Widźał, słyšał, napisał (30.11.20)

póndźela, 30. nowembera 2020
artikl hódnoćić
(0 )
Awtor dźensa Jurij Bjeńš

Youssoufa Moukoko, ­tute mjeno sće w minjenych tydźenjach zawěsće słyšeli abo čitali. W hrě přećiwo Hertha BSC Berlinej bu kopar Borussije Dortmund (BVB) jenož dźeń po swojich 16. narodninach do partije zaměnjeny. Z tym je wón w stawiznach zwjazkoweje koparskeje ligi najmłódši zasadźeny akter scyła. Diskusije běchu wulke, hač njeje ­za njeho hišće přezahe pola profijow sobu hrać. Tam wšak knježi wosebje wulki ćišć z medialneje kaž tež fanoweje strony. Moje­ měnjenje: Fyzisce kaž tež psychisce so młode talenty hižo wot zažneje staroby w koparskich internatach na čas jako profijowy kopar přihotuja a dóstanu při tym wulku podpěru wot najlěpšich nazwučowarjow a samo tež sportowych psychologow. Sym jara wćipny na karjeru młodostneho.

Prošu přizjewće so, chceće-li komentar podać

nawěšk