Čerwjeno-běli Essen –

FC Energija Choćebuz 2:3 (0:1)

Zestawa FC Energije Choćebuz: Funk – Straudi, Campulka, Manu, Guwara (59. Lucoqui), Pelivan, Ciğerci, Borgmann, Hannemann (70. Awortwie-Grant), Engelhardt, Butler (70. Thiele)

Slěd wrotow: 0:1 Ciğerci (13./jědnatka), 0:2 Butler (51.), 1:2 Mause (61.), 1:3 Engelhardt (69.), 2:3 Moustier (88.)

To bě woprawdźita načolna hra, kotruž chcyše domjacy cyłk jako štwórty tabulki dobyć, zo by z tym prěnje městno tabulki 3. ligi docpěł. Přećiwo tomu pak dźěłaše bojowniske mustwo FC Energije Choćebuz. Wobě mustwje so při temperaturje pod nulu wo wobhladanja hódnu hru postaraštej. Essenscy nastajnosći wrota hosći nadběhowachu. Naposledk pak FC Energija hru za sebje rozsudźi, dokelž bě šansy jara efektiwnje wužiwała. Nimo toho steješe z Mariusom Funkom muž we wrotach FCE, kotryž nadběhi Essenskich wušiknje a zmužiće wotwobara. Tuž skoči Energija dźakowano Tolcayjej Ciğercijej (šesta přetworjena jědnatka), spěšnemu hrajerjej Jasonej Butlerej a spěšnej reakciji Erika Engelhardta (dźewjate wrota sezony­) na čoło tabulki. Haj – nic Čerwjeno-běli Essen, ale FC Energija Choćebuz tabulku nětko nawjeduje.