Poradźeny start do noweje sezony

póndźela, 05. oktobera 2015 spisane wot:

K prěnim dypkowym hram noweje hrajneje doby nastupištaj Sokoł Budyšin a ST Marijina hwězda z Pančic we­ Wósporku. Mjeztym zo móžachu hosćo z Pančic pola hrajerjow z połneho čerpać, nastupi Sokoł jenož z nuzowej šěstku.

Sokoł Budyšin – TSV Wóspork/Hrodźišćo 0:2 (11:25, 11:25)

Zo njebě Sokoł z najsylnišej zestawu nastupił, pokaza so wočiwidnje hižo na započa­tku prěnjeje sadźby. Spěšny zastatk­ so přeco bóle powjetši. Sokoljo popadnychu sej wótru plistu. W přichodnej sadźbje so ničo njezměni a Budyšenjo dóstachu přichodnu plistu.

Sokoł Budyšin – Marijina hwězda 0:2 (8:25, 13:25)

Hišće hórje zeńdźe so Sokołam ze sprjewineho města w hrě přećiwo Marijinej hwězdźe z Pančic-Kukowa. W prěnjej sadźbje njedocpěchu Budyscy volleyballisća ani dźesać dypkow. Tež w druhej sadźbje so jim wjele­ njeporadźi. Cyle hinak­ wupadaše to pola Ma­rijineje hwězdy. Wot spočatka běštaj Be­nedikt Smoła jako přistajer a Metod Šołta w nadběhu zasadźenaj. Wobaj swój nada­wk wuběrnje spjelništaj. Z tym přino­šowaštaj wobaj k dobremu wukonej cy­łeho mustwa. Wuslědk hry budźeše na­dźije za slědowace rozestajenje z Wósporkom.

11. Budyski běh z wutrobu

póndźela, 05. oktobera 2015 spisane wot:

Šulerjo a wučerjo Serbskeho gymnazija Budyšin (SGB) 2 800 eurow naběželi

Při rjanym słónčnym wjedrje wotmě so kónc septembra hižo 11. Budyski běh z wutrobu we hłownej organizaciji Ludoweje banki Budyšin. Znowa nastajic­hu wobdźělnicy wjacore rekordy. Sprěnja překročichu běharjo Budyskich gymnazijow kaž tež Wjelečanskeho a Biskopčan­skeho gymnazija a powołanskeje šule za hospodarstwo a techniku magisku hranicu wot 2 000 sportowcow. Zdruha zmištrowachu šulerjo a wučerjo wulkotne 14 040 kołow, kóžde někak 700 metrow dołhe. Jednotliwy team wobsteješe z třoch běharjow, kotřiž so wotměnjejo jednu hodźinu za dobry zaměr angažow­achu. Lětsa za zjednoćenstwo bawuki (Bautzener Wunsch Kiste), kotrež podpěra ćělnje, duchownje a psychisce wróćo­stajenych dźěći a młodostnych. Třeći rekord běše naběžana suma z wjac hač 25 000 eurow, to je dotal najwyša. Z njeje nałožuja 80 procentow za projekty zjednoćenstwa ba­wuki. Zbytne pjenjezy sobuskutkowacym šulam rozdźěla.

Widźał, słyšał, napisał (05.10.15)

póndźela, 05. oktobera 2015 spisane wot:

Awtor dźensa

Halena Jancyna

W Drježdźanach njehraješe wčera Dynamo, za to pak wotmě so konjacy sport na jěchanskej čarje Drježdźany-Seidnitz. Tam bě lětuši 6. wubědźowanski dźeń, kotryž bě za swójby mysleny. Zastup běše darmotny a tuž naličichu 10 621 wopytowarjow jěchan­skeho sporta. Lubješe być wulkotny dźeń k wubědźowanju. Słónco swěćeše, při a na jěchansekej čarje bě tež wšitko w porjadku. Za wšitkich akterow, konje a čłowjekow, potajkim prima wuměnjenja.

Wuslědki (05.10.15)

póndźela, 05. oktobera 2015 spisane wot:

Krajna koparska liga

FC Grimma – BSG Chemija 3:1 (2:0)

Pirna-Copitz – FC Eilenburg 2:1 (1:0)

BSC Freiberg – Markkleeberg 1:1 (0:0)

Hohenstein-E. – FSV Zwickau II 2:0 (0:0)

Wocl Riesa – Glauchau 5:1 (3:1)

Zhorjelc – Taucha1:0 (1:0)

Heidenau – Rapid Kamjenica 4:0 (2:0)

Reichenbach – Kamjenc 0:3 (0:2)

Wuslědki (05.10.15)

póndźela, 05. oktobera 2015 spisane wot:

Regionalna koparska liga

Babelsberg 03 – RB Lipsk II 2:0 (1:0)

BFC Dynamo – Luckenwalde 4:1 (2:1)

Neugersdorf – Auerbach 1:0 (1:0)

Schönberg – Nordhausen 0:2 (0:1)

Halberstadt – Hertha BSC II 2:4 (2:3)

Zwickau – Berlinski AK 1:1 (1:0)

Meuselwitz – Budissa Budyšin 0:4 (0:2)

FC Viktoria – Rathenow 3:1 (0:1)

Jena – Neustrelitz2:0 (1:0)

1. Zwickau 10 21  :  7 23

2. Neugersdorf 10 18  :  7 23

3. Jena 10 15  :  4 21

4. BFC Dynamo 10 26  :  16 21

5. Nordhausen 10 17  :  7 21

6. Berlinski AK 10 13  :  3 19

7. Babelsberg 03 10 11  :  6 17

8. Budissa Budyšin 10 14  :  9 14

9. Neustrelitz 10 16  :  12 14

10. Schönberg 10 12  :  8 14

11. Auerbach 10 14  :  18 14

12. Hertha BSC II 10 14  :  18 13

13. Meuselwitz 10 10  :  20 9

14. Rathenow 10 8  :  19 6

15. FC Viktoria Berlin 10 8  :  20 6

16. RB Lipsk II 10 9  :  20 5

17. Halberstadt 10 11  :  27 4

18. Luckenwalde 10 6  :  22 4

Sport (02.10.15)

pjatk, 02. oktobera 2015 spisane wot:

2. crossowy duatlon

Budyske lochkoatletiske zjednoćenstwo Čerwjeno-běli 90 přewjedźe njedźelu, 4. oktobra, wot 9 hodź. 2. crossowy duatlon, a to w Humboldtowym haju. Start a cil budźetej na ležownosći Budissy Budyšin.

Powerserb w Pěskecach

Skupina Čilak wuhotuje jutře, sobotu, zhromadnje z młodźinskim towarstwom Pawk sportowe wubědźowanje Powerserb. Započatk na Pěskečanskim sportnišću je w 15 hodź. Dotal je so wosom cyłkow přizjewiło: Hórski lud Wotrow, Cycaki, SC Knack, Ralbicy, skupina Čilak, Pěskecy, Radwor a Satkula.

Blidotenisowe dypkowe hry

02.10. 19:30 Konjecy – Njeswačidło

05.10. 19:00 Korzym III – Worklecy II

05.10. 19:00 Wóspork IV – Radwor

06.10. 19:15 Wojerecy – Konjecy

Koparske pokalne hry

03.10. 15:00 Seeligstadt – Chrósćicy

03.10. 15:00 Ćisk – Rakecy

03.10. 15:00 Nadr. Hrabowka – Kulow

04.10. 15:00 Wjelećin II – Pančicy

04.10. 15:00 Njebjelčicy – Arnsdorf

04.10. 15:00 Malešecy – Łuty

04.10. 15:00 Njeswačidło – Ralbicy

04.10. 15:30 Großnaundorf – Ralbicy II

Crossowa sezona so nachila

FC Energiju z pincy wjesć

štwórtk, 01. oktobera 2015 spisane wot:

Vasile Miriuta z poradźenym zazběhom­

Jenož mała kročel to bě, kotraž je w koparskim Choćebuzu z wulkimi nadźijemi zwjazana. Rěč je wo 2:2 w Magdeburgu, kotrež je mustwo FC Energije w tabulce wo jedne městno polěpšiło. Wusko zwjazane z dobyćom dypka w Magdeburgu je mjeno Vasile Miriuta. Rumunjan, nimo Eduarda Geyera jenička prawa ko­parska wosobina w Choćebuzu z dawnych časow zwjazkoweje koparskeje ligi, bě dwaj dnjej do toho dospołnje njewěste a znjezměrnjene mustwo přewzał. Bjezmała bychu so Choćebuscy koparjo z třomi dypkami z Magdeburga rozžohnowali. Sudnik pak to po wšěm zdaću nochcyše a dari hosćićelej w přidatnym hrajnym času jědnatku.

Znowa suwerenje dobyli

štwórtk, 01. oktobera 2015 spisane wot:

ST Marijina hwězda

– ST Wóslink/Skaskow 5:1 (2:0)

Zestawa domjacych: O. Schmidt – Czapik, Sbjeznie, Łušćanski, Lipič, Pesch­mann (67. Langer), Bělk, T. Jurš, P. Schmidt, Winkler, D. Jurš

Po grandioznym dobyću přećiwo Se­picam běchu tři dypki přećiwo postup­nikej dalši cil klóšterskich koparjow. Wo prěnich­ 20 mjeńšinach njehodźi so wjele rjec. W 24. min. bu Czapik w šěsnatce połoženy a dobry sudnik Hentsch pokaza hnydom na dypk. W prěnim pospyće­ Dawid­ Jurš jědnatku přetworić njemó­žeše. Dokelž pak bě so hrajer hóstneho­ mustwa přezahe do šěsnatki hibał, dyrbješe so pokutny kop wospje­tować. Nětko hrabny sej kapitan Křesćan Bělk bul a přetwori wěsće k 1:0. Hišće­ do přestawki zwyši Paul Schmidt na 2:0, a to z hłowu po rjanej akciji Da­wida Jurša.

Wuslědki (01.10.15)

štwórtk, 01. oktobera 2015 spisane wot:

Wokrjesna koparska liga, stafla III

Großröhrsdorf II – Frankenthal 0:1 (0:0)

Arnsdorf – Großharthau 4:1 (1:1)

Kamjenc II – Hlinowc 0:4 (0:2)

Großnaundorf – Ottendorf/Liegau

 0:3 (0:1)

Mar. hwězda – Wóslink/Skaskow5:1 (2:0)

Haselbachtal – Großdrebnitz 8:1 (3:1)

Njebjelčicy – Němske Pazlicy 0:0 (0:0)

Pruwowanje wobstali

srjeda, 30. septembera 2015 spisane wot:

Postupnik do wobwodneje volleyballoweje ligi ST Marijina hwězda je k prěnjej dypkowej hrě w Lubiju přećiwo VV Schönbachej nastupił.To bě k zazběhej twjerdy worjech, na druhim boku pak tež dobra móžnosć, přećiwo třećemu minjeneje hrajneje doby swoje zamóžnosće wupruwować.

ST Marijina hwězda – VV Schönbach 3:1 (25:17, 17:25, 25:20, 25:14)

Pančičanske volleyballistki podachu so z wulkej motiwaciju do hry. Přećiwnik wosta wužadanju napřećo skerje měrny. Wužiwaše čas mjez jednotliwymi akcijemi samo za bjesadu. To dźěše tež derje, dołhož bě sadźba wurunana. Ze seriju nadaćow wobradźi Susi Glücklichowa Marijinym hwězdźičkam nawjedowanje a sadźbowy bul. W druhim přechodźe přećiwniske hrajerki mjenje bjesadowachu a so bóle na hru koncentrowachu. Tak móžachu so rewanšować. Tež w třećej sadźbje wzachu wotežki do rukow. Hakle sylne nadaća Pančičanki Anne Fünfstück wotběh změnichu. Ze zastatka 13:14 wuwi so nawjedowanje 19:14. Z jara dobrym mustwowym wukonom zawěsćichu sej Marijine hwězdźički dalšej wuspěšnej sadźbje a zdobom prěnje dobyće­ we wobwodnej lize.

VV Schönbach – OSC Lubij 3:0

(25:15, 25:14, 25:21)

nawěšk

SERBSKE NOWINY podpěruja:

Novi Sad – kulturna stolica Europy

nowostki LND