steješe za někotre z nich sportowy wuslědk w srjedźišću, nic pak zhromadnosć a ze­znawanje ludow. A tak su tam tež wustupowali. Wulke diskusije na kromje hrajnišćow a njesportowske zadźerženje, zo dyrbješe samo policija zapřimnyć, wjetšina čitarjow znaje. FUEN měła tuž kriterije wobdźělenja nuznje předźěłać a so radšo dołhich politiskich narěčow wzdać. Wšako měli sportowče a sportowcy šansu měć, so ze­znać a styki nawjazać a nic jenož na politikarjow poskać. Janek Wowčer

Lille. Wot soboty smy w finalnej fazy europskich koparskich mišterstwow 2016 w Francoskej. Šěsnaće cyłkow wuhrawa­ hač do dźensnišeho wo­smi­finale. Šěsć duelow smy hižo dožiwili, dwaj stej hišće dźensa wječor w šesćich (Španiska – Italska) a w dźewjećich (Islandska – Jendźelska). Z jasnym dobyćom 3:0 je so němska wubranka wčera přećiwo Słowakskej přesadźiła. Přećiwnik njebě w žanej fazy hry kontrahent a nimale přez cyły čas přežadany. Hižo zahe trjechi Jerome Boateng 1:0, Mario Gomez docpě druhe wrota a wčera chětro sylny Julian Draxler třěli 3:0.

Sobotu wječor w Bordeauxje pak budźe nadawk wo wjele ćeši. Tam wočakuje chowancow trenarja Joachima Löwa pak Španiska pak Italska. Přećiwo Španiskej je Němska 2008 finale europskich mišterstwow přěhrała a lěće pozdźišo połfinale swětowych mišterstwow. Tež Italsku njeje w zašłych wosom turněrowych hrach přewinyć móhła.

Wuslědki (27.06.16)

póndźela, 27. junija 2016 spisane wot:

Wokrjesna koparska liga, stafla II

Hory II – HZ Łaz2:3 (1:1)

Šćeńca – Nowe Město II 2:5 (1:2)

Njeswačidło – N. Hrabowka 1:2 (1:2)

Hórnikecy – Wojerecy 1919 5:0 (1:0)

Ralbicy/Hórki II – Bluń 1:1 (1:1)

Rakecy II – Lubuš2:0 (1:0)

Ćisk II – FC Łužica2:4 (0:1)

1. Wojerecy 1919 28 91  : 24 64

2. Rakecy II 28 70  : 30 57

3. HZ Łaz 28 50  : 28 50

4. N. Hrabowka 28 73  : 45 49

5. FC Łužica 28 61  : 46 47

6. Hórnikecy 28 58  : 44 47

7. Lubuš 28 59  : 63 42

8. Nowe Město II 28 89  : 52 40

9. Njeswačidło 28 59  : 61 38

10. Bluń 28 53  : 62 38

11. Hory II 28 52  : 49 35

12. Ralbicy/Hórki II 28 56  : 58 35

13. Ćisk II 28 55  : 79 33

14. Wětnica/Hola 28 37  : 103 17

15. Šćeńca 28 35  : 154 7

wokrjesna klasa, stafla I

Huska – Kubšicy II1:0 (0:0)

Minakał – Hodźij II2:7 (1:4)

Steinigtwolmsdorf – Bart II 3:0 (1:0)

Wjazońca – Załom II3:6 (2:3)

Radwor II -– ST Budyšin II 0:2 (0:2)

Budyšink – Porchow II 0:1 (0:1)

Šěrachow – Bukecy II 1:6 (1:3)

Wjelećin II – Biskopicy III 1:3 (0:2)

1. Wjelećin II 30 104  : 31 76

2. Biskopicy III 30 140  : 31 72

3. ST Budyšin II 30 107  : 26 66

4. Budyšink 30 81  : 45 56

5. Huska 30 68  : 38 54

6. Załom II 30 73  : 56 53

7. Bukecy II 30 69  : 53 45

8. Kubšicy II 30 40  : 79 35

9. Wjazońca  30 69  : 89 34

10. Radwor II 30 59  : 87 33

11. Hodźij II 30 53  : 92 33

12. Šěrachow 30 50  : 82 32

13. Porchow II 30 47  : 79 30

14. Minakał  30 44  : 108 27

15. Bart II 30 32  : 93 20

16. Steinigtwolmsdorf 30 54  : 103 16

Sport (24.06.16)

pjatk, 24. junija 2016 spisane wot:

Přihoty Budissy na nowu sezonu

Regionalny koparski ligist Budissa Budyšin so hižo na nowu hrajnu dobu 2016/2017 přihotuje. Tule krótki přehlad:

05.07. 18.30 hodź. hra přećiwo Halleskemu FC (njeje hišće jasne)

07.07.–10.07. treningowe lěhwo w Budyšinje

10.07. 17 hodź. hra přećiwo Nowosólcej-Hródkej w Nowosólcu-Hródku

13.07. 18 hodź. wotewrjenje sezony w Bu­dyšinje, hra přećiwo FSV Zwickauwej

16.07. 18 hodź. hra přećiwo mustwu International Lipsk we Wjelećinje

Koparske dypkowe hry

26.06. 15 hodź. Radwor – ST Budyšin

15 hodź. Ralbicy II – Bluń

15 hodź. Němske Pazlicy – Mar. hwězda

Pojědu wo europsku krónu

25. a 26. junija budźe MC Hornja Łužica Hórski kraj 14. raz hosćićel běha wo europsku­ krónu awtocrossa. Lětsa liča we Wuhančicach-Koblicy z něhdźe sto jězdźerjemi ze 16 krajow. Domjacy startuja z wosom lokalnymi matadorami. Wubědźowanja wotměja so w kategorijach Junior buggy, Touring AX, Buggy 1600 a Super buggy.

Jěchanski a skakanski turněr

Zapodadźa spěchowansku próstwu

pjatk, 24. junija 2016 spisane wot:

Sankt Martin in Thurn/Bruneck (SN/JaW). Němcy z Južneho Tirola maja dale šansu, třeći króć koparske mišterstwa awtochtonych narodnych mjeńšin Europy dobyć. Woni porazychu wčera Madźarow z Rumunskeje 6:1 a steja w połfinalu. Tam nastupja přećiwo Korutanskim Słowjencam. Ći su Němcow z Ruskeje ze 6:3 zbili. Tež Chorwaća ze Serbiskeje a Okcitanojo su dale, přewinywši Ladinow z 2:0 resp. Madźarow ze Słowakskeje z 5:3.

Paris. Na europskich koparskich mišterstwach w Francoskej njejsu wčera hrali, dźensa tež nic. Skupinska faza je zakónčena. Trenar turkowskeje narodneje wubranki a UEFA pak staj so zwonka hrajnišćow přiwšěm wo diskusije postarałoj. Za wosmifinalnu hru Sewjeroirska–Wales je europski koparski zwjazk sudnika Martina Atkinsona nominował. Jendźelčan ma nadawk, jutře mały „wul­kobritaniski bój“ nawjedować. Problemy z dorozumjenjom wón zawěsće žane njezměje. Do toho bě w němskej za­zběhowej hrě přećiwo Ukrainje a partiju Portugalskeje přećiwo Madźarskej sudźił. Němski referee Felix Brych budźe jako štwórty oficialny zasadźeny.

Tež turkowske medije staraja so zwonka kopanišćow wo zajimawowsće. Masiwnych pisomnych nadpadow a skřiwdźenjow w socialnych medijach dla je Fatih­ Terim, trenar narodneho mustwa Turkowskeje, 21 ludźi pola statneho rěčnistwa přizjewił. Nimo toho sej wón žada wotstronić komentary na Twitteru a Instagramje, kotrež měrja so přećiwo jeho dźowce Buse a přichodnemu synej Volcanej Bahçekapılıjej.

Sportowalia so zabawjeli

štwórtk, 23. junija 2016 spisane wot:
Pančicy-Kukow (AO/SN). Swój integratiwny towarstwowy a sportowy swjedźeń je minjeny kónc tydźenja Sportowe towarstwo Marijina hwězda přewjedło. Sobotu stejachu lochkoatletiske wubědźowanja w srjedźišću. Byrnjež najlěpšich mytowali, dóstachu na kóncu wšitcy wobdźělnicy medalje a dalše připóznaća. Wo bjezporočny wotběh postara so sobu 25 přichodnych kubłarkow Serbskeje fachoweje šule za socialnu pedagogiku Budyšin. Nowosć bě, zo su wječorny sportowy bal w klóšterskej bróžni přewjedli, hdźež hraješe kapała Fünf an der Feier. Njedźelu je sportowe towarstwo na klóšterskim swjedźenju z pomocu kompjutera sněhakowanske skakanje přewjedło.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND