W južnotirolskim Bozenje skupiny za Europeadu 2016 wulosowali
Bozen (GS/SN/JaW). Dźensa dopołdnja su zarjadowarjo a wuhotowarjo 3. koparskich mišterstwow europskich narodnych mjeńšin Europeady 2016 w južnotirolskim Bozenje skupiny za turněr wulosowali. Přizjewiło bě so cyłkownje 24 muskich a šěsć žónskich mustwow. Serbja su na turněrje, kotryž wotměje so runočasnje z europskimi koparskimi mišterstwami EURO 2016 w Parisu wot 18. do 26. junija, z dwěmaj cyłkomaj – jednym muskim a jednym žónskim – zastupjeni.