Za štyri měsacy je europeada w Korutanskej

wutora, 01. měrca 2022
artikl hódnoćić
(0 )
W Njebjelčicach su so koparjo z Delnjeje a Hornjeje Łužicy před lětomaj hižo raz na europeadu přihotowali. Tež  André  Strelow (třeći wotprawa, Drježdźany), interviewowy partner Jurja Bjeńša za dźensniši přinošk, bě tehdy  hižo w trenarskim teamje. Lětsa maja koparske mišterstwa nětko być, po tym zo běchu je dwójce wotprajili. W Njebjelčicach su so koparjo z Delnjeje a Hornjeje Łužicy před lětomaj hižo raz na europeadu přihotowali. Tež André Strelow (třeći wotprawa, Drježdźany), interviewowy partner Jurja Bjeńša za dźensniši přinošk, bě tehdy hižo w trenarskim teamje. Lětsa maja koparske mišterstwa nětko być, po tym zo běchu je dwójce wotprajili.

Wot minjeneho tydźenja je jasne, zo koparska europeada lětsa definitiwnje budźe. Po tym zo běchu najwjetši sportowy podawk awtochtonych narodnych mjeńšin Europy hižo 2020 a loni koronapandemije dla přesunyć dyrbjeli, su so zamołwići nětko doskónčnje na to dojednali, jón wot 25. junija do 3. julija 2022 přewjesć. Pod kotrymi wuměnjenjemi smědźa tam koparjo nastupić, wosebje hladajo na šćěpjenski status, tučasnje hišće jasne njeje. Najebać to pak zamołwići serbskeje wubranki kruće z tym liča, zo so tam w lěću wobdźěla. „Naš primarny nadawk nětko je najprjedy raz zwěsćić, kelko z potencielnych koparjow by scyła sobu jěło. Smy wjetšinu z nich informowali a nětko čakamy na při- abo wotprajenja, tak zo móžemy bórze tamnišim organizatoram sobu zdźělić, hač smy pódla“, kotrenar serbskeje wubranki muži André Strelow rozłožuje. Trochu brjušebolenja wobradźeja zbywace štyri měsacy hač k zahajenju europeady: „Wjetšina koparjow je zawěsće hižo lětni dowol zapodała, abo ma w lěću hinaše plany. Te nětko změnić, je ze swójbu abo dźěłodawarjom hišće raz přeplanować, to móže wězo ćežko być.

wozjewjene w: Sport

Galerija

dalši wobraz (1) Tež Willi Paška z Depska, Bjarnat Korch z Koćiny a Bosćij Bejma z Ralbic (wotlěwa) słušeja do kruha kandidatow, kotřiž móhli w juniju a juliju w Korutanskej hrać.
dalši wobraz (2) Lucijan Zahrodnik přećiwo Maksimilianej Zahrodnikej rěkaše jedyn z přihotowanskich duelow na koparske mišterstwa w Awstriskej. Jörg Stephan
dalši wobraz (3) Jonas Krawčik (nalěwo, Biskopicy) je swoje připrajenje za lětušu europeadu w Korutanskej hižo dał. Foto: Konstantin Hrjehor
Prošu přizjewće so, chceće-li komentar podać

Serbska debata

nowostki LND